अब त अति भो सरकार !

बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्त ।

हरेक छोरी असुरक्षित छन् । दिन प्रतिदिन महिला बलात्कार, हत्या र हिंसाका घटना बढिरहेका छन् । देशको राजधानीदेखि विकट जिल्लाका घर शहर कहिँकतै महिला सुरक्षित छैनन् ।

 

बिहान स्कुल, कलेजको लागि घरबाट निस्केकी छोरी बेलुकी सुरक्षित घर फर्कने हो कि होइन भन्ने ग्यारेन्टी छैन । भर्खरै मात्रै कञ्चनपुरमा निर्मला पन्तको बलात्कारपछि हत्या भएको घटनाले झनै भयावह स्थिति सृजना गरेको छ ।

 

त्यसलगत्तै पोखरा लामाचौर–१९ की १३ वर्षीया किशोरी पुष्पा केसी मृत अवस्थामा भेटिइन् । पोस्टमार्टम रिपोटमा उनी बलात्कृत नभएको पाइयो तर पनि यो घटना किन र कसरी भयो भन्नेमा अन्योल नै छ । बलत्कार नभएको भए पनि प्रयास चाहिँ भएको हुन सक्नेमा सबैको शंका छ ।

 

हाम्रो समाज कुन दिशातर्फ मोडिँदैछ । पुरुष नामका केही कलंका कारण सबै पुरुषको बदनाम हुँदैछ । तिनले किन महसुस गर्दैनन् कि म पनि कुनै महिलाकै गर्भबाट आएको हुँ भन्ने कुरा । अब त अति भइसक्यो एउटा आमाले छोरा जन्माए बलात्कारी र छोरी जन्माए बलात्कृत हुने हो कि भन्ने त्रास सँधै रहने भयो ।

 

काकाले भतिजीलाई, बाबुले छोरीलाई, नातीले हजुरआमालाई बलात्कार गरेका घटनाले महिला कोहीसँग सुरक्षित छैनन् भन्ने कुरा देखाउँछ । दूधे बालिकादेखि वृद्ध महिला कोही सुरक्षित छैनन् । 

 

कतिपय बलत्कारको घटनामा रक्षक नै बलात्कारको दोषी भएका समाचार हामी पढ्न बाध्य छौं । सार्वजनिक स्थल, वनजंगल, होटल, स्कुलमा मात्र होइन सुरक्षा दिने प्रहरीको हिरासतमा समेत महिलाहरू बलात्कृत भएका छन् । त्यतिमात्रै होइन, पछिल्लो समय त बलात्कारपछि पोल खुल्ने डरले हत्याका घटना बढेका छन् ।

 

नेपालको कानुनमा मृत्युडण्डको व्यवस्था नभए पनि मुलुकी ऐन अनुसार महिलालाई विशेष प्रतिरक्षाको अधिकार कानुनले दिएको छ । जुन कानुनले बलात्कृत महिलाद्वारा बलात्कारीलाई मार्न पाइने कानुन छ । 

 

नेपालको मुलुकी ऐन जबरजस्ती करणीले कुनै पनि पीडित महिलाले आफू बलात्कृत भएको एक घण्टाभित्र बलात्कारीलाई मारेको खण्डमा ती महिलालाई कानुन नलाग्ने छुट दिएको छ । महिलाहरू अधिकारबारे सचेत हुने हो भने आफू बलात्कृत हुनासाथ बलत्कारीलाई मारिदिन सक्दछन् ।

 

तर यो कानुनको महलबारे अधिकांश बलात्कृत हुने महिलाहरू नै अनभिज्ञ छन् । एउटा महिलाको अस्मिता त्यसमाथि पनि बलजफ्ती बलात्कार गरेर यौन पिपाषुहरूले यौनको तृष्णा मेटाउन खोज्नु घृणित कार्य हो । 

 

र, समाजले पनि त्यस्ता कार्यलाई जघन्य अपराधको रुपमा लिएको छ । अहिलेसम्मका घटनालाई हेर्दा जसले प्रतिकार गर्न सक्दैनन् त्यस्ता व्यक्ति बलात्कृत हुने गरेको देखिन्छ । जसमा बालिका र वृद्धा महिला पर्छन् । पहिलो कुरा त बालिका र वृद्धामाथि मन्द मानसिकता भएका व्यक्तिले बलात्कार गर्छन् ।

 

किशोरीहरूमाथि हुने बलात्कार भने अलि फरक छ । किशोरी वा युवा महिलामाथि हुने बलात्कारमा एउटा केटा मात्रै दोषी नहुन सक्छ । त्यसमा त्यो बलात्कृत हुने किशोरी या महिलाको पनि दोष हुन सक्छ । जबसम्म हाउभाउ त्यो स्तरको हुँदैन, तबसम्म युवा महिला वा किशोरी बलात्कृत हुँदैनन् भन्ने हाम्रो यो समाज बलात्कार हुनुमा महिलालार्इ नै दोषी मान्दै आएको छ ।

 

घरभित्र बलात्कारका घटना झन् मौलाएको छ । परिवारले नै घटनालाई ढाकछोप गर्दा बलात्कारका घटना बढिरहेका छन् । हाम्रो समाज महिलामैत्री कहिले बन्ने ?

 

आजकल प्रत्येक दिनजसो बलात्कारका घटना भइरहेका छन् । हरेकदिन ताजा खबर बोकेर आउने अखबारले महिला बलत्कारको घटनाका समाचार बोकेरै आएका हुन्छन् । कतिपय घटनाका दोषीहरू जेल सजाय पनि भोगिरहेका छन् । तर पनि बलत्कारको घटना घट्नुको सट्टा बढ्दो अनुपातमा रहेको पाइन्छ । घरबाहिर गएकी छोरी समयमा घर नपुग्दा परिवारमा चिन्ता हुन थालेको छ ।

 

कामका लागि अरुको घरमा बसेकी छोरी बलात्कारको सिकार भएका छन् । आखिर किन हुन्छ बलात्कार ? कानुन फितलो भएर ? दोषीलाई उचित कारवाही नभएर ? वा पुरुषले महिलालाई हेप्ने प्रवृतिले ? प्रश्नै प्रश्नको गाँठो कहिले फुक्छ ? कारण जे होस् हरेकदिन दानवको शिकार बनेका छन् महिला । 

 

जसले गर्दा कुनै पनि महिलाले म सुरक्षित छु भन्ने आभास गर्न सक्दिनन् । हरेक आमालाई छोरीको मात्रै चिन्ता होइन, छोराको पनि चिन्ता छ । कतै छोरा बलात्कारी बन्ने त होइन ? नेपालमा कानुन फितलो भएकै कारण बलात्कारका घटनामा वृद्धि भएको हो भन्ने सबैको ठम्याइ छ । यदि फाँसी दिने कानुन भएको भए सायद यति धेरै बलात्कारका घटना बढने थिएनन् होला ।

 

अब त अति भो सरकार, हरेक महिलाको जीवन रक्षाको ज्ञारेन्टी गर्नुपर्छ । बोली नफुटेकी बालिका बलात्कृत हुन्छे, त्यो पनि आफ्नै बाबु र हजुरबुबाबाट । घटना घट्ने र सेलाउने सिलसिला नियमित प्रकृया जस्तै भो । संवेदनहीन समाजमा अपाङ्ग र अशक्त पनि छाडिएनन् । आधुनिकताले गाँजेर स्वार्थी बन्दै गएको समाजमा अपराध दिनदिनै बढेको बढ्यै छ ।

 

हरेक नागरिकलाई सामाजिक र नैतिक शिक्षा अनिवार्य सिकाइयोस् । ताकी बलात्कार जस्ता जघन्य अपराध गर्न कोही पनि लालायित नहोस् । त्यसैले सरकार या त अपराधी उम्कनै नसक्ने बलियो कानुन बना, या त हरेक महिलाको सुरक्षाको ज्ञारेन्टी गर । किनकी अब त अति भएन र ?


थप समाचार

के तपाईलाई राज योगबारे थाहा छ ?

  • 37 minutes ago
के तपाईलाई राज योगबारे थाहा छ ?

एजेन्सी । जन्मको समय र तारिखको आधारमा कुण्डली हेरेर होस या हस्तरेखा हेरेर होस व्यक्तिको वर्तमान र भविष्य ज्योतिष विद्या मार्फत जान्ने प्रचलन छ । जसमा विभिन्न शास्त्र मार्फत व्यक्तिको बारेमा बुझ्न सकिन

यी महिलाहरुले हात धुन समेत पानीको प्रयोग गर्न पाँउदैनन्

  • 44 minutes ago
यी महिलाहरुले हात धुन समेत पानीको प्रयोग गर्न पाँउदैनन्

एजेन्सी । दुनिँयामा कैयौ यस्ता आदिवासी क्षेत्रहरु छन् जँहा रहेका मानिहरुको परम्परा पनि अनौठो हुन्छ ।

बिहिबार जन्मेका व्यक्तिकाे गुण कस्ताे !

  • 50 minutes ago
बिहिबार जन्मेका व्यक्तिकाे गुण कस्ताे !

बिहिबार जन्मेका व्यक्ति निकै मेधावी, शान्त र निकै समझदार हुने गर्दछन् । यस्ता मानिसहरुलले अरुलाई निकै इज्जत गर्छन् । त्यसकारण मानिसहरुका लागि आदर्श पनि बन्ने गर्छन् ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

हिन्दु धर्म अनुसार यस्ता छन् बिहिबार गर्नै नहुने कामहरु

हिन्दु धर्म अनुसार यस्ता छन् बिहिबार गर्नै नहुने कामहरु

हिन्दु धर्मका अनुसार हरेक दिनको आफ्ना आफ्नै महत्व रहेको छ । तर, विशेष त विहीबार अति नै महत्वपुर्ण रहेको बताइन्छ । ज्योतिष शास्त्रका अनुसार यसको सम्बन्ध बृहस्पति ग्रहसँग रहेको छ ।

विचित्र विश्व

के तपाईलाई राज योगबारे थाहा छ ?

के तपाईलाई राज योगबारे थाहा छ ?

एजेन्सी । जन्मको समय र तारिखको आधारमा कुण्डली हेरेर होस या हस्तरेखा हेरेर होस व्यक्तिको वर्तमान र भविष्य ज्योतिष विद्या मार्फत जान्ने प्रचलन छ । जसमा विभिन्न शास्त्र मार्फत व्यक्तिको बारेमा बुझ्न सकिन्छ ।