नयाँ वर्षमा बेलायतमा कलाकारको भीड

Education Park

 

लण्डन । नेपालमा राष्ट्रिय स्तरमा ख्याति कमाएका तथा व्यवसायिक हिसाबले सफल मानिएका कलाकारहरुको समेत मुख्य बजार अहिले नेपालबाहिर रहेको देखिन्छ । दशैं, तिहार, तीज, नयाँ वर्ष लगायतका विशेष अवसरहरुमा त झन् कलाकारहरुको विदेश दौडको सिजन नै चल्ने गर्छ । 

 

नेपाली कलाकारहरुमाझ विदेशको गन्तव्यहरुमध्ये आकर्षक मानिने बेलायतमा पनि यसपटकको नेपाली नयाँ वर्षको अवसरमा नेपाली कलाकारहरुको ठूलो भीड लागेको छ । 

 

बेलायतका विभिन्न ठाउँमा , विभिन्न संस्थाले आयोजना गरेका नयाँ वर्ष शुभकामना कार्यक्रमहरुमा प्रस्तुति गर्न यतिबेला नेपालबाट आएका करिब २ दर्जन कलाकारहरु बेलायतमा छन् । गायकगायिका, नायकनायिकादेखि हास्य कलाकारहरुले समेत नयाँ वर्षमा बेलायतका स्टेजहरुमा प्रस्तुति गरिरहेका छन् । 

 

को को छन् अहिले बेलायतमा ?

आफ्नो पछिल्लो चलचित्र क्याप्टेनको रेड कार्पेट शोको लागि बेलायत आएका निर्माता नायक भुवन केसी नयाँ वर्षमा बेलायतमै छन् । सुपरस्टार नायक छोरा अनमोल केसीसंगै अप्रिल पहिलो साता भुवन यतै रहेपनि अनमोल भने फर्किसकेका छन् । भुवनकी प्रेमिका कलाकार जिया केसी पनि भुवनसंगै बेलायतमै छन् । 

 

नेपाल संगीत क्षेत्रका सफल र लोकप्रिय थुप्रै गायिकागायिकाहरु पनि अहिले बेलायतमा छन् । मिलन नेवार, राजनराज शिवाकोटी, हिमाल सागर, आशिष सचिन, सबिन राई, आशिष राना लाहुरे, तृष्णा गुरुंग, सुनितामी परियार, भुमिका शाह, सहिमा श्रेष्ठ, प्रसन्ना पाण्डे, मदन परियार लगायतका गायकगायिका बेलायतका विभिन्न क्षेत्रमा भइरहेका नयाँ वर्ष विशेष कार्यक्रमहरुमा व्यस्त छन् । 

 

गायिका मिलन र गायक राजनराज सगरमाथा गोर्खा नेप्लिज कम्युनिटीको आयोजनामा बेलायतका ४ ठाउँमा आयोजित मिरा सांगीतिक सांझमा प्रस्तुति दिन आएका हुन् । केन्ट, ह्यारो, अल्डरसट र रेडिंगमा प्रस्तुति दिएका उनीहरुले स्कटल्याण्डको ग्लास्गो पुगेर समेत कार्यक्रम गर्न भ्याए । उनीहरुसंग लण्डनसहित मिडल्याण्डका केहि कार्यक्रम अझै बांकी छन् । 

 

युवाहरुमा लोकप्रिय गायक सबिन राई र उनको ब्याण्ड फारोह नेपाली म्युजिक फेस्टिबलमा प्रस्तुति दिन बेलायत आएका हुन् । नेपाल फुड्सको मुख्य प्रायोजनमा लण्डनमा सम्पन्न उक्त कार्यक्रमका लागि गायक आशिष राना लाहुरे र गायिका तृष्णा गुरुंग पनि बेलायत आएकी छन् ।  

 

उता गतसाता पिटरबरोमा प्रस्तुति गरेका गायक हिमाल सागर र आशिष सचिनसंग पनि अझै केहि शोहरु बाँकी छन् । अर्को सातासम्ममा आसफोर्ड, फोक्सटन, वेलिंगदेखि लिभरपुसम्म उनीहरुका कार्यक्रम तय भइसकेका छन् । बर्न्टओक नेपाली समाजले सञ्चालन गरेको नेपाली कक्षाको सहयोगार्थ नयाँ वर्षकै दिन एक च्यारिटी कार्यक्रम हुंदैछ । उक्त कार्यक्रममा प्रस्तुति दिन गायिकाहरु भुमिका शाह, सहिमा श्रेष्ठ र प्रसन्न पाण्डे लण्डन आइपुगेका छन् । 

 

बेलायतमा त्यस्तो कुनै पनि महिना हुंदैन, जहिले नेपालबाट कुनै लोकदोहोरी कलाकार यहां नआएको होस् । वर्षैभर नै यहाँका विभिन्न संघसंस्थाले गर्ने कार्यक्रममा लोकदोहोरी कलाकारहरुले पनि राम्रै अवसर पाउने गरेका छन् । नयाँ वर्षको आसपासमा अहिले सुनितामी परियार, मदन परियार लगायतका लोकदोहोरी गायक गायिकाहरु बेलायतमा छन् ।

 

गायक गायिकाहरु मात्र होइन,  नेपालका लोकप्रिय दुई हास्य कलाकारहरु पनि नयाँ वर्ष विशेष कार्यक्रमकै लागि अहिले बेलायतमा छन् । दमन रुपाखेती र शिवराम रिजाल जोगिन्दरले  अप्रिल १० देखि २५ तारिखसम्म लण्डन र स्कटल्याण्डका विभिन्न भेन्यूमा प्रस्तुति गर्दैछन् । 

 

पहिलेको तुलनामा बेलायतमा आयोजना हुने कार्यक्रमहरुमा नेपालबाट आउने कलाकारहरुको उपस्थिति बढ्दै गएपनि उनीरुप्रतिको यहांका दर्शकको आकर्षण भने घट्दै गएको ठानिन्छ । कलाकारहरुको संख्या जस्तै गुणस्तरलाई पनि बढाउनेतर्फ यहाँका ईभेन्ट आयोजक र कलाकारहरुको ध्यान जानुपर्ने देखिन्छ  । 

 


थप समाचार

चुनावी प्रक्रियामा होमियो क्याट यूके, निर्वाचन जुलाई ७ मा

  • 7 hours ago
चुनावी प्रक्रियामा होमियो क्याट यूके, निर्वाचन जुलाई ७ मा

चितवन एड ट्रस्ट (क्याट) यूके चुनावी प्रक्रियामा होमिएको छ । आउँदो जुलाई ७ मा साउथ ईष्ट लण्डनस्थित मेरिडियन क्लब, चार्ल्टनमा हुने संस्थाको आठौं अधिवेसनबाट नयाँ नेतृत्व चुन्नको लागि चुनावी कार्यक्रमहरु

अम्बानीको घरको रहस्य

  • 8 hours ago
अम्बानीको घरको रहस्य

एजेन्सी । धीरुभाई अम्बानीका जेठो छोरा मुकेश अम्बानी अलिबाबाका संस्थापक जैक मा भन्दा पछि एशियाकै सवैभन्दा धनि व्यक्ति हुन् । भनिन्छ अम्बानीको मतलब पैसा नै पैसा हो । तपाईहरुले पनि अम्बानी परिवारको बारेम

बुधबार गर्नुस् यस्ता काम, सधैँ तपाईलाई हुनेछ फलिफाप

  • 8 hours ago
बुधबार गर्नुस् यस्ता काम, सधैँ तपाईलाई हुनेछ फलिफाप

एजेन्सी । यदि तपाईको घरमा आयभन्दा बढी व्यय अर्थात् खर्च भइरहेको छ, घरमा कलेश मचिरहेको छ भने बुधवारका दिन बुध ग्रहलाई पुज्नुहोस्, समस्याबाट राहत मिल्न सक्छ ।



प्रेम र यौन

यी हुन् विश्वका ५ चर्चित यौन बजार

यी हुन् विश्वका ५ चर्चित यौन बजार

पछिल्लो समय यौनलाई मानिसहरुले आधारभूत आवश्यकताको रुपमा लिँदै आएका छन् । सोही कारणले गर्दा कतिपय देशका सरकारहरुले नै अनुमति दिएर यौन बजार खुल्दै आएको छ । जसलाई हामी ‘रेड लाइट’ एरिया भन्छौं । यहाँ हामीले विश्वका चर्चित ५ यौन बजारको बारेमा जानकारी प्रस्तुत गरेका छौं ।

जीवनशैली/स्वास्थ्य

थाहा पाउनुहोस मेथीपानीका यी ५ फाइदा

थाहा पाउनुहोस मेथीपानीका यी ५ फाइदा

एजेन्सी । मेथीको साग र मेथीदानाको उपयोग धेरै तरिकाले गर्न सकिन्छ र यो स्वास्थको लागि पनि धेरै फाइदाजनक हुन्छ ।

विचित्र विश्व

अम्बानीको घरको रहस्य

अम्बानीको घरको रहस्य

एजेन्सी । धीरुभाई अम्बानीका जेठो छोरा मुकेश अम्बानी अलिबाबाका संस्थापक जैक मा भन्दा पछि एशियाकै सवैभन्दा धनि व्यक्ति हुन् । भनिन्छ अम्बानीको मतलब पैसा नै पैसा हो । तपाईहरुले पनि अम्बानी परिवारको बारेमा धेरै कुरा सुन्नु नै भएको होला ।