विश्व आदिवासी दिवसमा गोर्खा आन्दोलनका हस्तीहरु सम्मानित हुने

  • शनिबार, १२ साउन, २०७५
  • 5 months ago
  • युके

लन्डन। नेपाल आदिवासी जनजाति महासंघ (नेफिन) यूकेले गोर्खा आन्दोलनका हस्तीहरुलाई बिशेष सम्मान गर्ने भएको छ ।

 

आगामी २४औं विश्व आदिवासी दिवसको अवसर पारेर प्रदान गरिने उक्त सम्मान बिगत लामो समयदेखि ब्रिटिश गोर्खा सैनिकहरुको उचित न्याय, समानता र अधिकारका लागि आफ्नो जीवनको महत्वपूर्ण हिस्सा सुम्पने तीन जना नेताहरुले पाउने भएका छन् । 

 

महासंघका महासचिब खुशी लिम्बुका अनुसार नेफिन यूकेले यस बर्षदेखि लगातार रुपमा समाजका बिभिन्न क्षेत्रमा उल्लेखनीय योगदान दिने ब्यक्तित्वहरुलाई सम्मान गर्ने भएको छ । तिमध्ये शिक्षा, खेलकुद, कला, साहित्य र समाजसेवामा सफलता प्राप्त गर्ने ब्यक्ति वा संस्थाहरु प्राथमिकतामा पर्नेछन् । सोही उद्देश्य अनुरुप यस बर्ष सम्मानित हुनेहरुमा गोर्खा न्यायको शंखघोष गर्ने गेसोदेखि लिएर उक्त आन्दोलनको उजागर गर्ने गोर्खा सत्याग्रहका नेताहरु रहेका छन् । 

 

महासंघका अध्यक्ष जंग सुनुवार र बरिष्ठ उपाध्यक्ष नरेश काङमाङ राई, जो दुबै पूर्ब गोर्खा सैनिक हुन्, सम्मिलित छनौट समितिले प्रस्तुत गरेका नामहरुलाई महासंघको गत जुन ३ मा बसेको बैठकले अनुमोदन गरेको थियो ।

 

नेपालीपत्रसंग टेलिफोनमार्फत कुरा गर्दै महासंघका महासचिब लिम्बुले भने, "गोर्खा आन्दोलनलाई यहाँसम्म आइपुग्न केवल तीन जनाको मात्रै हात रहेको पटक्कै होइन" । उनले भने, “तर एकै पटक धेरैजनालाई सम्मान गरिंदा 'सम्मान' शब्दप्रति पनि अन्याय नहोस् भनेर नेफिन यूकेले यस पटक तीन जनालाई मात्र प्रदान गर्न लागेको हो ।"

 

लिम्बुका अनुसार महासंघले बार्षिक रुपमा प्रदान गर्ने यो सम्मानलाई भबिष्यमा "नेफिन यूके बर्ष पुरस्कार" मा परिणत गर्ने र त्यसका लागि प्रायोजकहरुको खोज गरी आवश्यक पुरस्कार राशीको स्थापना गर्ने महासंघको लक्ष रहेको छ । 

 

नेफिन यूकेले आफ्ना सहयोगीहरु फोनिज यूके र नेपाल आदिवासी जनजाति महिला महासंघसंगको संयुक्त आयोजनामा गर्न लागेको २४औं विश्व आदिवासी दिवसमा बेलायतका लागि नेपाली राजदुत डा. दुर्गा बहादुर सुबेदीलाई प्रमुख अतिथि र राजनीतिक चिन्तक तथा बिश्लेषक खगेन्द्र संग्रौलालाई बिशेष अतिथिको रुपमा आमन्त्रण गरिएको छ । त्यस्तै नेपालबाट आएका राष्ट्रिय कलाकारहरु ब्रबिम शेर्मा, मीना लामा र जया लक्ष्मी छन्त्यालले कार्यक्रमको बीचबीचमा आफ्ना सांगीतिक प्रस्तुतिहरु पस्किने छन् । 

 

बेलायतमा रहेका एघार वटा जातीय संस्थाहरुको छाता संगठन नेफिन यूकेले विश्व आदिवासी दिवस लगातार रुपमा मनाउँदै आएको यो नवौं पटक हो ।

 


थप समाचार

बेक्स्ली नेपाली कम्युनिटीले पहिलोपटक मनायो ल्होछार

  • 3 hours ago
बेक्स्ली नेपाली कम्युनिटीले पहिलोपटक मनायो ल्होछार

बेक्स्ली, केन्ट । बेक्स्ली नेपाली कम्युनिटी यूकेले यस वर्ष पहिलोपटक एक कार्यक्रमसहित ल्होछार मनाएको छ ।

उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

  • 8 hours ago
उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

काठमाडौँ । सरकारले काठमाडौँ उपत्यकाका अत्यावश्यक क्षेत्रमा ट्राफिक लाइट राख्ने प्रक्रिया अगाडि बढाएको छ ।

काङ्ग्रेसले डा केसीलाई बोकेर मात्र हुँदैन: भट्टराई

  • 8 hours ago
काङ्ग्रेसले डा केसीलाई बोकेर मात्र हुँदैन: भट्टराई

बनियानी । नेपाल कम्युनिष्ट पार्टी -नेकपा-का नेता एवं संसद्को शिक्षा तथा स्वास्थ्य समितिका सदस्य योगेश भट्टराईले सरकारले अनशनरत डा गोविन्द केसीको जीवन रक्षा गर्ने बताएका छन् ।



जीवनशैली/स्वास्थ्य

आँखामा यौन रोगको ओखती !

आँखामा यौन रोगको ओखती !

काठमाडौं । पुरुषको लिङ्ग उत्तेजित नहुने समस्या (इरेक्टाइल डिफङ्शन) को उपचारमा प्रयोग गरिने क्रिम हो, ‘भिटारोस’ । अनि आँखा सुख्खा हुन्दा प्रयोग गरिने मलम हो ‘भिटा-पोस’ ।