नेकपाका दुवै घटकमा असन्तुष्टि

काठमाडौं । नेकपाको प्रदेश तथा जिल्ला तह एकतामा दुवै पूर्वघटकभित्र असन्तुष्टि देखिएको छ। पूर्वघटक एमाले र माओवादी केन्द्रका शीर्ष नेताहरूले नै एकता कार्यदलको सिफारिसलाई मापदण्डविपरीत भनेका छन्।

 

वरिष्ठ नेता माधव नेपाल र सचिवालय सदस्य रामबहादुर थापा पक्ष एकता भागबण्डामा आफ्नै घटकभित्र असन्तुष्ट छन्। दुवै नेता तल्लो तहमा भइरहेको पार्टी एकता प्रक्रियामा आफ्नै घटकभित्रको संस्थापनसँग असन्तुष्ट बनेका हुन्।

 

‘तत्कालीन एमालेभित्र कमिटी आवधिक निर्वाचनमार्फत चयन भएका थिए, नेतृत्व पनि त्यहीअनुसार चयन भएको थियो’, नेपालनिकट केन्द्रीय सदस्य जगन्नाथ खतिवडाले भने, ‘तत्कालीन पदाधिकारीको रोलक्रमका आधारमा पार्टीले नयाँ नेतृत्व चयन गर्नुपर्दथ्यो। तर कार्यदलले तलबाट नाम सिफारिस गर्दा भटाभट आफ्ना मान्छे छानेर ल्याउने काम भयो। यसैमा विरोध भइरहेको छ।’

 

‘प्रदेश तथा जिल्ला कमिटी सिफारिसमा सिनियर छुट्ने, जुनियर पर्ने, पूर्वकमिटीमा छलफलसमेत नहुने र हामी ९थापा पक्ष०लाई व्यवहारमै जिम्मेवारीबाट पाखा लगाउने काम भएको छ,’ नेकपा केन्द्रीय सदस्यतथा थापापक्षीय नेता पार्वती थापा मगरले भनिन्, ‘उहाँ ९थापा०लाई पनि देशभरिबाट त्यस्तै रिपोर्ट आएको बताउनुभएको छ।’

 

पूर्व एमालेभित्र अध्यक्ष केपी ओली र वरिष्ठ नेता माधव नेपालको दुई भिन्न समूह थियो। तत्कालीन माओवादी केन्द्रमा पनि थापा भिन्नै समूहको नेतृत्व गर्थे। एकता प्रक्रियामा पूर्वघटकलाई लगाइएको भागबन्डामा दुई अध्यक्ष (ओली–दाहाल)ले आफ्नै पक्षका नेतालाई मात्रै समेटेको भन्दै नेपाल–थापा असन्तुष्ट बनेका हुन्।

 

नेपाल पक्षले आफ्ना नेतालाई मापदण्डविपरीत पूर्वाग्रही भएर पाखा लगाएको भन्दै असन्तुष्टि मात्रै पोखेका छैनन्, सिफारिसमा पुनर्विचार गर्न दुवै अध्यक्ष र सचिवालय सदस्यसम्मलाई आग्रह नै गरिसेकको छ।

 

कतिपय जिल्लाबाट केन्द्रीय कार्यालयमा फरक सूची बुझाउनेदेखि उजुरीसम्म राख्ने काम भएको नेपाल पक्षीय एक नेताले बताए। थापा पक्षले भने अध्यक्ष दाहालसँग अनौपचारिक असन्तुष्टि मात्रै पोखेको छ।

 

नेपाल पक्षले तत्कालीन एमालेको भागमा परेका प्रदेश तथा जिल्ला नेतृत्व सिफारिस गर्दा वरियता र क्षमता मिचेर सिफारिस गरिएकोमा आपत्ति जनाएको छ। उसले तत्कालीन पदाधिकारीका सिनियरलाई नेतृत्व दिनुपर्नेमा त्यसो नगरी आफूपक्षीय नेता सिफारिस गरिएको भन्दै सार्वजनिक आलोचना गरेको छ। आजको अन्नपूर्ण पोस्ट्बाट


थप समाचार

बेक्स्ली नेपाली कम्युनिटीले पहिलोपटक मनायो ल्होछार

  • 2 hours ago
बेक्स्ली नेपाली कम्युनिटीले पहिलोपटक मनायो ल्होछार

बेक्स्ली, केन्ट । बेक्स्ली नेपाली कम्युनिटी यूकेले यस वर्ष पहिलोपटक एक कार्यक्रमसहित ल्होछार मनाएको छ ।

उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

  • 7 hours ago
उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

काठमाडौँ । सरकारले काठमाडौँ उपत्यकाका अत्यावश्यक क्षेत्रमा ट्राफिक लाइट राख्ने प्रक्रिया अगाडि बढाएको छ ।

काङ्ग्रेसले डा केसीलाई बोकेर मात्र हुँदैन: भट्टराई

  • 8 hours ago
काङ्ग्रेसले डा केसीलाई बोकेर मात्र हुँदैन: भट्टराई

बनियानी । नेपाल कम्युनिष्ट पार्टी -नेकपा-का नेता एवं संसद्को शिक्षा तथा स्वास्थ्य समितिका सदस्य योगेश भट्टराईले सरकारले अनशनरत डा गोविन्द केसीको जीवन रक्षा गर्ने बताएका छन् ।



जीवनशैली/स्वास्थ्य

आँखामा यौन रोगको ओखती !

आँखामा यौन रोगको ओखती !

काठमाडौं । पुरुषको लिङ्ग उत्तेजित नहुने समस्या (इरेक्टाइल डिफङ्शन) को उपचारमा प्रयोग गरिने क्रिम हो, ‘भिटारोस’ । अनि आँखा सुख्खा हुन्दा प्रयोग गरिने मलम हो ‘भिटा-पोस’ ।