स्वास्थ्य प्रतिवेदन: १% स्वास्थ्य संस्थामा मात्र निःशुल्क औषधि

  • मंगलबार, १८ माघ, २०७३
  • 3 weeks ago
  • Today Newspaper

काठमाण्डाै, माघ १८ ।  सरकारले हाल ७० प्रकारका निःशुल्क औषधि उपलब्ध गराउँदै आएको छ । देशका नौ सय ८० स्वास्थ्य संस्थामा अनुगमन गर्दा १८ प्रकारका निःशुल्क औषधि एक प्रतिशत मात्रै रहेको पाइएको छ । नेपाल सरकार र विभिन्न दातृनिकायको सहभागितामा दुई वर्ष लगाएर गरेको अध्ययन–अनुसन्धानले देशभरिका ९९ प्रतिशत स्वास्थ्य संस्थामा १८ प्रकारका निःशुल्क औषधि नपाएको देखिएको हो । नेपाल सरकारले विभिन्न दाताको सहयोगमा पहिलोपटक स्वास्थ्य संस्थाको अध्ययन–अनुगमन गरेको थियो ।

अत्यधिक मात्रामा आवश्यक पर्ने १८ प्रकारका औषधिमा केन्द्रित भएर अनुसन्धान गरिएको तथ्यांक विभागका निर्देशक मुक्तिराम खनालले जानकारी दिए । तत्कालीन स्वास्थ्यमन्त्री खगराज अधिकारीले हेल्थ पोस्टमा ३८ प्रकारका, प्राथमिक स्वास्थ्य केन्द्रमा ५५ वटा र जिल्ला अस्पतालमा ७० प्रकारका औषधि निःशुल्क दिने भनेर घोषणा गरेका थिए ।

मन्त्रालयले सोमबार स्वास्थ्य संस्था सर्वेक्षण २०१५ मा गरेको प्रतिवेदन सार्वजनिक गर्दै स्वास्थ्य क्षेत्र थप जटिल र चुनौतीको घेरामा रहेको जनाएको छ । अनुगमन गरिएका नौ सय ८० स्वास्थ्य संस्थामध्ये अधिकांशमा कुनै न कुनै निःशुल्क औषधिको अभाव रहेको देखिएको छ । ‘पूर्ण रूपमा एक प्रतिशत मात्रै स्वास्थ्य संस्थामा निःशुल्क औषधि पाइयो । यो स्वास्थ्य क्षेत्रको अति नै दयनीय अवस्था हो । यसले सबैलाई चुनौती थपेको छ,’ खनालले भने । सरकारले बाल स्वास्थ्य, परिवार नियोजन, मातृ स्वास्थ्यः प्रसूति तथा नवजात शिशु स्याहार, एचआइभी एड्स, औलो, नसर्ने रोगहरू, क्षयरोगबारे अध्ययन–अनुगमन गरेर प्रतिवेदन तयार पारेको छ । संक्रमण भएको अवस्थामा त्यसलाई नियन्त्रण गर्ने सबै व्यवस्था भएका स्वास्थ्य संस्थाहरूको समेत अभाव देखिएको निर्देशक खनालले बताए । ‘अध्ययन–अनुगमन गरेका स्वास्थ्य संस्थामध्ये सबै उपकरण भएका संस्था एक प्रतिशत मात्रै देखियो,’ उनले भने ।

 


Loading...

Your Comment


भिडियो


Related Post

स्वास्थ्य संस्थामा औषधि नहुँदा विरामी मर्कामा

  • 1 month ago
स्वास्थ्य संस्थामा औषधि नहुँदा विरामी मर्कामा

कञ्चनपुर । औषधि आपूर्तिमा ढिलाइ हुँदा कञ्चनपुरका स्वास्थ्य चौकी र अस्पतालमा औषधिको चरम अभाव भएको छ । स्वास्थ्य संस्थामा निःशुल्क उपलब्ध हुने औषधिको दुई महिनादेखि अभाव भएको हो ।

स्वदेशी औषधि उत्पादकले बोलपत्र हालेनन्

  • 4 months ago
स्वदेशी औषधि उत्पादकले बोलपत्र हालेनन्

काठमाडौँ । स्वास्थ्य मन्त्रालयले निःशुल्क औषधि वितरणका लागि आह्वान गरेको बोलपत्रमा स्वदेशी औषधि उत्पादक कम्पनीले बोलपत्र हालेनन् ।

५१ जिल्लाले किने औषधि

  • 3 months ago
५१ जिल्लाले किने औषधि

काठमाडौँ । बिहीबारसम्म देशका ५१ जिल्ला जनस्वास्थ्य कार्यालयले चालु आर्थिक वर्षका लागि औषधि खरिद गरिसकेका छन् ।  

hamropatro

जीवनशैली

कतै दुधसँग यस्ता खानेकुरा खाइरहनु भएको त छैन ?

कतै दुधसँग यस्ता खानेकुरा खाइरहनु भएको त छैन ?

दुध पिउनु शरिरको लागि अत्यन्त फाइदाजनक हो । यसमा क्यालसियम, पोटाशियम, भिटामिन डी र फोसफोरस जस्ता पोषण तत्वहरु भरपुर पाइन्छ । यी तत्वहरुले शरिरको आवश्यकता पुर्ति गर्ने काम गर्छन् । मानिसहरु दुधसँगै अन्य आहारहरु पनि सँगै लिने गर्छन् ।

विचित्र विश्व

दुवईमा बन्दैछ यस्तो गगनचुम्बी भवन, जसका हरेक अपार्टमेन्टहरु घुमाउन सकिन्छ

दुवईमा बन्दैछ यस्तो गगनचुम्बी भवन, जसका हरेक अपार्टमेन्टहरु घुमाउन सकिन्छ

दुवईमा गगनचुम्बी भवनहरु च्याउ उम्रिएजस्तै गरि बन्न थालेका छन् र अझै ती भवनहरु नौला नौला विशेषताले भरिपुर्ण छन् । यसैको पछिल्लो उदाहरणको रुपमा डाइनामिक टावर होटल बन्दैछ जुन विश्वकै पहिलो घुम्ने गगनचुम्बी भवन हुनेछ ।