जेन्स यूकेको ईकमर्स साइट 'नेपाली ईबजार' शुभारम्भ

  • सोमबार, २३ पुष, २०७५
  • 5 months ago
  • युके
Education Park

 

लण्डन । बेलायतमा ग्रायुजएसन गरेर विभिन्न उद्यम गरिरहेका नेपाली युवाहरुको संस्था 'ग्रयाजुएट इन्टरप्रेनर नेप्लिज सोसाइटी' (जेन्स) यूकेले एक ईकमर्स साइट लञ्च गरेको छ । 

 

आइतबार प्लमस्टिडको चौतारी रेष्टुरेन्टमा एक कार्यक्रमका बीच जेन्स यूकेले 'नेपाली ईबजार' (www.nepaliebazaar.com) को शुभारम्भ गरेको हो । 

 

संस्थाका अध्यक्ष लेखनाथ गैरे र कार्यक्रमका प्रमुख अतिथि तथा एनआरएन यूके उपाध्यक्ष ललितकुमार न्यौपानेले नेपाली ईबजारको उद्घाटन गरेका थिए । 

 

ग्लोबल नेपाली समुदायको लागि एक मार्केटिङ, प्रमोटिङ तथा एर्डभटाइजिङ प्लेटफर्मको रुपमा नेपाली ईबजार शुभारम्भ गरिएको जेन्स यूके अध्यक्ष गैरेले बताए । नेपाली समुदायलाई आवश्यक पर्ने जुनसुकै प्रोडक्ट तथा सर्भिस नेपाली ईबजारले उपलब्ध गराउन कोशिस गर्ने अध्यक्ष गैरेले बताए । 

 

व्यापारी र उपभोक्तालाई एकै ठाउंमा  जोडिदिने च्यानलको रुपमा आफ्नो प्लेटफर्मले काम गर्ने योजना उनले सुनाए । 

 

कार्यक्रमका प्रमुख अतिथि एनआरएन यूके उपाध्यक्ष ललितकुमार न्यौपानेले वर्तमान समयको आवश्यकतालाई सम्बोधन गर्दै जेन्स यूकेले ल्याएको ईकमर्स प्लेटफर्मलाई सफलताको शुभकामना दिए । 

 

विदेशमा बस्ने नेपालीहरुले नेपाली समुदायको लागि च्यारिटी मात्रै गरेर नपुग्ने र आफ्नो ज्ञान, सीप, अनुभव लगानी गर्नुपर्ने भन्दै उपाध्यक्ष न्यौपानेले नेपाली ईबजारको प्लेटफर्मबाट नेपाली व्यापारी र उपभोक्ता दुवै लाभान्वित हुने विश्वास व्यक्त गरे । 

 

 

नेपाली ईबजारमार्फत उपभोक्ताहरुले विभिन्न विक्रेताहरुको फरक फरक उत्पादन र सेवा एकै ठाउंबाट प्राप्त गर्न सक्नेछन् । विक्रेताहरुले पनि आफ्नो उत्पादनको विक्री तथा सेवाहरुको विज्ञापन गर्न सक्नेछन् । नेपाली ईबजारका प्रयोगकर्ताहरुलाई विभिन्न उत्पादन तथा सेवाहरुमा विशेष सहुलियतको अफरहरु समेत दिइनेछ । 

 

नेपाली ईबजारमा संसारभरको नेपालीहरुलाई लक्षित गरी नेपाली तथा गैरनेपाली विक्रेता तथा सेवा प्रदायकहरुलाई स्थान दिइने जेन्स यूकेले बताएको छ । उपभोक्तालाई उत्पादन र सेवाहरु खरिद गर्न तथा विक्रेताहरुलाई विक्री गर्न एक सहज र विश्वसनिय अनलाइन प्लेटफर्म तयार गरिएको जेन्स यूकेको भनाइ छ । 

 

उपभोक्ताको सुविधालाई ध्यानमा राखेर विभिन्न छुट, अफरहरु उपलब्ध गराइने, पेपालबाट सहज रुपमा पेमेन्ट गर्न सकिने, रिफण्डको लागि विश्वसनिय तथा बिना झञ्झटिलो प्रक्रिया रहने र कारोबारका क्रममा आउन सक्ने जुनसुकै समस्या समाधानको लागि नेपाली ईबजारले सहजकर्ताको भुमिका निभाउने प्रतिबद्धता गरिएको छ । 

 

सचिव तिलक भट्टराईले सञ्चालन गरेको कार्यक्रममा संस्थाका सल्लाहकार विष्णु चोङवाङले स्वागत मन्तव्य दिएका थिए भने कार्यसमितिको प्रतिनिधित्व गर्दै उपाध्यक्ष मैना शर्माले बोलेकी थिइन् । आईटीसम्बन्धी जिम्मेवारी सम्हालेका संस्थाका कोषाध्यक्ष गणेश थापाले विभिन्न प्राविधिक पक्षबारे जानकारी गराएका थिए ।

 

संस्थापक अध्यक्ष तथा सल्लाहकार शालिक सापकोटाले इन्टरप्रेनरसिप भिसामा रहेका नेपाली ग्रयाजुएटहरुलाई भिसासम्बन्धी सल्लाह, सहयोग दिने उद्धेश्यले सुरु गरिएको संस्था क्रमिक रुपमा विकास हुंदै यो अवस्थामा आइपुगेको बताए । 

 

कार्यक्रममा नेपाल पत्रकार महासंघ बेलायतका अध्यक्ष नरेश खपांगी मगर, बुद्ध फाउण्डेसन यूके अध्यक्ष दिपक श्रेष्ठ, एनआरएन यूकेका कोषाध्यक्ष सचिन श्रेष्ठ, व्यापार विभाग संयोजक तथा सचिव सुरोज मास्के, उपमहासचिव विनय अधिकारी, प्रभु न्यौपाने, डा मुकुन्द बांस्तोला, राजन खकुराल लगायतले नेपाली ईबजारको सफलताको शुभकामनासंगै विभिन्न सुझावहरु दिएका थिए । 

 

कार्यक्रमका सहभागीहरुले राखेका विभिन्न जिज्ञासाहरुमा जेन्स यूकेका अध्यक्ष तथा पदाधिकारीहरुले जवाफ दिएका थिए । 

 

 


थप समाचार

पोखराका तीन ठाउँमा बम फेला, डिस्पोज गर्ने तयारी

  • 4 seconds ago
पोखराका तीन ठाउँमा बम फेला, डिस्पोज गर्ने तयारी

पोखरा । प्रतिबन्धित विप्लव समुहले पोखराका तीन ठाउँमा बम राखेको छ । नेपाल बन्दको आव्हान गरेको विप्लव समुहले पोखराको विजयपुरको पुल पारी ओरालोमा प्रेसरकुकर बम राखेको बताइएको छ ।

किन हुन्छ हर्मोनमा गडबडी ? यस्ता छन् लक्षण र रोकथाममा उपायहरु

  • 10 minutes ago
किन हुन्छ हर्मोनमा गडबडी ? यस्ता छन् लक्षण र रोकथाममा उपायहरु

काठमाडौं । हर्मोन कुनै कोष वा ग्रन्थीबाट उत्पादन हुने रसायन हो । हाम्रो शरीरमा कुल दुई सय तीन किसिमका हर्मोन हुन्छन्, जसले फरक–फरक क्रियालाई नियन्त्रण गर्छन् ।

लोपउन्मुख मोहली बाजा बजाउँदै ढकाल

  • 19 minutes ago
लोपउन्मुख मोहली बाजा बजाउँदै ढकाल

रामपुर । पाल्पाको रामपुुर नगरपालिका–६ मा बस्ने टिकाराम ढकालले लोपउन्मुख मोहली बाजा बजाउँदै ।



प्रेम र यौन

यी हुन् विश्वका ५ चर्चित यौन बजार

यी हुन् विश्वका ५ चर्चित यौन बजार

पछिल्लो समय यौनलाई मानिसहरुले आधारभूत आवश्यकताको रुपमा लिँदै आएका छन् । सोही कारणले गर्दा कतिपय देशका सरकारहरुले नै अनुमति दिएर यौन बजार खुल्दै आएको छ । जसलाई हामी ‘रेड लाइट’ एरिया भन्छौं । यहाँ हामीले विश्वका चर्चित ५ यौन बजारको बारेमा जानकारी प्रस्तुत गरेका छौं ।

जीवनशैली/स्वास्थ्य

किन हुन्छ हर्मोनमा गडबडी ? यस्ता छन् लक्षण र रोकथाममा उपायहरु

किन हुन्छ हर्मोनमा गडबडी ? यस्ता छन् लक्षण र रोकथाममा उपायहरु

काठमाडौं । हर्मोन कुनै कोष वा ग्रन्थीबाट उत्पादन हुने रसायन हो । हाम्रो शरीरमा कुल दुई सय तीन किसिमका हर्मोन हुन्छन्, जसले फरक–फरक क्रियालाई नियन्त्रण गर्छन् ।

विचित्र विश्व

एउटा यस्तो ठाउँ जहाँ बहुविवाहका लागि यसरी बाध्य पारिन्छ !

एउटा यस्तो ठाउँ जहाँ बहुविवाहका लागि यसरी बाध्य पारिन्छ !

विश्वभर केही यस्ता देशहरु रहेका छन् जहाँ अजब गजब नियम कानुनहरु रहेका छन् । नेपालमा एकभन्दा बढी विवाहलाइै गैरकानुनी मानिन्छ । नेपालमा कानुनको पालना गर्दै मानिसहरु एउटा विवाह गर्नेछन् ।