IIMS College

ISMT

HUB Education

अष्ट्रेलियाका यी नेताहरुबाट नेपालका नेताहरूले सिक्नै पर्ने नैतिक आचरण

Education Park

 

Kathmandu Trade Show

 

Royal Education Foundation

 

राजनीतिकर्मीमा हुनुपर्ने नैतिकता, जवाफदेहिता र अनुशासनको सेरोफेरोमा विकसित देशहरुको सुचाङ्कमा उच्च स्थानमा रहेका छन्। 

 

राजनैतिक परिवर्तन र त्यसैको परिपेक्षमा रहेर  धेरै नेताहरुले आफ्नो नैतिकता प्रकट गरेका छन् । 

 

पहिलो उदाहरणः ऑस्ट्रेलियाको सबै भन्दा ठुलो प्रान्त न्यू साउथ वेल्समा सन् २०११ देखि २०१४ सम्म मुख्य मन्त्री (प्रिमियर) भएका ब्यारी ओफ्यारेलले कुनै उनाऊ व्यक्तिबाट जम्मा ३ हजार डलर (करिब २ लाख ५० हजार रुपैयाँ) बराबरको एक बोतल  पुरानो वाईन उपहार लिएको भन्दै जनता र मिडियाबाट असन्तुष्ट र विरोध भएपछि  उनले आफ्नो गल्ती स्वीकार गर्दै क्षमा याचनाका साथ तत्कालै पदबाट राजीनामा दिए र राजनीतिबाटै सन्यास समेत लिए । 

 

सार्वजनिक पदमा बसेको राजनीतिक व्यक्तिले  निजी लाभ र फाईदा हुनेगरी कसैबाट उपहार लिनु हुदैन भन्ने मान्यताको गतिलो उदाहरण हो यो । 

 

दोस्रो  उदाहरणः   आफ्नै दलका गृहमन्त्रीले प्रधानमन्त्रीको कामप्रति असन्तुष्टी केलाउँदै  नेतृत्वका लागि चुनौती दिएपछि प्रधानमन्त्री माल्कम टर्नबुलले राजीनामा दिएका थिए । 

 

पार्टी र सदनको धनिभुत छलफलका बिच सबै घटनाहरुको उत्पत्ती र निर्णय  मात्र दुई दिनमा भएका थिए । आफ्नै दलका साथीहरुबाट विरोध भएपछि पदमा बसिरहन बान्छनिय देखेनन् र सहजै सत्ता हस्तान्तरण गरिदिए । 

 

तेस्रो उदाहरणः केही वर्ष अगाडि अस्ट्रेलियाकी पहिलो महिला प्रधानमन्त्री बन्ने अवसर पाएकी जुलिया गिलार्डले समेत ५३ वर्षको उमेरमै राजनीतिबाट सन्यास लिईन् ।  उनी आफ्नै पार्टीबीचमा भएको निर्वाचनमा केभिन रडसँग प्रधानमन्त्री तथा पार्टी नेताको पदमा पराजित भएकी थिईन् । पराजित पछि फेरि राजनितीमा  टासीरहने ईच्छा उनीले गरिनन् । उनले चाहे अझै २० वर्ष राजनिति गर्न सक्ने थिइन् तर उनलाई नैतिकता र आचरणले दिएन र राजनीतिको सार्वजनिक ओहोदाबाट सदाको लागि आफै गुमनाम भईन् । 

 

चौथो उदाहरणः केही वर्षअघि अस्ट्रेलियाको सभामुख रहेकी ब्राउनी बिसपले आफ्नै पार्टीको एक सहयोग संकलन कार्यक्रममा जाँदा हेलिकप्टर चढेर ५ हजार डलर खर्च गरेको कुरा जब मिडियामा  सार्वजनिक भयो उनले तत्कालै  पदबाट राजीनामा दिईन् । उनले पदबाट राजीनामा मात्र दिईनन् जनतासँग क्षमायाचना गर्दै उक्त खर्चमा २५ प्रतिशत अतिरिक्त शुल्क तिरेर सरकारलाई सो रकम फिर्ता नै गरिदिईन् । त्यही घटनाको कारण उनको राजनीतिक यात्रा शुन्यमा झर्यो । 

 

राजनीतिक ओहोदा र पद जनताको लागि हो भन्ने मान्यतामा सबै नेताहरु जिम्मेवार हुन्छन् । जिम्मेवार नेतृत्वले  आफ्नो पद र आत्मसम्मानमा अलिकति ठेस पुग्ने बित्तिकै लोभलालच नगरी सजिलै पद र सत्ता छोड्ने परिपाटी छ । सानो बिरोध र असन्तुस्टी देखीना साथ नैतिकता देखाउदै  सहजै सुविधा त्यागीदिन्छन् ।  सबै राजनीतिक कर्मीहरुले पद र सत्तालाई भन्दा पनि आफ्नो आत्मसम्मान र जनताको भावनाको कदर गर्ने गरेका हुन्छन् । सानो गल्ती वा भुल लाई छोपेर पदमा टासीरहने परम्परा  छैन  । अस्ट्रेलियाको राजनीतिक संस्कारलाई विश्वमा नै उच्च सम्मान गरिन्छ ।  कुनै कार्यमा गलत देखिने बित्तिकै उनीहरु सहज रुपमा पद त्याग्ने गर्छन् । त्यसको लागी सडकमा नाराजुलुस, बन्द र हड्तालको जरुरत पर्दैन । 

 

राजनीतिमा सर्वसाधारण नागरिकले करबाट तिरेको रकमको दुरुपयोग गरेको आलोचना भएका कारण पदलाई सहज त्याग गर्ने धेरै राजनीतिकर्मीहरु छन् । नैतिकता र जवाफदेहिता बिना व्यक्तिको राजनीतिक अस्थित्वको कल्पना गर्न पनि सकिदैन । 

 

लामो अभ्यासबाट अनुभब लिएर मान्छे राजनितीमा आउँछन्  र जहाँ मतदाताहरुले उस्को योग्यता र आचरणको सधै परिक्षण गरिरहेका हुन्छन् । पाईला पाईलामा नैतिकता  हिडिरहेको हुन्छ । नेताले सानो गल्ती गरोस् अर्को चुनावमा मतदाताबाट उ आफै पाखा लाग्छ । चुनावमा मतदाताले उम्मेदारको विकास प्रतिको बृहत योजना हेरेर भोट दिन्छन् , जुनसुकै दलको उम्मेदार किन नहोस्  उस्को क्षमता, लक्ष्य र भिजन प्रधान हुन्छ  ।

 

राजादेखि रैतीसम्म कानुनको सम्मान र कार्यन्वयन सबैलाई बराबरी छ , नेता हुदैमा छुट हुदैन । भ्रष्टाचार, नातावाद र कृपावादको छनक शुन्य छ । नेताको आड लागेर फाईदा लिनु कल्पना बाहिरको विषय हो । ताकिता चल्दैन ।  कानुनले जे भन्छ त्यही हुन्छ । कानुन मिच्ने दुष्प्रवाह कसैले गर्दैनन् । जनताको लागी केही गर्छु भन्ने प्रण गरी राजनितीमा लागेर सार्बजनिक पदमा बसेपछी  अनुशासन र जनताप्रति उत्तरदायित्ब महत्वपुर्ण हुन्छ । यो कुनै निजी स्वार्थको खेल हैन । रोजगार र आम्दानीको लागी राजनीति गरिन्न । नेतृत्व झुट, आश्वासन  र छलकपट बिनाको उच्च सड्ग्लो विचार निहित हुनु जरुरी हुन्छ ।   कसरी छिटो धनी हुन पाम् भन्ने सपनामा राजनीति गरिन्न । परिवार पाल्न पकेट खर्च चलाउने गरि जागीरको स्बरुपमा राजनिती गरिन्न ।  चुनावमा नसक्ने र असम्भव आश्वासनहरु बाढीदैन,  दिईएका आश्वासनहरु ढिलोचाडो अनिबार्य पुरा गरिन्छ ।

 

देश विकासको लागि नेतादेखि कर्मचारीसम्म सबैको हरेक कामकारबाही गतिशील र  पारदर्शी हुनुपर्छ, जहाँ सबैको सहभागिता हुन्छ, ऐन–नियमहरूको परिपालना हुन्छ त्यहाँ भ्रष्टाचार हुने सम्भावना कम हुन्छ । भ्रष्टाचार भएन भने सुशासन कायम गर्न गति मिल्छ । यसका लागि मुख्यत नेताहरु र  राज्यका हरेक तह र तप्कामा  अनुशासन र जवाफदेहिता आवश्यक हुन्छ । नेताहरुको कामकारबाही समाज र सारा मानिसका लागि प्रेरक, उत्कृष्ट र अनुकरणीय बन्नुपर्ने आवश्यकता छ । तब मात्र नागरिकको राज्य र सरकारप्रतिको विश्वास बढेर जानेछ ।  विकासको  लागि सार्वजनिक सेवा प्रवाहमा तदारुकता, पारदर्शिता, प्रभावकारीता, चुस्तता, सदाचारिता, जवाफदेहिता र इमानदारिता हुनु अत्यन्त जरुरी छ । नीति निर्माण तहमा अनुशासन, जवाफदेहिता भएन भने नीति कार्यान्वयन तहमा पनि भ्रष्टाचार संस्थागत हुने अवसर पाइरहेको हुन सक्छ । तसर्थ आचरण, नैतिकता सफा राख्नु पहिलो चुनौती हो ।  जबसम्म राजनीतिक सफा हुँदैन तबसम्म भ्रष्टाचार मौलाइरहन्छ ।  जवाफदेहिता, सहभागिता, कानुनको पालना, अनुशासन तथा आचरणको अभ्यास नभएसम्म केन्द्र र स्थानिय प्रशासनमा सदाचारिताले स्थान लिन सक्तैन । 

 

सभ्य, सुसंस्कृत र सुशासनयुक्त समाज निर्माण गर्नु लोककल्याणकारी राज्यको अवधारणा हो । यसका लागि सबै नेताहरुले नैतिकता, जवाफदेहिता र अनुशासनका साथ जिम्मेवारी बोध गर्दै सुधारका लागि तत्परता देखाउनु आवश्यक छ । 

 


थप समाचार

ईश्वरको कृपा हुन घरमा यी चिज राख्नुपर्दछ

  • 4 hours ago
ईश्वरको कृपा हुन घरमा यी चिज राख्नुपर्दछ

एजेन्सी । घरमा सकारात्मक ऊर्जा आउनाले सधैँ ईश्वरको कृपा मिल्छ । त्यसैले घरमा केही यस्तो चीज हुनु आवश्यक छ जसलाई धेरै नै पवित्र मानिन्छ र जसलाई घरमा राख्नाले सधैँ सकारात्मक ऊर्जा प्राप्त हुन्छ ।

आखिर विज्ञापनका घडीमा किन १०ः१० बजेको हुन्छ त ?

  • 4 hours ago
आखिर विज्ञापनका घडीमा किन १०ः१० बजेको हुन्छ त ?

एजेन्सी । घडी लगाउनमा हामीमध्ये सवै सौखिन नै हुन्छौ । नयाँ – नयाँ प्रविधिसँगै बजारमा धेरै थरिका घडी पनि पाइन्छन् । हामी घडी किन्छौ लगाउँछौ । र छिनछिनमै समयपनि हेर्छौ ।

जब एक छोरोले आफ्नो बाबुको अन्तिम इच्छा यसरी पुरा गरे

  • 4 hours ago
जब एक छोरोले आफ्नो बाबुको अन्तिम इच्छा यसरी पुरा गरे

एजेन्सी । एक जनाले युवाले आफ्ना पितालाई कफिनको सट्टा नयाँ बिएमडब्लु कार प्रयोग गरेर अन्तिम संस्कार गरेका छन् ।



प्रेम र यौन

सम्भोग गर्नुका यस्ता छन् विशेष पाँच फाइदा

सम्भोग गर्नुका यस्ता छन् विशेष पाँच फाइदा

आजकल जिन्दगीमा सेक्स यस्तो रोमाञ्चक विषय बनेको छ कि जोकोही यसको बारेमा खुलेर जान्न चाहान्छ । सेक्सलाई लिएर मनमा धेरै नकारात्मक कुराहरु पनि हुने गर्छन् । जुनका कारण पनि मानिसहरु जिन्दगीमा खुसी देखिदैनन् ।

जीवनशैली/स्वास्थ्य

बौद्ध परम्पराअनुसार गरिने पवित्र कथिन दान उत्सव लुम्बिनीमा शुरु

बौद्ध परम्पराअनुसार गरिने पवित्र कथिन दान उत्सव लुम्बिनीमा  शुरु

रुपन्देही । बौद्ध परम्पराअनुसार गरिने पवित्र कथिन (कठिन) उत्सव आजदेखि लुम्बिनीमा शुरु भएको छ । तीन महीना वर्षाबासमा बसेका भिक्षुहरुका लागि गरिने कठिन दानका लागि बुद्ध जन्मस्थलमा दुईदिने कथिन उत्सवको आयोजना गरिएको हो । असारदेखि असोज पूर्णिमासम्मको तीन महिनालाई वर्षाबास भनिन्छ ।

विचित्र विश्व

ईश्वरको कृपा हुन घरमा यी चिज राख्नुपर्दछ

ईश्वरको कृपा हुन घरमा यी चिज राख्नुपर्दछ

एजेन्सी । घरमा सकारात्मक ऊर्जा आउनाले सधैँ ईश्वरको कृपा मिल्छ । त्यसैले घरमा केही यस्तो चीज हुनु आवश्यक छ जसलाई धेरै नै पवित्र मानिन्छ र जसलाई घरमा राख्नाले सधैँ सकारात्मक ऊर्जा प्राप्त हुन्छ ।