असोज १४ र १५ गते जपानमा अन्तर्राष्ट्रिय नेपाली हाइकु सम्मेलन

काठमाडौं । अन्तर्राष्ट्रिय नेपाली हाइकु सम्मेलन असोज १४ र १५ मा जापानको टोकियोमा हुने भएको छ । १५ वर्षअघि नेपालमा सुरु भएको उक्त सम्मेलन हाइकुको जन्मथलो जापानमा गर्ने निर्णय भएको नेपाल हाइकु केन्द्रका अध्यक्ष रामकुमार पाँडेले जानकारी दिएका छन् । 

 

सम्मेलनलाई अन्तर्राष्ट्रिय नेपाली साहित्य समाज जापान च्याप्टरले संयोजन गरेको छ । सम्मेलनमा जापानका चर्चित हाइकु कविहरुले पनि नेपाली कविलाई साथ दिनेछन् । 

 

शिनओकुबो स्थित नेपाली मुरा हल (सोलमारी) मा हुने कार्यक्रमको सम्पूर्ण तयारी भइसकेको अन्तर्राष्ट्रिय साहित्य समाजका बरिष्ठ उपाध्यक्ष एवं हाइजिन प्रकाश पौडेल  ‘माइला’ले जनाएका छन् । 

 

‘कायक्रमको सम्पूर्ण तयारी भइसकेको छ । नेपालसहित विभिन्न मुलुकका हाइकु लेखकलाई हामीले निम्त्याइसकेका छौं । त्यसमध्ये कतिपय जापान आइपुग्नु भएको छ ।’ संयोजक पौडेलले भने, ‘हाइकुको जन्मस्थल भएका नाताले यसपटकको सम्मेलन जापानमा गर्ने योजना बनेको हो । नेपाली हाइकु लेखकलाई जापानी हाइकु लेखकसँग अनुभव आदान प्रदान गर्न पनि सम्मेलन जापानमा गर्न लागिएको हो ।’ 

 

कार्यक्रम नेपाल हाइकु केन्द्र र अन्तर्रा्ष्ट्रिय नेपाल साहित्य समाजको संयुक्त ब्यानरमा हुनेछ । कार्यक्रमको तयारीको लागि प्रकाश पौडेल ’माइला’ संयोजक र दीप पाठक सहसंयोजक रहेको मुल आयोजक समिति गठन गरिएको छ । 

 

जापानका चर्चित हाइजिन एवं कविहरुको उपस्थिति हुने भएकाले कार्यक्रम सफल पार्न झन्डै एक दर्जन उप समितिहरु गठन गरेर तयारी गरिएको अनेसास जापानका अध्यक्ष समेत रहेका दीप पाठकले बताए । 

 

‘जापानी हाइजिनहरुलाई नेपाली साहित्यकारको क्रियाशिलता र सक्रियता देखाउन पनि हामीले मेहेनत गरिरहेका छौं ।’ अन्तर्राष्ट्रिय साहित्य समाज जापानका अध्यक्ष दीप पाठकले भने, ‘यसले हामीलाई कार्यक्रम सिर्जनशिल बनाउन सहयोग गरेको छ ।’

 

पछिल्लो समय नेपालमा हाइकु साहित्य फस्टाउँदो रुपमा छ । नेपाल हाइकु केन्द्रको नेतृत्त्व प्रा. रामकुमार पाँडेले गरेका छन् भने हाइकुको जन्मथलो जापानमा बसेर प्रकाश पौडेल ’माइला’ ले अबिछिन्न काम गरी रहेका छन् । 

 

जापान सम्मेलनको क्रममा झन्डै एक दर्जन नेपाली हाइकु कृतिको बिमोचन गरिनेछ भने रामकुमार पाँडे र प्रकाश पौडेल ’माइला’ ले अनुसन्धान मुलक कार्यपत्र प्रस्तुत गर्नेछन् । कार्यक्रमको मुख्य आकर्षणको रुपमा प्रसिद्द जापानी हाइकु कविहरुको सहभागिता हुनेछ ।

 

‘नेपाली र जापानी कविहरु बिचको सहकार्य शुरुवात भइसकेको छ । अनेसास जापानका संस्थापक अध्यक्ष डा. कुमार बस्नेतले भन्छन्, ‘सम्मेलनले जापान–नेपाल साहित्यको वृद्धिमा ठूलो योगदान दिने देखिएको छ ।’

 

सम्मेलनमा सहभागिता जनाउन नेपालबाट रामकुमार पाँडेको संयोजनमा अश्बिनी कोइराला, प्रभा बराल, बिजयराज आचार्य, शिरोमणि दवाडी र किरण पौडेल जापान पुगेका छन् भने बेलायतबाट कृष्ण बजगार्इंको उपस्थिति हुनेछ । 

 

कार्यक्रममा जापानमा बसोबास गरेर साहित्य सिर्जना गरिरहेका सयौं लेखक–कविहरुको उपस्थिति हुने जनाइएको छ । बेलायत नेपाल र जापानमा बसोवास गर्ने लेखक–कविलाई कार्यक्रममा निम्त्याउन प्रकाश पौडेलले संयोजनको भूमिका निभाएका छन् । 

 

१३ वर्षदेखि जापानमा व्यवसाय गरिरहेका प्रकाश पौडेल नेपाली हाइकुका विकासकर्ता एवंम् खोजकर्ता मानिन्छन् । उनी जापानी हाइनिज समूहमा प्रवेश पाउने पहिलो नेपाली कवी समेत हुन् । पौडेलको नेतृत्वमा नेपाली हाइकु म्यागेजिन तथा अनलाइन सामग्री नियमित प्रकाशन हुँदै आएको छ । 

 

गैरआवासीय नेपाली संघको साहित्य फाँटका सदस्य समेत रहेका पौडेल अर्को संस्था अन्तर्राष्ट्रिय नेपाली साहित्य समाजमा प्रारम्भदेखि नै सक्रिय छन् । गएको महिना भएको अन्तर्राष्ट्रिय नेपाली साहित्य समाजको बरिष्ठ उपाध्यक्षमा उनी निर्विरोध निर्वा्चित भएका थिए ।

 

अन्तर्राष्ट्रिय  नेपाली साहित्य समाजमा विश्वभर छरिएर रहेको साहित्यिक संस्था हो ।


थप समाचार

सरकारविरूद्ध आन्दाेलन गर्नुपर्ने बेला आयाे : सभापति देउवा

  • 54 seconds ago
सरकारविरूद्ध आन्दाेलन गर्नुपर्ने बेला आयाे : सभापति देउवा

काठमाडौँ । नेपाली काङ्ग्रेसका सभापति शेरबहादुर देउवाले सरकारले जनताको हितमा काम गर्न नसकेको बताएका छन् । नेपाल विद्यार्थी सङ्घको ४९औँ स्थापना दिवसका अवसरमा नेविसङ्घ काठमाडौँले आयोजना गरेको ‘शु

भारतीय काँग्रेस पार्टीलाई अर्को झट्का, प्रियंकाले दिइन् राजीनामा

  • 9 minutes ago
भारतीय काँग्रेस पार्टीलाई अर्को झट्का, प्रियंकाले दिइन् राजीनामा

एजेन्सी । भारतीय काँग्रेस पार्टीकी प्रवक्ता प्रियंका चतुरवेदीले काँग्रेस पार्टी छोडेको घोषणा गरेकी छिन् । पार्टीभित्र कडा परिश्रम गर्ने कार्यकर्ताको मुल्यांकन पार्टीले नै नगरेपछि पार्टीमा बस्नु औचित्य

माल्दिभ्स घुम्न किन जान्छन् पर्यटकहरु ?

  • 19 minutes ago
माल्दिभ्स घुम्न किन जान्छन् पर्यटकहरु ?

एजेन्सी । माल्दिभ्स अन्तराष्ट्रिय पर्यटकहरुको एउटा प्रमुख गन्तव्य हो । वार्षिक लाखौँ पर्यटकहरु यो देशको भ्रमण गर्न आउँछन् ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

माल्दिभ्स घुम्न किन जान्छन् पर्यटकहरु ?

माल्दिभ्स घुम्न किन जान्छन् पर्यटकहरु ?

एजेन्सी । माल्दिभ्स अन्तराष्ट्रिय पर्यटकहरुको एउटा प्रमुख गन्तव्य हो । वार्षिक लाखौँ पर्यटकहरु यो देशको भ्रमण गर्न आउँछन् ।

विचित्र विश्व

वाइन कण्डमबारे थाहा पाउनु भएको छ ?

वाइन कण्डमबारे थाहा पाउनु भएको छ ?

एजेन्सी । कण्डम भन्ने वित्तिकै झट्ट याद आउने विष हो– सेक्स । कण्डमलाई परिवार नियोजनको भरपर्दो साधनको रुपमा अथ्र्याइन्छ । तर, अब शारीरिक सम्पर्कका बेला मात्रै होइन पेय पदार्थ वियरको सुरक्षाको लागि पनि कण्डम प्रयोग हुन थालेको छ ।