समयमा अपराधी पत्ता लगाउन नसक्दा उग्र बन्दै कञ्चनपुरकाे अान्दाेलन

  • बिहीबार, ७ भदौ, २०७५
  • 4 months ago
  • नेपाल

कञ्चनपुर । प्रहरीले समयमै अपराधी पत्ता लगाउन नसक्दा निर्मला पन्त हत्या प्रकरणलाई लिएर कञ्चनपुरमा भइरहेको प्रदर्शन उग्र बन्दै गइरहेको छ ।

 

बलात्कार पश्चात् हत्या गरिएकी भीमदत्त नगरपालिका–२ की १३ वर्षीया निर्मला पन्तको हत्यारा पहिचान हुन नसक्दा कञ्चनपुरका स्थानीयले गरेको आन्दोलन उग्र बन्दै गएको हो ।

 

पन्तको हत्या भएको २५ दिनपछि प्रहरीले मानसिक सन्तुलन गुमाएका व्यक्तिलाई अभियुक्त बनाएर सार्वजनिक गरेपछि निर्मला हत्याकाण्ड थप उग्र बन्दै गएको छ ।

 

स्थानीयले पुर्वपश्चिम महेन्द्रराजमार्ग महेन्द्रनगरदेखि कृष्णपुरसम्मको सडकका ठाउँ–ठाउँमा टायर बालेर प्रदर्शन गरेका छन् ।

 

१० वर्ष अघि आफ्नै भिनाजुको हत्या गरेर मानसिक सन्तुलन गुमाएका भीमदत्त नगरपालिका–१९, वागफाँटाका ४१ वर्षीय दिलिप सिंह विष्ट अभियुक्त नभएको भन्दै मंगलबारदेखि स्थानीय आन्दोलनमा उत्रिएका हुन् ।

 

प्रदर्शन सुरु भएयता प्रहरीले ६४ राउण्ड अश्रुग्याँस प्रयोग गरेको छ भने सातजनालाई नियन्त्रणमा लिएको छ । बुधबारको प्रदर्शनमा आन्दोलनकारीहरू निर्मलाकी साथी रोशनी बमको घरमा केन्द्रित भएका थिए । 

 

बम दिदीबहिनीले घटना लुकाउन खोजेको भन्दै उनीहरुले बम घरको मुल गेटमा टायर बालेर आन्दोलन गरेका थिए । हजारौँको संख्यामा बम निवास पुगेका प्रर्दशनकारीलाई नियन्त्रणमा लिन प्रहरीले दुई घण्टा समय लगाएको थियो ।

 

त्यस्तै आन्दोलनकारीको मागअनुसार गृह मन्त्रालयले कञ्चनपुरका प्रहरी प्रमुख दिल्लीराज विष्टलाई तानेर बिक्रम चन्दलाई पठाएको छ । एसएसपी चन्दले बिहीबारदेखि जिल्ला प्रहरी कार्यालय कञ्चनपुरको नेतृत्व सम्हाल्ने भएका छन् ।


थप समाचार

बेक्स्ली नेपाली कम्युनिटीले पहिलोपटक मनायो ल्होछार

  • 5 hours ago
बेक्स्ली नेपाली कम्युनिटीले पहिलोपटक मनायो ल्होछार

बेक्स्ली, केन्ट । बेक्स्ली नेपाली कम्युनिटी यूकेले यस वर्ष पहिलोपटक एक कार्यक्रमसहित ल्होछार मनाएको छ ।

उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

  • 10 hours ago
उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

काठमाडौँ । सरकारले काठमाडौँ उपत्यकाका अत्यावश्यक क्षेत्रमा ट्राफिक लाइट राख्ने प्रक्रिया अगाडि बढाएको छ ।

काङ्ग्रेसले डा केसीलाई बोकेर मात्र हुँदैन: भट्टराई

  • 10 hours ago
काङ्ग्रेसले डा केसीलाई बोकेर मात्र हुँदैन: भट्टराई

बनियानी । नेपाल कम्युनिष्ट पार्टी -नेकपा-का नेता एवं संसद्को शिक्षा तथा स्वास्थ्य समितिका सदस्य योगेश भट्टराईले सरकारले अनशनरत डा गोविन्द केसीको जीवन रक्षा गर्ने बताएका छन् ।



जीवनशैली/स्वास्थ्य

आँखामा यौन रोगको ओखती !

आँखामा यौन रोगको ओखती !

काठमाडौं । पुरुषको लिङ्ग उत्तेजित नहुने समस्या (इरेक्टाइल डिफङ्शन) को उपचारमा प्रयोग गरिने क्रिम हो, ‘भिटारोस’ । अनि आँखा सुख्खा हुन्दा प्रयोग गरिने मलम हो ‘भिटा-पोस’ ।