दौरासुरुवाल र साडी–चोलोलाई राष्ट्रिय पोशाकको मान्यता दिन दबाब

काठमाडौं ।  दौरासुरुवाल र साडी–चोलोलाई पुनः राष्ट्रिय पोशाकको रुपमा औपचारिक मान्यता दिन दबाब दिँदै राष्ट्रिय पोशाक संरक्षण अभियानका युवाहरुको समूहले ज्ञापनपत्र बुझाउने अभियान चलाएका छन् ।

 

ज्ञापनपत्र बुझाउन राप्रपा केन्द्रिय कार्यलय पुगेका युवाहरु दौरा सुरुवाल र साडी चोलोलाई राष्ट्रिय पोशाकको मान्यता दिने अभियानलाई अझ तीब्रता दिन राप्रपा अध्यक्ष कमल  थापाको ध्यानाकर्षण पनि गराएका छन् ।

 

ज्ञापनपत्र बुझ्दै अध्यक्ष थापाले आफ्नो पार्टी राष्ट्रिय पोशाकको विषयमा सधैं अटल रहेको भन्दै अभियानमा ऐक्यबद्धता पनि जनाए ।

 

उनले भने, ‘हाम्रो पार्टीले राष्ट्रिय पोशाकको विषयलाई पनि अभियानको रुपमै लगिरहेको छ, यहाँहरुको यो अभियानमा हाम्रो पूर्ण साथ छ ।’

 

अध्यक्ष थापाले छेउमा रहेका संघीय संसदमा प्रतिनिधित्व गर्ने पार्टीका एक्ला सांसद राजेन्द्र लिङ्देनलाई इंकित गर्दै भने, ‘संसदमा हाम्रो पार्टीबाट एक जनाको मात्र प्रतिनिधित्व छ , तर उहाँ सधैं दौरा सुरुवाल नै लगाउनु हुन्छ ।’

 

उक्त अवसरमा अध्यक्ष थापाले आफ्नो पार्टीले जितेको स्थानीय तहमा आयोजना हुने हरेक राष्ट्रिय कार्यक्रममा अनिवार्य राष्ट्रिय पोशाक लाउन निर्देशन दिइसकेको पनि जानकारी दिए ।

 

भेटमा अध्यक्ष थापाले प्रधानमन्त्री केपी शर्मा ओली पनि राष्ट्रिय पोशाकका विषयमा निकै सचेत रहेको भन्दै खुलेर प्रशंसा पनि गरेका थिए ।

 

‘उहाँको अघिल्लो कार्यकालमा राप्रपा पनि सरकारमा थियो,  मलाई याद छ, उहाँले सबै मन्त्रीहरुलाई दौरा–सुरुवाल लगाउन घचघचाईरहनुहुन्थ्यो,’ अध्यक्ष थापाले भने ।

 

तत्कालिन प्रधानमन्त्री बाबुराम भट्टराईले २०६८ सालमा मन्त्रीपरिषद् बैठकबाट निर्णय गराएर राष्ट्रिय पोशाकको सूचीबाट दौरासुरुवाल र साडी–चोलोलाई हटाउँदै नेपालमा लगाइने सबै पोशाकलाई राष्ट्रिय पोशाक घोषणा गरेका थिए । उनको उक्त  निर्णयको चौतर्फी आलोचना समेत भएको थियो ।

 

गृह मन्त्रालयले  भदौ १९ गते राष्ट्रपति भवन शितल निवासमा प्रदान गरिने विभूषण समारोहमा सहभागी सबैलाई दौरासुरुवाल र साडी–चोलोमा उपस्थित हुन परिपत्र गरेको छ । तर औपचारिक रुपमै सरकारका तर्फबाट घोषणा भने गरिएको छैन ।

 

गत असारमा जारी गरिएको ‘विभूषण सिफारिस कार्यविधि प्रदान सम्वन्धि मापदण्ड २०७५’मा पनि विभुषण समारेहमा पुरुषले दौरासुरुवाल–ढाकाटोपी (कालो भादगाउँले) र कालो जुत्ता तथा तथा महिलाको हकमा साडी–चोलो र जुत्ता लगाउनुपर्ने प्रावधान समेटिएको छ ।

 

तर सरकारका तर्फबाट औपचारिक मान्यता दिएको घोषणा भने नभएका कारण युवाहरुले उक्त अभियान शुरु गरेको बताएका छन् ।


थप समाचार

डर्बी भिडन्तमा युनाइटेडका साञ्चेजले एक पटकमात्रै बल छोए र कमाए ७५ हजार पाउण्ड

  • 5 minutes ago
डर्बी भिडन्तमा युनाइटेडका साञ्चेजले एक पटकमात्रै बल छोए र कमाए ७५ हजार पाउण्ड

एजेन्सी । बुधबार राति सम्पन्न म्यान्चेस्टर डर्बी भिडन्तमा म्यान्चेस्टर युनाइटेडका फरवार्ड एलेक्सिस साञ्चेजले मात्र १ पटक बल छोए । खेलको ७८ औं मिनेटमा मैदान प्रवेश गरेका उनले मैदानको मध्यभागतिर एक पटकम

भूकम्पका चार वर्षः अधुरै पुनर्निर्माण

  • 15 minutes ago
भूकम्पका चार वर्षः अधुरै पुनर्निर्माण

काठमाडौँ । २०७२ वैशाख आजकै दिन महाभूकम्पको विपत्ति सामाना गर्नुपर्यो । कति मान्छे ढले, कत्तिका परिवारै ढले, घर, मन्दिर गमागम लडे । चार वर्षअघि आजैका दिन ३२ जिल्लामा भूकम्पले मानविय र भौतिक क्षती बनाएर

करन जोहरको करिअरकै सबैभन्दा फ्लप फिल्म बन्यो ‘कंलक’, कति लागत कति कमाई

  • 22 minutes ago
करन जोहरको करिअरकै सबैभन्दा फ्लप फिल्म बन्यो ‘कंलक’, कति लागत कति कमाई

एजेन्सी । बलिउडका चर्चीत फिल्म निर्माता हुन् करन जोहर । तर, उनले यसपटक निर्माण गरेको फिल्म सुपर डुपर फ्लप भएको छ । फिल्म कंलक उनको जीवनको कलंक भएको समीक्षहरुले बताएका छन् ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

यस्तो रहेको छ आजको तपाईको भाग्य

यस्तो रहेको छ आजको तपाईको भाग्य

वि.सं.२०७६ साल वैशाख १२ गते । बिहीबार । ईश्वी सन् २०१९ अप्रिल २५ तारिख । नेपाल संवत् ११३९ । परिधावी संवत्सर । उत्तरायण । वसन्त ऋतु । श्रीशाके १९४० । वैशाख कृष्ण पक्ष । तिथि षष्ठी ,२३ घडी २३ पला, दिउसो ०२ बजेर ५४ मिनेट उप्रान्त सप्तमी । नक्षत्र पूर्वाषाढा, ४२ घडी ४४ पला, बेलुकी १० बजेर ३८ मिनेट उप्रान्त उत्तरषाडा । योग सिद्ध, ५३ घडी २१ पला, रातको ०२ बजेर ५३ मिनेट उप्रान्त साध्य ।