रोनाल्डो, सलाह र मोड्रिच फिफा सर्वोत्कृष्ट खेलाडीमा मनोनीत, मेस्सी हिस्स

  • बुधबार, २० भदौ, २०७५
  • 9 months ago
  • खेल
Education Park

प्रतिभावान फुटबल खेलाडी क्रिस्टियँनो रोनाल्डोको नाम लुका मोड्रिच र मोहम्मद सलाहको नामसँगै फिफा वर्ष खेलाडीको उपाधीका लागि छनोट हुँदा उनका चीर प्रतिद्वन्द्वी लियोनेल मेस्सीको नाम भने एक दशक यता पहिलो पटक छुटेको छ । 

 

यस उपाधीमाथि मेस्सी र रोनाल्डोले पछिल्लो दशकमा एकछत्र राज गर्दै आएकोमा बार्सिलोनाका यी नामुद खेलाडी मेस्सीको नाम भने सन् २००६ यता पहिलो पटक अन्तिम तीनको सूचीमा छैन । पाँच पटक सो उपाधी चुमेका मेस्सी सन् २००८, २०१३, २०१४, २०१६ र २०१७ मा रोनाल्डोले उपाधी हात पार्दा उपविजेता रहेका थिए । 

 

गत जुलाइमा इटालियन क्लब युभेन्ट्स जानुअघि रियल म्याड्रिडका नौ वर्षे बसाइमा पाँच वर्ष बीचमा चार पटक युरोपको प्रतिष्ठित च्याम्पियन्स लिग जिताएर रोनाल्डोले आफ्नो गौरवगाथा शिखरमा पु¥याएका थिए । आउँदो सेप्टेम्बर २४ मा उनी छैटौँ पटक पनि फिफा सर्वोत्कृष्ट खेलाडीका रुपमा छानिए भने पक्कै पनि उत्कृष्टताको दौडमा उनले मेस्सीलाई पछाडि छाड्ने छन् । 

 

मेस्सी–रोनाल्डो आधिपत्यको अन्त्य 

आफ्नो क्लब तथा देशका लागि उत्कृष्ट प्रदर्शन गरेका रोनाल्डोको पुरानो क्लब रियल म्याड्रिडका खेलाडी लुका मोड्रिचले उपाधी चुम्ने धेरैको अनुमान छ । सो उपाधिका लागि १० वर्ष यताको पहिलो नयाँ नामको रुपमा मोड्रिचलाई लिइएको छ । रियल म्याड्रिडलाई च्याम्पियन्स लिग उपाधी दिलाउन उल्लेख्य योगदान दिएका यी क्रोएसियाली मिडफिल्डरले सन् २०१८ को विश्वकप सेमिफाइनलमा क्रोएसिया उपविजेता बन्दा प्रतियोगिताको सर्वोत्कृष्ट खेलाडी घोषित भएर ’गोल्डेन बल’ पनि प्राप्त गरेका थिए । 

 

म्यान्चेस्टर युनाइटेड तथा डेनमार्कका पूर्व गोलरक्षक पिटर स्माइकलले फिफा दूतको रुपमा आफ्नो भूमिका निर्वाह गर्दै भने, “मलाई वास्तवमै मोड्रिचले जितून् भन्ने छ किनभने विश्वकपमा उनले जुन कौशल देखाए, त्यो साँच्चै विशिष्ट थियो ।” 

 

“हामीले देखेजानेका उनी रियल म्याड्रिडका शान्त खेलाडी हुन् तर यो विश्वकपमा उनमा हामीले तेजश्वी नेतृत्वको गुण पायौँ । उनले कप्तानको कालो पट्टा पाखुरामा लाएका थिए, अग्रभागबाट खेलको नेतृत्व सम्हालेका थिए अनि प्रतिद्वन्द्वीलाई रोक्न बढ्ने पहिलो व्यक्ति पनि उनै थिए । हामीले लुका मोड्रिचको त्यो रुप देख्यौँ जुन पहिला कहिल्यै देखेका थिएनौँ ।” 

 

लिभरपुलका लागि गत सिजनमा मोहम्मद सलाहको ४४ गोलको अद्भूत प्रदर्शनले उनलाई मेस्सी तथा २०१८ विश्वकपका फ्रान्सेली नायकहरु किलियान एम्बाप्पे एवम् एन्टोइन ग्रिज्म्यानलाई पछि पारेर उत्कृष्ट तीनमा पार्न सफल बनाएको हो । यी इजिप्सियन खेलाडीले किभमा आफू चोटग्रस्त हुनुअघि आफ्नो क्लब लिभरपुललाई च्याम्पियन्स लिग फाइनलमा रियल म्याड्रिडका विरुद्ध उभ्याउन सफल भएका थिए । त्यही चोटका कारण विश्वकपमा उनको भूमिका सीमित भएको थियो । 

 

सर्वोत्कृष्ट खेलाडीको दौडमा फ्रान्सेली खेलाडीहरु नभए पनि सर्वोत्कृष्ट प्रशिक्षकका लागि भने अन्तिम तीनमा दुई फ्रान्सेली — २०१८ को विश्वकप विजेता टोलीका प्रबन्धक डिडिअर डेस्च्याम्प र रियल म्याड्रिडका पूर्व कप्तान जिनेदिन जिदान — क्रोएसियाका ज्लाट्को डालिचसँगै छनोटमा परेका छन् । डालिचको क्रोएसिया २०१८ विश्वकपमा चमत्कारिक उदय गर्दै उपविजेता रहन सफल भएको थियो भने डेस्च्याम्प ती तीन कीर्तिमानी हुन् जो विश्वकप खेलाडी तथा प्रशिक्षक दुवै हात पार्न सफल भएका छन् । उता जिदानले भने यही मे महिनामा आफ्नो पद त्याग्नुअघि रियल म्याड्रिडलाई लगातार तीन पटक च्याम्पियन्स लिग उपाधी दिलाउन सफल भएका थिए । 

 

सर्वोत्कृष्ट गोलरक्षक उपाधीको भिडन्तमा भने टोटेनह्याम क्लबका फ्रान्सेली खेलाडी ह्युगो लरिस, डेनमार्कका क्यास्पर स्माइकल ९पिटर स्माइकलका छोरा० तथा बेल्जियमका थिबट कोर्टो ९जसको २०१८ विश्वकपको खेल कौशलले उनलाई रियल म्याड्रिडमा स्थान दिलायो० छन् । 

 

सर्वोत्कृष्ट गोलका लागि दिइने पुस्कास पुरस्कारका लागि मनोनयनमा परेका खेलाडीमा रोनाल्डो तथा मेस्सीसँगै ग्यारेथ बेल पनि रहेका छन् । 

 

सर्वोत्कृष्ट महिला खेलाडीका लागि भने लियोन क्लबकी नर्वेली स्ट्राइकर अडा हेगेर्बर्ग, जर्मन मिडफिल्डर जेनिफर मरोजान र पाँच पटककी पूर्व विजेता ब्राजिलकी मार्टा छनोटमा परेका छन् । 

 

लियोनका रेनोल्ड पेड्रो, जापानका आसाको ताकाकुरा तथा नेदरल्यान्ड्सका सरिना विग्मन महिला टोलीका सर्वोत्कृष्ट प्रशिक्षकका लागि अन्तिम तीनमा मनोनित भएका छन् ।


थप समाचार

सशस्त्र प्रहरीलाई गृहमन्त्रीकाे निर्देशन : परिणाम निस्किने गरी काम गर्नुस्

  • 2 minutes ago
सशस्त्र प्रहरीलाई गृहमन्त्रीकाे निर्देशन : परिणाम निस्किने गरी काम गर्नुस्

काठमाडौँ । गृहमन्त्री रामबहादुर थापाले परिणाम निस्कने गरी काम गर्न सशस्त्र प्रहरीलाई निर्देशन दिएका छन् । प्रदेश बाहिनीपतिका रुपमा सरुवा भएका सशस्त्र प्रहरी नायब महानिरीक्षकलाई आज गृह मन्त्रालय

ब्रिटेन नेपाल चेम्बर अफ कमर्शले अर्थमन्त्रीलाई बुझायाे ज्ञापनपत्र

  • 17 minutes ago
ब्रिटेन नेपाल चेम्बर अफ कमर्शले अर्थमन्त्रीलाई बुझायाे ज्ञापनपत्र

काठमाडौँ । ब्रिटेन नेपाल चेम्बर अफ कमर्शले नेपालमा हुने वैदेशिक लगानीलाई प्रोत्साहन गर्न आग्रह गर्दै सरकारलाई ज्ञापनपत्र बुझाएको छ ।

बैंकिङ कसूरकाे मुद्दामा फरार अभियुक्त पक्राउ

  • 49 minutes ago
बैंकिङ कसूरकाे मुद्दामा फरार अभियुक्त पक्राउ

काठमाडौँ । बैकिङ् कसुर मुद्दामा फरार हुँदै आएका काठमाडौँ तारकेश्वर नगरपालिका–९ का प्रमोदकुमार खड्का कारागार चलान भएका छन् ।



प्रेम र यौन

यी हुन् विश्वका ५ चर्चित यौन बजार

यी हुन् विश्वका ५ चर्चित यौन बजार

पछिल्लो समय यौनलाई मानिसहरुले आधारभूत आवश्यकताको रुपमा लिँदै आएका छन् । सोही कारणले गर्दा कतिपय देशका सरकारहरुले नै अनुमति दिएर यौन बजार खुल्दै आएको छ । जसलाई हामी ‘रेड लाइट’ एरिया भन्छौं । यहाँ हामीले विश्वका चर्चित ५ यौन बजारको बारेमा जानकारी प्रस्तुत गरेका छौं ।

जीवनशैली/स्वास्थ्य

मध्यरातमा निद्राबाट बिउँझिए यी ५ काम नगर्नुस्

मध्यरातमा निद्राबाट बिउँझिए यी ५ काम नगर्नुस्

एजेन्सी । कोही मानिसहरु मध्यरातमा बिउँझने गर्छन् । ब्युँझिएपछि फेरि निदाउँन कष्ट गर्दा पनि उनीहरु निदाउन सक्दैनन् । यस्तो अवस्थामा धेरै मानिसहरुले गर्न नहुने काम गरिरहेका हुन्छन् ।

विचित्र विश्व

७० वर्षमा गर्भवती भएकी यी महिला...

७० वर्षमा गर्भवती भएकी यी महिला...

एजेन्सी । उमेरले ७० वर्ष लागकी एक महिला गर्भवती भइन् । ७० वर्षको उमेरमा मानिसलाई हिडडुल गर्न नै गाह्रो हुन्छ । तर, एक महिलाले आफू ७० वर्षको उमेरमा पनि उनले आफू गर्भवती रहेको बताएकी हुन् ।