मोरक्कोमा शक्तिशाली भुकम्पः ६३२ जनाको मृत्यु, ३२९ जना घाइते (अपडेट)

एजेन्सी । उत्तर अफ्रिकी देश मोरक्कोमा भूकम्पले ठूलो जनधनको क्षति गरेको छ । शक्तिशाली भूकम्पका कारण धेरै भवनहरू ध्वस्त भएका छन्।

युनाइटेड स्टेट्स जियोलोजिकल सर्भेका अनुसार उत्तर अफ्रिकामा विगत १२० वर्षमा आएको यो सबैभन्दा शक्तिशाली भूकम्प मानिन्छ।

रिक्टर स्केलमा यसको तीव्रता ६.८ मापन गरिएको छ । भूकम्पले पुर्याएको क्षतिका धेरै तस्विर र भिडियो सामाजिक सञ्जालमा भाइरल भइरहेका छन् ।

मोरक्कोको माराकेश सहरमा भएको विनाशले स्थानीय जनताको मनमा त्रास पैदा गरेको छ । समाचार एजेन्सी एफपीका अनुसार भूकम्पका कारण हालसम्म ६३२ जनाको मृत्यु भएको छ भने ३२९ जना घाइते भएका छन् । धेरै मानिस अझै बेपत्ता रहेको बताइएको छ ।