स्कटल्याण्डमा कविता वाचन

एडिनबरा -स्कटल्याण्ड) । १९८ औं भानु जयन्तिको अवसर पारेर नेपाल स्कटल्याण्ड एशोसिएसनले गत जुलाई १४ मा कविता वाचन कार्यक्रम गर्‍यो । वीरेन रङ्गोनको आतिथ्यतामा सम्पन्न उक्त कार्यक्रम दिनको २ देखि बेलुका ५ बजेसम्म चलेको थियो । प्रविना खनालको भानुभक्तको जीवनीमा आधारित कवितासँगै शुरु भएको कार्यक्रममा भानुभक्तद्वारा रचित रामायणका श्लोकहरु समेत पाठ गरिएको थियो । साथै सविना खनाल, सुनिल लामिछाने तथा किशोर डङ्गोलले आ-आफ्ना रचना सुनाएका थिए ।

कार्यक्रममा नेपाली भाषाको पृष्ठभूमि, वर्तमान अवस्था साथसाथै विदेशमा गर्न सकिने विकासका सम्बन्धमा छलफल समेत गरिएको थियो भने उपस्थित सबैले आ-आफ्ना बाल्यकालका भानुजयन्तिसँग सम्बन्धित अनुभवहरु बाँडेका थिए । कार्यक्रमको अन्त्यमा एसोसिएसनका अध्यक्ष किशोर डङ्गोलले उपस्थित सबैलाई धन्यवाद दिनुका साथै भविष्यमा आयोजना गरिने कार्यक्रममा पनि निरन्तर सहयोग रहने अपेक्षा व्यक्त गरे ।

रुविना खनाल

Last Updated : 2010-07-28 10:16:21 | Text Size :

Print

E-mail

Name
Email Address
Comments

If you can't read the word, click here
Type word shown as above(to stop spam):

* ALL CAPS LETTER