लण्डनमा बृद्ध नेपाली दम्पतिलाई हतियार देखाएर लुटियो घर

फाइल फोटोमा राई परिवार बस्दै आएको लण्डनको नर्थहोल्टस्थित घर

 

लण्डन । लण्डनको नर्थहोल्टस्थित एक नेपालीको घर लुटिएको छ । शनिबार राती ५ / ६ जनाको समुहमा आएका लुटेराहरुले हतियार देखाएर लुटपाट गरेका हुन् ।

 

लुटेराहरुले सो घरबाट नगद ६ सय पाउण्ड लुटेका छन् । ३  तोला बराबरको सुनका गरगहना भने लुटेराहरुले भाग्दै गर्दा घरमै खसालेका छन् । 

 

लण्डन नर्थहोल्टको रसेल रोडमा बस्दै आएका नेपाली पत्रकार किरण राईको घर लुटिएको हो । राई कामको लागि घरमा नभएको रातीको बेला घरभित्र छिरेका लुटेराहरुले घरमा रहेका उनका बृद्ध आमाबाबुलाई छुरा देखाएर नियन्त्रणमा लिएका थिए । बृद्ध राई दम्पति ७७ वर्षका छन् । 

 

घरको मुल ढोका फोरेर भित्र पसेका लुटेराहरुले घरको भुइंतलामा रहेका बृद्ध दम्पति तथा माथिल्लो तलामा बस्ने एक नेपाली महिला र उनका छोराछोरीलाई छुरा देखाएर तर्साएका थिए । घरका सबै सदस्यलाई एकै ठाउंबाट हलचल नगर्न भन्दै धम्क्याएपछि उनीहरुले नगद र गरगहना खोज्दै घरका सबै कोठा चहारेका थिए । 

 

त्यसक्रममा उनीहरुले नगद ६ सय पाउण्ड लुटेका छन् । घरबाट ३ तोला बराबरको सुनका गरगहना समेत उठाएका भएपनि लुटेराहरुले भाग्ने क्रममा आत्तिएर गरगहना खसालेका थिए । 

 

'हामी बसेको एरियामा यसअघि पनि यस्ता लुटपाटका घटना भएको सुनेका थियौं । त्यसैले सावधानीस्वरुप आमाका गरगहना केहि समयअघि बैनीसंग नेपाल पठाएका थियौं', पत्रकार राईले सुनाए, 'घरमा गरगहना थोरै राखेको कारण क्षति सानो भयो । घरमा अहिले रहेका गहना पनि लुटेराहरु भाग्ने क्रममा आत्तिएर खसाले ।'

 

पत्रकार किरण राई घरमा नभएका बेला घर लुटिएको थियो  

 

राई परिवार सो घरमा बसेको ४ महिना मात्रै भयो । अबको केहि साताभित्रै सो घरबाट सर्ने तयारी समेत उनीहरुको थियो । घरभेटीलाई दिन भनेर तयार गरेको नगद लुटेराहरुले लगेका हुन् । 

 

विगतमा लुटिएका बेलायतका अरु नेपालीका घरहरुजस्तै आफुहरुलाई पनि गहनाकै लागि लुटेराले लक्षित गरेको हुन सक्ने पत्रकार राईले बताए । 

 

'नेपालीको घरमा सुनका गरगहना हुन्छन् भन्ने बुझेर नै पहिलदेखि नेपालीका घरहरु निशाना बन्दै आएका छन्' , राईले भने, 'यस घटनाबाट पाठ सिकेर हाम्रो समुदायका अरु सदस्यहरुले पनि यससम्बन्धमा सावधानी अपनाउनुहुनेछ भन्ने मैले आशा गरेको छु ।'

 

घरको माथिल्लो तलामा बस्ने नेपाली महिलाले लुटेराहरु गोरा भएको बताएको राईले बताए । 

 

बेलायतका विभिन्न क्षेत्रमा यसअघि पनि धेरैपटक नेपालीका घरहरु लुटिंदै आएका छन् । विशेषत नेपालीका घरमा धेरै सुनका गरगहना हुन्छन् भन्ने  ठानेर लुटेराहरुले लक्षित गर्ने गरेको ठानिन्छ । 

 

 


थप समाचार

बलात्कार मुद्दामा थुनामा रहेका कैदीकाे मृत्यु

  • 20 minutes ago
बलात्कार मुद्दामा थुनामा रहेका कैदीकाे मृत्यु

चितवन । जबरर्जस्ती करणी मुद्दामा थुनामा रहेका एक कैदीको मृत्यु भएको छ ।

‘रिल’का गोपी बिपिनले ‘रियल लाइफ’कै गोपी भेटे

  • 20 minutes ago
‘रिल’का गोपी बिपिनले ‘रियल लाइफ’कै गोपी भेटे

चितवन । शनिबारबाट फिल्म ‘गोपी’को प्रचारमा निस्किएका बिपिन कार्कीले चितवनमा साँच्चिकैका गोपी भेटेका छन् । उनले फिल्मको प्रचारका क्रममा फिल्ममा झैं गाई व्यवसाय गर्ने गोपी ढकाललाई भेटेका हुन् । बिपिनले च

कङ्गोको राष्ट्रपतिमा शिसेकेडी विजयी भएको अदालतको घोषणा

  • 26 minutes ago
कङ्गोको राष्ट्रपतिमा शिसेकेडी विजयी भएको अदालतको घोषणा

किन्सासा । प्रजातान्त्रिक गणतन्त्र कङ्गोको संवैधानिक अदालतले विपक्षी नेता फेलिक्स शिसेकेडी राष्ट्रपतिमा निर्वाचित भएको घोषणा गरेको छ । उनका निकटतम प्रतिद्वन्द्वी मार्टिन फायुलुले चुनावमा धाँधली भएको आ



जीवनशैली/स्वास्थ्य

घरमा सुख शान्ति बनाइराख्न यस्ता कामहरु गर्नुहोस्

घरमा सुख शान्ति बनाइराख्न यस्ता कामहरु गर्नुहोस्

घरमा सुख समृद्धि बनाइराख्नको लागि हाम्रा पूर्वजहरुले पहिलेदेखी नै धेरै परम्पराहरु मान्दै आएको पाइन्छ । तर आजकालको आधुनिक युगमा धेरै मानिसहरुले पुराना परम्पराहरु मान्न छाडिसके ।

विचित्र विश्व

सिङ्गै गाउँ चार जनाको नाममा

सिङ्गै गाउँ चार जनाको नाममा

डोल्पा । जिल्लाको त्रिपुरासुन्दरी नगरपालिका, ५ फुल्चिङका ६९ वर्षीय चन्द्रलाल चलाउनेको नाममा एक टुक्रा पनि जग्गा छैन । घरअगाडिको प्रशस्त जमिनमा मेहनतका साथ अधियाँ खेती गरे पनि उनको परिवारलाई वर्षभरि जीविका चलाउन मुस्कल पर्छ ।