लण्डनमा सञ्चालित नेपाली कक्षाको सहयोगार्थ च्यारिटी

  • बुधबार, ४ बैशाख, २०७६
  • 2 months ago
  • युके
Education Park

 

लन्डन । नेपाली भाषा तथा सांस्कृतिक केन्द्र, बर्न्टोकले  नयां वर्षकै दिन लन्डनमा शुभकामना आदानप्रदानसहित एक च्यारिटी कार्यक्रम गरेको छ । 

 

आइतबार सांझ लन्डन हयारोस्थित ब्लु रुम स्पोर्टस हलमा आयोजित कार्यक्रममा नेपालबाट आएका तीन राष्ट्रिय कलाकार र स्थानीय बालबालिकाले सांस्कृतिक प्रस्तुति गरेका थिए ।

 

कार्यक्रममा  प्रमुख अतिथि  वरिष्ठ सञ्चारकर्मी खगेन्द्र नेपालीले शुभकामना व्यक्त गर्दै बालबालिकालाई नेपाली कक्षा सञ्चालन गर्ने केन्द्रको पहलको प्रशंसा गरे । उनले मातृभाषाले नै स्वदेशसंग जोडिराख्ने उल्लेख गर्दै हामीले हाम्रो भाषा र संस्कृति पुस्तान्तरण गर्नु अत्यन्तै महत्वपूर्ण हुने बताए। 

 

केन्द्रका महासचिव भोला पनेरुले सञ्चालन गरेको कार्यक्रममा  बर्न्टोक नेपाली समाजका अध्यक्ष उदय गुरुङले शुभकामना दिंदै नेपाली भाषा रहेमात्र नेपाली पहिचान रहने उल्लेख गरे ।

 

 

केन्द्रका अध्यक्ष सुमन प्रधानले नेपाली भाषा तथा सांस्कृतिक केन्द्रले गएको २ वर्ष भन्दा बढी समयदेखि  बालबालिकाहरुलाई नेपाली लेख्न, पढ्न र बोल्न सिकाउने उद्देश्यले नेपाली कक्षा संचालन गर्दै आएको जनाए । उनले हरेक शनिबार संचालन गरिने सो कक्षामा आधा घण्टा योग र ध्यान तथा आधा घण्टा नेपाली संगीत सिकाइने पनि बताए ।

 

कार्यक्रममा नेपाली कक्षामा पढिरहेकी छात्रा स्वस्ति योगीले केन्द्रको पहलका कारण आफूले  नेपाली सिकेको अनुभव सुनाइन् । उनले सबै अभिभावकहरुलाई आफ्ना छोरा, छोरीलाई नेपाली सिकाउन आग्रह पनि गरिन् ।

 

उक्त कार्यक्रममा नेपालबाट आएका कलाकारहरु भूमिका शाह, सहिमा श्रेष्ठ र प्रसन्ना पाण्डेले विभिन्न गीत प्रस्तुत गरी दर्शकलाई मनोरन्जन दिएका थिए । केन्द्रमा अध्ययनरत बालबालिकाले पनि विभिन्न नाचगान देखाएका थिए। ससाना बालबालिकाले राष्ट्रिय गान गाएपछि कार्यक्रम शुरु भएको थियो ।

 

कार्यक्रममा काउन्सीलर लक्ष गुरुङ, काउन्सीलर  अम्मर नक्वी, बन्र्टओक आमा समूहका सदस्यहरु लगायत टाढाटाढाबाट सहभागीहरु आएका थिए । 

 

बेलायतमा जन्मिएर नेपाली भाषा सिकिरहेका नयां पुस्तालाई नेपाली भाषा सिकाउनका लागि बर्न्टोकमा नेपाली कक्षा सञ्चालन भइरहेको छ ।

 

 

तस्विरहरु : शिव भण्डारी 

 


थप समाचार

‘दबंग ३’ मा यी अभिनेत्रीसँग रोमान्स गर्दैछन् सलमान खान

  • 2 hours ago
‘दबंग ३’ मा यी अभिनेत्रीसँग रोमान्स गर्दैछन् सलमान खान

एजेन्सी । फिल्म ‘भारत’ को सफलतासँगै सलमान खान फिल्म ‘दबंग ३’ को तयारीमा जुटिरहेका छन् । उक्त फिल्मको फ्ल्याशब्याक सीनको लागि उनले ७ किलो तौल कम गर्न परेपछि उनी खाली समयमा आफ्नो फिटनेसमा ध्यान दिईरहेका

आँप खानुका फाइदैफाइदा

  • 2 hours ago
आँप खानुका फाइदैफाइदा

एजेन्सी । आँपमा फाइबरका साथै भिटामिन सी पाइने हुनाले शरीरमा कोलेस्ट्रेरोलको लेवल कम गर्न मद्दत गर्छ । साथै मुटु सम्बन्धी समस्याबाट मुक्ति मिल्छ ।

फिल्म ‘साहो’ को शुटिङ सकियो

  • 3 hours ago
फिल्म ‘साहो’ को शुटिङ सकियो

एजेन्सी । बाहुबली स्टार प्रभास १५ अगस्टमा रिलिज हुने फिल्म ‘साहो’ को लागि एकदमै उत्साहित छन् । उनले फिल्म ‘साहो’ सँग सम्बन्धित खबरहरु आफ्नो सामाजिक सञ्जालमा शेयर गरेका हुन्छन् ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

आँप खानुका फाइदैफाइदा

आँप खानुका फाइदैफाइदा

एजेन्सी । आँपमा फाइबरका साथै भिटामिन सी पाइने हुनाले शरीरमा कोलेस्ट्रेरोलको लेवल कम गर्न मद्दत गर्छ । साथै मुटु सम्बन्धी समस्याबाट मुक्ति मिल्छ ।