नाइजेरियाली महिलाहरु परिवार नियोजनप्रति आकर्षित

मोडुपे आडेगबिटेका हजुरबाबुका २२ सन्तान थिए । उनका बुबाका ९ जना मात्र सन्तान जन्मिए । उन्नाइस वर्षीया मोडुपेले भने चार जनाभन्दा बढी सन्तान नजन्माउने निर्णय गरेकी छिन् । 

 

“खुवाउन सकिन्न भने किन त्यतिविधि बच्चा जन्माउनु रु” उनले भनिन् । 

 

अफ्रिकाको सर्वाधिक जनसंख्या रहेको नाइजेरियाका धेरै युवाले यही प्रश्न सोध्न थालेका छन् । गरिबी, उच्च बेरोजगारी र जातीय द्वन्द्वको चपेटामा रुमलिएको नाइजेरियामा उच्च जनसंख्या बृद्धिले जनसांख्यिक विस्फोटको रुप लिँदैछ । 

 

राष्ट्रसङ्घको विश्व जनसांख्यिक स्थिति प्रतिवेदन अनुसार, नाइजेरियाको अहिलेको जनसंख्या १९ करोड छ र सन् २०५० भित्र यो ४१ करोड पुग्ने अनुमान गरिएको छ । यस शताब्दीको अन्त्यसम्ममा नाइजेरियाको जनसंख्या दोब्बर हुनेछ । 

 

यसको अर्थ केबल ३० वर्षभित्रै नाइजेरिया विश्वकै तेस्रो बढी जनसंख्या भएको मुलुक हुनेछ । बढी जनसंख्या भएका पहिलो र दोस्रो स्थानमा रहेका मुलुकहरुमा चीन र भारत हुन् । 

 

अडेगबिटेजस्ता युवा महिला नाइजेरियाको आर्थिक राजधानी लेगोस नजिकै बाडा भन्ने स्थानमा गरिबी चरम सीमामा छ । उनलाई यौन शिक्षा र परिवार नियोजनका सेवा प्राप्त गर्न पनि कठिन छ । 

 

बाडामा विद्युत सेवा र कालोपत्र गरिएको सडक सुविधा छैन, तर यहाँ गत वर्षदेखि परिवार नियोजन सेवा केन्द्र खुलेको छ । 

 

परिवार नियोजनका साधन कन्डम, गर्भनिरोधक चक्की र महिलाले लगाउने अन्य साधनहरु यहाँ निःशुल्क वितरण गर्न थालिएको छ । यो केन्द्र अमेरिकी गैर सरकारी संस्था पपुलेसन सर्भिसेज इन्टरनेसनलले सञ्चालन गरिरहेको छ । 

 

“यहाँका अधिकांश किशोरीहरु १५ वर्षकै उमेरमा, र कहिलेकाहिँ १४ वर्षकै उमेरमा, यौन सक्रिय हुने गरेको पाइएको छ,” केन्द्रकी नाओमी अलिले बताइन् । 

 

“जुनसुकै धर्म मानुन्, उनीहरुको यौन जीवन चाँडै शुरु भएको देखिन्छ । त्यसर्थ, उनीहरु सानै उमेरमा गर्भवती हुन्छन्, र स्कुल पनि जान छाड्छन् ।” 

 

यो ठाउँका किशोरी र अरु महिलाहरुले शुरुमा निकै शंका देखाए, तर अलिको भनाइमा यौनिकता र सम्बन्धहरुका बारेमा उनीहरु सार्वजनिक स्थलमा पनि खुलेर कुरा गर्न थालेका छन् । 

 

“यो निकै कठिन हुन्छ, कहिलेकाहिँ उनीहरु परिवार नियोजनका साधन प्रयोग गर्दा आफूहरु बाँझोपनको शिकार हुने त होइन भनी जिज्ञासा पनि राख्छन् । कहिलेकाहिँ त अभिभावकहरुले नै यस्तो गर्नु हुँदैन भनी अस्वीकार गरिदिन्छन्,” उनले बताइन् । 

 

नाइजेरियाका महिलाहरुले आजभोलि सरदर ५।५३ बच्चा जन्माइरहेका छन्, विश्व बैंकको भनाइ छ । तर, जन्मदर प्रमुख सहरहरु जस्तै लेगोस र ग्रामीण क्षेत्रबीच ठूलो अन्तर छ । ग्रामीण क्षेत्रमा हरेक महिलाले आठ जनासम्म बच्चा जन्माउने गरेको पाइएको छ । 

 

पश्चिम अफ्रिकाका लागि राष्ट्रसंघीय जनसंख्या कोषका क्षेत्रीय निर्देशक माबिन्गु एन्गोमले उत्तरी नाइजेरियामा सबैभन्दा बढी जन्मदर रहेको बताए । “हामीले केही नगर्ने हो भने हामीले ठूलै समस्याको सामना गर्नु पर्नेछ ।” 

 

उनले भने, “हरेक वर्ष रोजगारीको खोजीमा रहने दुई करोड युवामध्ये २० देखि ३० लाखले मात्र रोजगारी पाउँछन् । यसले द्वन्द्व र आतङ्कवादलाई नै प्रश्रय दिन्छ ।” 

 

बेरोजगारीकै कारण उत्तरी नाइजेरियाबाट बोको हराम इस्लामिक छापामार युद्ध पन्पिएको उदाहरण दिँदै उनले भने, “यसको असर छिमेकी नाइजरमा पनि परेको छ । यो ठाउँमा विश्वकै सबैभन्दा उच्च जन्मदर रहेको छ ।” 

 

ठूलो जनसंख्या भएपनि नाइजेरियाको भूगोल त्यति ठूलो छैन । अमेरिकाभन्दा दश गुणा सानो नाइजेरियाको क्षेत्रफल ९ लाख २३ हजार वर्ग किलोमिटर मात्र छ । 

 

तुलनात्मक रुपमा मलिलो पश्चिम अफ्रिकी मुलुक नाइजेरियामा किसान र पशुपालक समुदायबीच जमिन र पानीका विषयमा हिंसात्मक झडप दिनहुँ हुने गरेको छ । गत वर्ष मात्र दशौं हजार नागरिकको यस्तै विषयमा भएका भिडन्तमा परेर मृत्यु भएको थियो । 

 

थोरै सन्तान जन्माउन परिवारहरुलाई प्रोत्साहित गर्न सरकारी स्रोतसाधन पनि यहाँ अपर्याप्त छ । सामाजिक सुरक्षाको भरपर्दो व्यवस्था नभएका कारण पनि बढी सन्तान जन्माउन मानिसहरु अग्रसर भएका पाइन्छन् । 

 

बढी बालबच्चा जन्माए उनीहरु बुढेसकालको सहारा हुने धारणा आमजनतामा गहिरोसँग जोडिएको छ । तर, केहीको विश्लेषणमा ठूलो जनसंख्या पनि मुलुकका लागि अवसर हुने गर्दछ, किनभने विदेशी लगानीकर्ताहरु पनि तीव्र रुपमा विस्तार भइरहेको बजारमाथि नै आँखा लगाएर बसेका हुन्छन् । 

 

रिनेसाँ क्यापिटलका प्रमुख अर्थशास्त्री चाल्र्स रबर्ट्सनले नाइजेरियाका लागि आगामी २० वर्षसम्म जनसंख्या पनि ठूलै फाइदाजनक हुने बताए । नाइजेरियाले व्यापक रुपमा वयस्क शिक्षामा जोड दिन र विद्युत आपूर्तिलाई प्राथमिकतामा राख्नुपर्ने उनले बताए । 

 

नाइजेरियाका उपराष्ट्रपति येमी ओसिनबाजोले बढ्दो जनसंख्यालाई भरथेग गर्न आर्थिक विकासको विकल्प नरहेको बताउँदै रोजगारी र आर्थिक अवसर प्रदान गर्न, शिक्षा र स्वास्थ्य सेवा उपलब्ध गराउन तथा आशा र विश्वास निर्माण गर्न आवश्यक रहेको बताए । 


थप समाचार

मिडल्याण्डमा एनआरएन यूकेको भोइस अफ नेपाल च्यारिटी कन्सर्टमा व्यापक सहभागिता

  • 9 hours ago
मिडल्याण्डमा एनआरएन यूकेको भोइस अफ नेपाल च्यारिटी कन्सर्टमा व्यापक सहभागिता

भोइस अफ नेपालका विजेतासहितका ७ प्रतियोगीहरुले प्रस्तुति गरेको उक्त कार्यक्रममा झण्डै ६ सय स्थानीय नेपालीहरु सहभागी भएको एनआरएन यूके उपाध्यक्ष एवम् च्यारिटी विभाग संयोजक प्रेम गाहा मगरले जनाएका छन् ।

मुस्लिम आयोगका प्रस्तावित अध्यक्षकाे कागजात संसदीय समितिले अध्ययन गर्ने

  • 10 hours ago
मुस्लिम आयोगका प्रस्तावित अध्यक्षकाे कागजात संसदीय समितिले अध्ययन गर्ने

काठमाडौँ । सङ्घीय संसद्को संसदीय सुनुवाइ समितिले मुस्लिम आयोगका प्रस्तावित अध्यक्ष समिम अन्सारीको कागजात अध्ययन गर्ने निर्णय गरेको छ । समितिको सिंहदरबारमा बसेको बैठकले अन्सारीमाथि परेको उजुरीक

'नयाँ ढंगले अघि नबढे काँग्रेसकाे अस्तित्व संकटमा'

  • 10 hours ago
'नयाँ ढंगले अघि नबढे काँग्रेसकाे अस्तित्व संकटमा'

काठमाडौँ । नेपाली काङ्ग्रेसलाई नयाँ ढङ्गले अगाडि लैजान नसके पार्टीको अस्तित्व नै खतरामा पर्नसक्ने काङ्ग्रेस नेता एवं बुद्धिजीवीहरुले बताएका छन् । ६८औँ प्रजातन्त्र दिवसका अवसरमा आयोजना गरिएको ‘



प्रेम र यौन

के हो राम्रो सेक्स ?

के हो राम्रो सेक्स ?

पुरुषहरु बढी सेक्सको बारेमा धेरै कुरा गर्छन् तर, महिलाहरु भने भित्रभित्रै धेरै सेक्सको चाहना धेरै राख्छन् । राम्रो सेक्स धेरै मानिसहरुका लागि अपरिहार्य कुरा हो । भोक लाग्दा खाना खाए जस्तै शरिरले मागेको बेलामा सेक्स गर्नु पनि साधारण कुरा हो । आजकाल धेरैजसो महिलाको आफ्नो पुरुषले शारिरिक सन्तुष्टि प्रदान गर्न नसकेको कुराहरु धेरै सुन्न पाइन्छ ।

जीवनशैली/स्वास्थ्य

आफ्नो घरमा आउन नदिनुहोस् यस्ता चिज, जसले निम्त्याउँछ संकट र खतरा

आफ्नो घरमा आउन नदिनुहोस् यस्ता चिज, जसले निम्त्याउँछ संकट र खतरा

एजेन्सी । हिन्दु धर्ममा वास्तु शास्त्रलाई निकै मान्यता दिने गरिन्छ । तर पनि कहिले काहिँ हामी आफ्नो घरमा भइरहेका कति चीजहरुलाई वेवास्ता गरिरहेका हुन्छौ जसले तपाईलाई अन्त्यमा समस्यामा पार्न सक्छ ।