प्रधानमन्त्री निवासबाटै चल्छ नेकपा, शीर्ष नेता नै जादैनन् पार्टी कार्यालय

काठमाडौं । दुई अलग वामशक्ति एकीकरण भएर बनेको नेपाल कम्युनिस्ट पार्टी (नेकपा) को ‘हेडक्वार्टर’ तात्कालीन एमालेको कार्यालय धुम्बाराही कायम भयो । तात्कालीन माओवादी केन्द्रको पेरिसडाँडास्थित ‘हेडक्वार्टर’ भने जनवर्गीय संगठनको कार्यालय भयो ।

 

कार्यालय बाँडफाँट टुंगिए पनि ने क पाको सञ्चालन भने न धुम्बाराहीबाट हुन्छ, न पेरिसडाँडाँबाट । कार्यालयको टुंगो लागे पनि पार्टी सञ्चालन भने प्रधानमन्त्रीको सरकारी निवास बालुवाटारबाट भइरहेको छ । पार्टीका महत्वपूर्ण बैठक, भेटघाट, छलफलसमेत प्रधानमन्त्री निवास बालुवाटारमै हुने गरेको छ ।

 

पार्टीका अध्यक्ष एवं प्रधानमन्त्री केपी शर्मा ओलीले पार्टी सचिवालय, स्थायी कमिटी, केन्द्रीय कमिटीका सबै बैठक बालुवाटारबाटै सञ्चालन गरिरहेका छन् । सरकारका अतिरिक्त पार्टीसमेत बालुवाटारकेन्द्रित भएपछि प्रधानमन्त्री ओलीको दैनिकी अति व्यस्त छ ।

 

३२ साउनयता प्रधानमन्त्री ओली पार्टी कार्यालय पुग्न भ्याएका छैनन् । प्रधानमन्त्रीसमेत रहेका पार्टी अध्यक्ष ओली मात्र होइन अर्का अध्यक्ष पुष्पकमल दाहालसहित सबैजसो सचिवालय सदस्यले त्यसयता पार्टी केन्द्रीय कार्यालयमा पाइला नै टेकेका छैनन् । गत ३ जेठमा तत्कालीन एमाले र माओवादी केन्द्रबीच पार्टी एकीकरण भएको थियो ।

 

पार्टी एकीकरणपश्चात् केन्द्रीय कार्यालय धुम्बाराहीबाट सञ्चालन हुन्छ । शीर्ष नेतादेखि सचिवालय सदस्यसमेत पार्टी कार्यालय नपुगेपछि पार्टी कार्यालय सुनसान छ । जिल्लाबाट आउने नेता, कार्यकर्ताहरू कार्यालय पुगे पनि शीर्ष नेतासँग भेटघाट हुँदैन ।

 

शीर्ष नेतालाई भेट्न प्रधानमन्त्री निवास बालुवाटार, होटल वा उनीहरूको निजी निवासमै पुग्नुपर्ने बाध्यता रहेको एक नेताले बताए । पार्टी कार्यालयमा जाँदा नेतासँग भेट असम्भव भएपछि कार्यकर्ताहरू नेता निवासमै धाउन थालेको उनको भनाइ छ ।

ने क पाका अर्का अध्यक्ष एवं पूर्वप्रधानमन्त्री पुष्पकमल दाहाल पनि ३२ साउनयता पार्टी केन्द्रीय कार्यालय धुम्बाराही गएका छैनन् । ३२ साउनमा पार्टी प्रवेश कार्यक्रमका लागि केन्द्रीय कार्यालय पुगेका अध्यक्षद्वय ओली र दाहाल त्यसयता कार्यालय नआएको स्रोतले जनाएको छ ।

 

पार्टी अध्यक्षद्वय ओली र दाहाल मात्रै होइन वरिष्ठ नेता एवं पूर्वप्रधानमन्त्रीद्वय माधवकुमार नेपाल र झलनाथ खनालसमेत केन्द्रीय कार्यालय जादैनन् । ओली र दाहाल एकैचोटी विदेश गएका बेला कार्यवाहक अध्यक्षको जिम्मेवारी पाएका नेपालले पार्टी सचिवालय बैठक केन्द्रीय कार्यालय धुम्बाराहीमा गरेका थिए । त्यसयता वरिष्ठ नेता नेपालले पनि पार्टी कार्यालयमा पाइला टेकेका छैनन् । आजको राजधानी दैनिकबाट । 

 


थप समाचार

बेलायती राजनीतिमा नयाँ तरंगः टेरेजा मे ले गरिन् जुन ७ मा राजीनामा दिने घोषणा

  • 3 hours ago
बेलायती राजनीतिमा नयाँ तरंगः टेरेजा मे ले गरिन् जुन ७ मा राजीनामा दिने घोषणा

एजेन्सी । बेलायती प्रधानमन्त्री टेरेजा मेले मे ७ मा प्रधानमन्त्री पदबाट राजीनामा दिने भएकी छिन् । निकै भावुक हुँदै उनले पदबाट राजीनामा दिने जानकारी गराएकी हुन् ।

महँगा अभिनेता अल्लु अर्जुन

  • 4 hours ago
महँगा अभिनेता अल्लु अर्जुन

एजेन्सी । दक्षिण भारतीय फिल्मका चर्चित अभिनेता हुन् अल्लु अर्जुन । बलिउडका कैयौँ सेलिबे्रटीहरुका फ्यानहरुभन्दा पनि उनको फ्याहरु धेरै रहेका छन् । उनको फिल्म सराइनादुले त युट्युबमा रेकर्ड नै बनाउन सफल भ

“दुःख गरेर लहरेबाली लगाइयो, लगातार परेको असिनाले पूरै नष्ट पारिदियो”

  • 4 hours ago
“दुःख गरेर लहरेबाली लगाइयो, लगातार परेको असिनाले पूरै नष्ट पारिदियो”

दमौली । केही दिनदेखि लगातार परेको असिनापानीले बाली नष्ट हुँदा जिल्लाका कृषक मर्कामा परेका छन् । असिनाले खाद्यान्न, लहरेबाली र सुन्तला नष्ट गरिदिएपछि उनीहरु मर्कामा परेका हुन् । तनहुँको ब्यास नग



प्रेम र यौन

१८ वर्ष नपुग्दै यौन सम्पर्क गरेका यी १० चर्चित कलाकार

१८ वर्ष नपुग्दै यौन सम्पर्क गरेका यी १० चर्चित कलाकार

एजेन्सी । कतिपय बलिउड तथा हलिउड कलाकारहरु यौनको विषयमा खुलेर कुरा गर्छन् । सेक्सको विषयमा उदार कलाकारहरु जसले १८ वर्ष पुग्नु भन्दा अगाडि नै यौन सम्पर्क गरेको बारेमा हामीले जानकारी प्रस्तुत गरेका छौं ।

जीवनशैली/स्वास्थ्य

बेलैमा गरौं ब्रेनस्ट्रोकको उपचार, यस्ता छन् कारण, लक्षण र उपचार गर्ने तरिका

बेलैमा गरौं ब्रेनस्ट्रोकको उपचार, यस्ता छन् कारण, लक्षण र उपचार गर्ने तरिका

सामान्यतय मस्तिष्कमा अचानक रक्तसञ्चार बन्द हुनु र त्यहाँ भएका रक्तकोषिका फुटेर रगत बग्नुलाई मस्तिष्कघात अर्थात ब्रेनस्ट्रोक भनिन्छ । मस्तिष्कघात भएका अधिकांश विरामीलाई पक्षघात पनि हुने भएकाले यो रोगलाई प्यारालाइसिसका नामले पनि पुकारिन्छ ।

विचित्र विश्व

यी हुन् खर्बौ रकम हिनामिना गर्ने राष्ट्रप्रमुखहरु

यी हुन् खर्बौ रकम हिनामिना गर्ने राष्ट्रप्रमुखहरु

एउटा नेपाली उखान छ, जहाँ पैसा बोल्छ त्यहाँ सत्य पनि लुक्छ । पैसाको बोलवाला नेपालमा मात्रै होइन, दुनियाँभर उत्तिकै छ । अझ, राजनीतिमा लागेका कतिपयको त ध्यानै कसरी पैसा कमाउने भन्ने हुन्छ । अरु माथि शासन गर्न चाहनेहरुको त्यही अहंकार भ्रष्टाचारको खेल मैदानमा प्रवेश गर्छ ।