मिस नेपालमा २४ युवती

काठमाडौँ, साउन ९ / मिस नेपाल २०१० मा भाग लिने अन्तिम प्रतियोगीहरु २४ जना भएका छन् । नेपालभरबाट आवेदनमा मागिए पनि जम्माजम्मी ७० जनाले मिस नेपालमा भाग लिन इच्छा जनाएका थिए । तीमध्ये ४६ जनाको मात्र अडिसन लिइएको र तीमध्ये पनि अन्तिम समयमा २४ जनालाई छनोट गरी तिनलाई प्रशिक्षण दिन थालिएको छ ।

असार ३२ गतेसम्म आएका निवेदनहरुमध्येबाट ती युवतीहरुलाई छानिएको हिडन ट्रेजरले जनाएको छ । छानिएका यी युवतीहरुले पाँच हप्ते व्यक्तित्व विकासको प्रशिक्षण लिनेछन् । प्रशिक्षण रचना शर्मा गुरुङसँगै अन्यले दिनेछन् ।

यस पटकको मिस नेपालका लागि विशेष उपहार छ । चेरी क्युक्युथ्री मोडलको कार मिस नेपालले पहिलो पटक विजेता भएलगत्तै चढ्न पाउने छिन् । मिस नेपालको अन्तिम छनोट भदौ १६ मा हुनेछ ।

मिस नेपालले चीनको सान्यामा हुने मिस वर्ल्ड २०१० मा सहभागी हुने अवसर प्राप्त गर्नेछिन् भने पहिलो रनरअपले चाहिँ फिलिपिन्समा हुने मिस अर्थमा सहभागिता जनाउने छिन् । रनरअपले महेन्द्रा स्कुटर जित्ने अवसर पाउने छिन् । आर्मी अफिर्स क्लबमा आयोजन हुने यो कार्यक्रमलाई नेपाल टेलिभिजनले प्रत्यक्ष प्रसारण गर्ने भएको छ ।

"यस पटक कतैबाट पनि कुनै किसिमको बाधा अवरोध अहिलेसम्म आएको छैन", यस पटकको मिस नेपाल बिना अवरोध नै हुने भयो त ? भन्ने नेपालीपत्रडटकमको प्रश्नमा हिडन ट्रेजरका गिरेन्द्र राजवंशीले भने- "त्यसैले पनि कार्यक्रम बिना अवरोध सहज किसिमले सम्पन्न हुने कुरामा विश्वस्त छु ।"

अहिलेसम्म कसैले पनि कार्यक्रम नगर्नू नगराउनू नभनेकाले कार्यक्रम सञ्चालनमा बाधा आइनपर्ने उनको धारणा छ । दुइ वर्षअघि एकीकृत नेकपा माओवादीको सरकारका पालामा आयोजन हुन लागेको मिस नेपाल अन्तिम अवस्थामा आएर रोकिएको थियो ।

Last Updated : 2010-07-25 04:14:28 | Text Size :

Print

E-mail

Name
Email Address
Comments

If you can't read the word, click here
Type word shown as above(to stop spam):

* ALL CAPS LETTER