‘चरी जिउँदै छ’ बनाएर अबैध सम्पत्ति चोख्याउने दाउमा थिए नागराज

काठमाडौं । प्रहरी फन्दामा परेका अन्तर्राष्ट्रिय सट्टेबाजी गिरोहका नाइके अमृत भन्ने नथमल अग्रवाल उर्फ नागराजले अबैध सम्पत्तिलाई बैध बनाउन चलचित्र निर्माणको तयारी गरेको खुलेको छ । ‘चरी जिउँदै छ’ नामको चलचित्र निर्माण गरिरहेका नागराज अन्ततः प्रहरी फन्दामा परेसँगै उनको सपना तत्कालका लागि पूरा नहुने भएको छ ।

 

किनकी नागराजले खेलमा सट्टेबाजी गरेर कमाएको स्रोत नखुलेको करोडौंको सम्पत्ति जफत हुने अवस्थामा छ । महानगरीय अपराध महाशाखाले नागराजको अवैध सम्पत्ति छानविनका लागि सम्पत्ति सुद्दिकरण विभागसँग समन्वय गरी अनुसन्धान सुरु गरेको छ ।

 

आफूलाई नागराज नभई प्रोफेसर भनेर चिनाउन चाहने अग्रवालले फिजिक्समा मास्टर्स गरेका छन् । यद्यपी उनको मोह भने अर्कै रहेछ । अवैध रुपमा करोडौं रकम कमाएपछि फिल्म निर्माण गर्ने नाममा मोडल र हिरोइनहरुलाई भेला गरी नागराजले विलाशिताको जीवन विताउँदै आएका थिए । पानीपोखरीस्थित आफू बस्ने अपार्टमेन्टमा तिनै मोडल र हिरोइनहरुलाई भेला गराई नागराजले नेपाल प्रहरी, नेपाली सेना र सशस्त्रका उच्च अधिकारीहरुसँग जमघट गराउँदै आएको स्रोत बताउँछ ।

 

सट्टेबाजीको धन्दालाई अन्तर्राष्ट्रिय रुपमा फैलाइसकेका नागराज प्रहरीका उच्च हाकिमहरुसँग हिरोइनहरुलाई भेला गराएकै भरमा कारबाहिबाट जोगिदै आएका थिए । तर, अपराध महाशाखाको पञ्जाबाट भने उनी फुत्किन पाएनन् । विश्वकप र आईपीएल क्रिकेटलगायतका खेलहरुमा करोडौंको सट्टेबाजी गराउँदै आएको अन्तर्राष्ट्रिय गिरोहका नाइके नागराज पक्राउ परेसँगै उनलाई छुटाउन प्रहरीलाई दबाब परेको छ ।

 

नागराज पक्राउ परेकै दिनदेखि सरकारी वकिल कार्यालयमा समेत ठूलो चलखेल शुरु भइसकेको छ । नागराजको मुद्दा कमजोर बनाई उनका एजेन्ट गौरव तिवारीको शैलीमा छुटाउन महानगरीय प्रहरी परिसर काठमाडौंमा प्रहरी भित्रकै एक समूहले चलखेल गरेको छ ।

 

नागराज र तिवारीको सम्बन्ध पूर्व आईजीपी उपेन्द्रकान्त अर्याल, पूर्व एआईजी विज्ञानराज शर्मा, सुन काण्डमा थुनामा रहेका डिएसपी प्रजित केसीदेखि केही वहालवाला डिआईजीसम्म रहेको प्रहरी स्रोत बताउँछ ।

 

महानगरीय अपराध महाशाखाको टोलीले आईपीएल क्रिकेटमा सट्टेबाजीमा रकम राख्दा तीन महिनामा रकम तेब्बर हुन्छ र हारेमा रकम फिर्ता हुन्छ भन्दै दुई करोड ४० लाख ठगी गरी फरार भएका नागराजलाई शनिबार पानीपोखरीबाट पक्राउ गरेको थियो । नागराज राकेश सिंहलगायतका व्यक्तिहरुबाट उक्त रकम उठाई फरार भएका थिए ।

 

प्रहरीले खोजिको सूचीमा राखेदेखि नै नागराज भारतको गोवा, मुम्बई, बैङलोर, दुवई, सिंगापुर कोलम्बिया, थाइल्याण्ड, अमेरिकालगायतका मुलुकमा बसेर नै धन्दा चलाउँदै आएका थिए । नेपालमा कुनै व्यापार व्यवसाय नभएका नागराजले सट्टेबाजीको धन्दा चलाएकै भरमा एक अर्व भन्दा बढिको अवैध सम्पत्ति जोडेको प्रहरी अनुसन्धानबाट खुलेको छ ।

 

नागराजको महाराजगञ्ज बाँसबारीमा एक रोपनी जग्गामा फैलिएको घर, बालुवाटार प्रधानन्यायधीश क्वार्टर नजिक ८ आना घडेरी, नारायाणथान पार्कभिलेज नजिक तीन रोपनी जग्गा र झण्डै २० करोड बराबरको पानीपोखरीको अपार्टमेन्ट रहेको छ । यसअघि नागराजकै समूहका गौरव तिवारीलगायत पाँच जनालाई महानगरीय प्रहरी परिसर काठमाडौंले पक्राउ गरी जुवा ऐन अन्तर्गत मुद्दा चलाई छाडेको थियो ।

 

सट्टेबाजी मार्फत झण्डै १४ करोडको अवैध कारोबार गरेको तिवारीको समूहलाई परिसरले मुद्दा कमजोर बनाई जुवा ऐन अन्तर्गतमात्र मुद्दा चलाउँदा उनीहरु दुई सय रुपैयाँ धरौटीमा छुटेका थिए । जुन विषयले गृह मन्त्रालय र प्रहरी प्रधान कार्यालयमा ठूलो हंगामा मच्चिएको थियो । आजको युनाइटेड पोष्टबाट ।


थप समाचार

अमेरिकी काला अल्पसंख्यक-सिमान्तकृत समुदाय र विद्रोहको बर्तुलकार सिद्दान्त

  • 7 minutes ago
अमेरिकी काला अल्पसंख्यक-सिमान्तकृत समुदाय र विद्रोहको बर्तुलकार सिद्दान्त

चाहे अमेरिकी काला जाति होउन् वा रेड ईण्डियन अल्पसंख्यक नै किन नहुन विद्रोह र मौनताको चक्र ढाँचामै उनीहरुको अभिव्यक्ति चलिरहेको छ । यसलाई प्रतिबिम्बित गर्ने काम मिडियाले गरिरहेकै छन् विविध सामाग्री र क

स्वदेश फर्कने नेपालीलाई टेलिकमको निःशुल्क सिमकार्ड सेवा

  • 11 minutes ago
स्वदेश फर्कने नेपालीलाई टेलिकमको निःशुल्क सिमकार्ड सेवा

काठमाडौँ । स्वदेश फर्कने नेपालीलाई नेपाल टेलिकमले निःशुल्क सिमकार्ड उपलब्ध गराउने भएको छ । कोरोना भाइरसको विश्वव्यापी महामारीका समयमा स्वदेश फर्कने नेपालीलाई टेलिकमले निःशुल्क सिमकार्ड दिनेभएको हो ।

जुम्लाको क्वारेन्टिनमा बसेका एक वृद्धको मृत्यु

  • 18 minutes ago
जुम्लाको क्वारेन्टिनमा बसेका एक वृद्धको मृत्यु

सुर्खेत । जुम्लाको क्वारेन्टिनमा एक जनाको मृत्यु भएको छ । चन्दननाथ नथरपालिका–८ तलिउमस्थित धुपीढुस्का माध्यमिक विद्यालयको क्वारेन्टिनमा एक जनाको मृत्यु भएको हो । मृतक ६५ वर्षीय वृद्ध जेठ २१ गते



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

आज घरघरमा तुलसीको दल राखेर निर्जला एकादशी पर्व मनाइँदै

आज घरघरमा तुलसीको दल राखेर निर्जला एकादशी पर्व मनाइँदै

महोत्तरी । हिन्दू मैथिल आज मङ्गलबार घरघरमा तुलसीको दल राखेर निर्जला एकादशी पर्व मनाउँदैछन् । जेठ शुक्ल एकादशीका दिन धार्मिक महत्वको वनस्पति तुलसीको दल राख्ने परम्परानुसार आज हिन्दू मैथिलका घरघरमा उत्सवकै रूपमा यो पर्व मनाइँदै गरिएको हो ।