चार महिनापछि प्रदेशमा यसरी टुङ्ग्याइयाे नेकपाकाे भागबण्डा

पूर्व एमालेलाई ६ इन्चार्ज, पूर्व माओवादीलाई ४ अध्यक्ष

काठमाडौँ । पार्टी एकीकरणको चार महिनापछि सत्तारुढ दल नेकपाले प्रदेश स्तरीय कमिटी निर्माण गर्न सफल भएको छ । 

 

पूर्वएमाले र माओवादी केन्द्रबीचको भागबण्डा नमिलेर पेचिलो बनेको प्रदेश कमिटी निर्माणमा पूर्व एमालेलाई ६ वटा प्रदेशको इन्चार्ज र पूर्व माओवादी केन्द्रलाई एउटा प्रदेशको इन्चार्ज दिइएको छ ।

 

बहुमत प्रदेशमा इन्चार्ज नपाए पनि पूर्व माओवादी केन्द्रले बहुमत प्रदेशमा अध्यक्ष पाएको छ । केन्द्रले ४ वटा प्रदेशमा अध्यक्ष पाएको हो भने पूर्व एमालेले ३ वटा प्रदेशमा अध्यक्ष पाएको छ ।

 

प्रदेश १ मा पूर्व एमालेको तर्फबाट भीम आचार्य प्रदेश इन्चार्ज बनेका छन् भने केन्द्रका तर्फबाट सावित्रीकुमार काफ्ले सह–इन्चार्ज बनेका छन् । प्रदेश १ मा पूर्व एमालेकै तर्फबाट देवराज घिमिरे अध्यक्ष बनेका छन् भने सुरेशबहादुर राई सचिव बनेका छन् ।

 

प्रदेश २ को इन्चार्ज पनि पूर्व एमालेबाटै सत्यनारायण मण्डल बनेका छन् । इन्चार्ज एमालेले पाएपछि प्रदेश २ मा अध्यक्ष र सह इन्चार्ज माओवादी केन्द्रको भागमा परेको छ । 

 

प्रदेश २ को अध्यक्षमा प्रभु साह चयन भएका छन् भने अध्यक्षकै चर्चामा रहेका विश्वनाथ साह सह इन्चार्ज बनेका छन् । तत्कालीन एमाले निकट सुमन प्याकुरेललाई सचिवको जिम्मेवारी दिइएको छ।

 

प्रदेश ३ को इन्चार्ज पनि तत्कालीन एमालेकै पोल्टामा परेको छ । यस प्रदेशमा अष्टलक्ष्मी शाक्यलाई इन्चार्ज तोकिएको छ भने पूर्व माओवादी केन्द्रका नारायण दाहाललाई सह–इन्चार्ज तोकिएको छ ।

 

त्यस्तै यस प्रदेशमा पूर्व माओवादी केन्द्रका हितमान शाक्यलाई अध्यक्षको जिम्मेवारी दिइएको छ भने सचिवमा पूर्व एमालेबाट आनन्द पोखरेललाई बनाइएको छ ।

 

गण्डकी प्रदेशमा पनि इन्चार्जको जिम्मेवारी पूर्व एमालेलाई नै दिइएको छ । गण्डकी प्रदेशका मुख्यमन्त्री पृथ्वी सुब्बा गुरुङ नै यस प्रदेशका इन्चार्ज बनेका छन् । 

 

पूर्व माओवादीका हितराज पाण्डेलाई अध्यक्ष तोकिएको यस प्रदेशमा सह–इन्चार्ज र सचिवमा भने पूर्व एमालेकै खगराज अधिकारी र गोविन्द नेपालीले बाजी मारेका छन् ।

 

प्रदेश ५ मा पूर्व एमालेकै तर्फबाट मुख्यमन्त्री शंकर पोखरेललाई इन्चार्जको जिम्मेवारी दिइएको छ । सह–इन्चार्जको रुपमा पूर्व एमालेकै दलबहादुर रानालाई जिम्मेवारी तोकिएको छ ।

 

पूर्व माओवादीकी ओनसरी घर्तीलाई यस प्रदेशका अध्यक्षको जिम्मेवारी दिइएको छ भने पूर्व माओवादीबाटै जगप्रसाद शर्मा प्रदेश ५ का सचिव बनेका छन् ।

 

पूर्व माओवादीले इन्चार्ज पाएको एक मात्र प्रदेशमा जनार्दन शर्मा ‘प्रभाकर’ कर्णाली प्रदेश इन्चार्ज बन्न सफल भएका छन् । यो प्रदेशमा पूर्व एमालेबाट यमलाल कँडेल सह–इन्चार्ज बनेका छन् ।

 

कर्णाली प्रदेशको अध्यक्षमा पनि पूर्व एमालेबाटै गोरखबहादुर बोगटी आएका छन् भने सचिवमा पूर्व माओवादीबाट मयाप्रसाद शर्मा तोकिएका छन् ।

 

प्रदेश ७ मा एमालेलाई मुख्य पद परेको छ । पुर्व मन्त्रीसमेत रहेका भीम रावललाई इन्चार्ज तोकिँदा एमालेबाटै कर्ण थापा अध्यक्ष बनेका छन् । माओवादी केन्द्रका नेता लक्ष्मणदत्त जोशीलाई सह इन्चार्जको जिम्म्मेवारी दिइएको छ भने सचिव पनि माओवादी केन्द्रको भागमा परेको छ ।


थप समाचार

प्रधानमन्त्रीकाे हातमा साबेल

  • 3 hours ago
प्रधानमन्त्रीकाे हातमा साबेल

प्रधानमन्त्री केपी शर्मा ओली राष्ट्रिय गौरबको आयोजनाको रुपमा रहेको मध्यपहाडी लोकमार्गमा (अप्टिकल फाइवर नेटवर्क) को धादिङको गल्छी गाउँपालिका वडा नं. ४ मासटारमा सोमबार शिलान्यास गर्दै ।

‘मिडियासम्बन्धी विधेयकमा परामर्श नगर्नु गलत’

  • 3 hours ago
‘मिडियासम्बन्धी विधेयकमा परामर्श नगर्नु गलत’

भक्तपुर । नेपाल मजदूर किसान पार्टीका अध्यक्ष नारायणमान बिजुक्छेले संसद्मा दर्ता गरिएको मिडिया विधेयक सरोकारवालासँग परामर्श नगरी एकोहोरो रुपमा ल्याउनु गलत भएको बताएका छन् । रफत सञ्चार क्लबमा आज

बन्द विमान कम्पनीको बक्यौता असुल्न समस्या

  • 3 hours ago
बन्द विमान कम्पनीको बक्यौता असुल्न समस्या

काठमाडौँ । सञ्चालनमा नरहेका र टाट पल्टेका राष्ट्रिय तथा अन्तर्राष्ट्रिय विमान कम्पनीको करीब रु. १३ करोड बक्यौता असुल गर्न कानूनी जटिलता देखिएको छ ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।