व्यस्त जीन्दगी, अस्तव्यस्त सम्बन्ध !

म आजकल ट्रेनमा निकै कम यात्रा गर्ने हुनाले जयन्तीलाई टाउन हलमा ९ बजे पुग्ने गरी ट्रेनको स्केज्यूल हेरिदेऊँ भनेर उठ्ने बित्तिकै सम्झाएको थिए । एक्स्प्रेस ट्रेन आठ सातमा र आठ बाइसमा छ भन्ने कुरा थाहा पाएपछि मैले आठ सातमा जाने निर्णय गरेँ । डिमेन्सिया इन्टरनेसनल कन्फेरेन्स २०१८ को आज पहिलो दिन थियो । सिड्नीको हिल्टन होटेलभित्र हुन गइरहेको कन्फेरेन्सको ओपनिङ स्पिच आठ पचासमै शुरु हुने भएकाले मलाई आठ बाइसको ट्रेनले समयमा पुर्याउँदैन थियो । यो स्केज्यूलको गणितलाई क्याल्कुलेट गर्दा गर्दै घडी हेरेँ । सात पैँतालिस भैसकेछ । जयन्तीले जाडोमा मेरै लागि बनाएको टोस्ट पनि नटोकिकनै निस्किए ।

 

स्टेशनको नजिकैको स्ट्रिटमा गाडी पार्क गर्दा नै आठ पाँच भइसकेको थियो । त्यसपछि म सँग दुई मिनेट बाँकी थियो । यति छोटो समयमा एउटा ट्राफिक लाइट काटेर, ओपल कार्ड ट्याप गरेर, एउटा भर्याङ चढेर, एउटा भर्याङ ओर्लेर मकार्थर हाइटबाट आएको पुरानो सिड्नीको पुरानै ट्रेनमा छिरेपछि थाहा पाए । म दौडिँदा मेरो श्वास झन् तिब्र गतिमा दौडिएको छ । ट्रेनका भुँइतलामा तीन जना अटाउने सिटको बीचमा एउटा सिट खाली थियो । त्यही बसेँ । म बिसाए पनि मेरो श्वास बिसाउन सकेन । केही बेरसम्म । श्वास छिटो–छिटो दौडिरह्यो । ट्रेनसँगै । 

 

‘तिम्रो बारेमा पनि मैले धेरै कुरा सुनेकी छु, तर आफ्नै आँखाले नदेखिन्जेलसम्म म पत्याउन्न । म त यस्तो मान्छे हो कि मैले आफ्नै भिषा लाउँदा पनि हातमा पेपर नभएसम्म आमालाई पनि भनेकी थिइन । तिमी भने अरुका कुरा सुन्छौ ।’ 

 

मैले म बसेको डिब्बामा वरपर को छ भन्ने थाहा पाउँदा÷नपाउँदै मेरो कान खोज्दै एउटा नारी स्वर आइपुग्यो । म सबैभन्दा अगाडि बसेकाले पछाडि फर्किन उचित ठानिन । यति त थाहा थियो कि ट्रेनमा भीड थियो । यस्तो एकसरो टिप्पणी सुनिसकेपछि एकैछिन संवाद रोकियो । 

 

‘मैले चाहेको भए फेसबुकमा डिलिट गर्न सक्थेँ । मैले तिमीलाई उ स्कुलको साथी हो भनेर भनिसकेको थिएँ ।’

 

अघिको संवादको पंक्ति र अहिलेको पंक्ति एउटै स्वरमा आएको र बीचमा केहीबेरको मौनता भएकाले यो ट्रेनभित्रै बसेका दुईजनाको संवाद नभएर फोन संवाद हो भनेर छुट्याउन मलाई गार्हो भएन । म अझैं पछाडि फर्किन् । तर मेरो अगाडि बसेर आफ्ना घुँडाहरू मै तिर तेर्साएर बसेका तीन जना लोग्ने मान्छेहरू मध्ये बीचको चाइनिज मुलको जस्तो देखिने प्यासेन्जरले पछाडिपट्टि हेरेर अफ्ठ्यारो मानेझैँ गर्दै थियो ।  

 

‘तिमी सिरक बोकेर जाँदाखेरि पनि मैले चाहिँ मैले केही बोलिन । तिमीलाई जाडो भयो भनेर, तिमी सुतेपछि झन् अर्को सिरक पनि खापीदिएँ । म चाहिँ त्यस्तो खालको केटी हो । सानो कुरालाई लिएर किचकिच गर्ने केटी होइन !’

 

तेस्रो प्रतिक्रियाका रुपमा यस्तो अभिव्यक्ति सुन्दै गर्दा म भित्र एक किसिमको कौतुहलता उत्पन्न भइरहेको थियो । सोचे सायद लोग्नेसँग कुरा गर्दैछे । पार्टनर मात्रै पनि हुनसक्छ । वा ब्वाइफ्रेन्ड मात्र पनि हुनसक्छ ।  तर यति त निधो थियो कि उनीहरू सँगै बस्छन् । आजकल सायद सँगै सुत्दैनन् ।  

 

‘उ सँग मै बोल्या हो । स्कुलको साथी हो । बोलेर के भो र ?’ 

 

यो वाक्यले यो पनि संकेत गर्यो कि, केटा र केटी बीच थर्ड पर्सनको प्रभाव पनि छ । यो तेस्रो व्यक्ति आउनु संयोग नहुन पनि सक्छ । र, हुन पनि सक्छ । म भित्रको मानविय प्रकृतिले अनावश्यक रुपमा ट्रेनभित्रको यो संवादलाई इन्टरप्रेट गरिरहेको थियो । 

 

‘तिमीले मलाई गरेका छौ, तर यो भनि राख्नुपर्दैन । यो त मैले फिल गर्ने कुरा हो । ठिकै छ म ट्रेनमा छु पछि कुरा गर्छु ।’ 

 

म आफू ट्रेनमा चढिसकेपछि पनि आधा घण्टाभन्दा बढी कुरा गरिसकेपछि बल्ल यिनीलाई थाहा भएछ कि उनी ट्रेनमा छिन् । र, ट्रेनमा उनी मात्र होइन हरेक सिटमा अटेसमटेस गरेर बसेका यो मल्टिकल्चरल देशका मल्टिकल्चरल नागरिकहरू पनि छन् । अचम्म त यो भयो कि उनले यति भन्दा पनि संवाद भने टुंगाइनन् । कुरा अगाडि बढिरह्यो । अनि, ट्रेन रोकियो । टाउन हल स्टेशनमा । 

 

यति नै बेला मेरो फोन पनि आयो । तर म बोलें भने उसले मलाई नेपाली रहेछ भन्ने थाहा पाएर अप्ठ्यारो मान्छे कि भनेर फोन रिसिभ गरिन । आठ पचासमा मेरो सेमिनार शुरु हुने हुनाले ट्रेनभित्र एउटै डिब्बामा मलाई रिभस्वीदेखि टाउन हलसम्म साथ दिएकी यी नेपाली केटीसँग मात्र अर्को स्टेशनसम्म पनि सँगै यात्रा गर्न म असमर्थ भएँ । 

 

झर्ने बेलामा उनको अनुहारसम्म हेर्न मन थियो । यद्यपि हेर्नैपर्ने कारण भने थिएन । हुन त सबै कुरा गर्नका लागि कारण कहाँ चाहिन्छ र ? म झरेँ र टाउन हाल स्टेशनबाट बाहिर निक्लिन जोर्ज स्ट्रिट एक्जिटतिर सोझिएँ । हिँड्दा–हिँड्दै लाग्यो यी जोडीहरू हुन् भने निकै व्यस्त जोडी हुन् । यस्ता संवेदनशील कुराहरूसंँगै बसेर गर्ने समय पनि निकाल्न नसक्ने जोडी । मनमनै लाग्यो यी जोडीहरू नजोडिने क्रममा छन् । एउटा काममा निस्किन्छ । एउटा घरमा पस्छ । हुनसक्छ यिनीहरूको सम्बन्धको प्रगाढता यही समयको अभावले धमिलिँदै गएको छ । 

 

यो व्यस्तता भन्ने कुरा डायस्पोरिक रुटिनमा असामान्य कुरा भने होइन । आफ्नै घरको श्रीमानले श्रीमतीसँग वा श्रीमतीले श्रीमानसँग दुई÷तीन दिनपछि आफ्नै घरमा भेटेर चिया खाँदै सञ्चो बिसञ्चोका कुरा गर्छन् । 

 

तर यिनीहरुको व्यस्ततामा माया नै अस्तव्यस्त भएझैँ सुनिन्छ । हुनसक्छ अरु कुराहरु पनि होलान् । हुनसक्छ सम्बन्धको परिपक्कतालाई नबुझिकन सम्बन्धको अभ्यास गरिरहेका छन् । हुन त, यो अभ्यास पछिल्ला सम्बन्धहरूका लागि शिक्षाप्रद पनि होला ।  यो सामान्य भइसकेको छ कि केटा केटीहरू दुई÷चार बर्ष बिहे नगरी सँगै बस्छन् र विभिन्न बहानामा छुट्टिएर अर्कैसँग बिहे गर्छन् । म यस्तै नानाभाँती सोच्दै घोरिएर हिँडिरहेको थिए । उलवर्थ अगाडि एकजना अष्ट्रेलियन जस्ती देखिने गोरी केटीसँग झुक्किएर ठोक्किएछु । मेरो दाहिने कुमसँग उनको दाहिने कुम ठोक्काउने म भित्र कुनै रहर थिएन । र, पनि उसले मेरो सरीको बदला आफ्नो सभ्यतालाई अभिव्यक्त गरि, ‘ह्वाट द फक’ ! 

 


थप समाचार

बेलायतमा मधेशी नेपालीले मनाए छठ

  • 11 hours ago
बेलायतमा मधेशी नेपालीले मनाए छठ

एशोसिएसन अफ नेप्लिज मधेशी इन यूके र युरोपियन मधेशी सोसाइटीले संयुक्त रुपमा लण्डनमा छठ मनाएका हुन् । शनिबार लण्डनको फेल्थाम कलेजमा आयोजित समारोहमा पूर्व प्रधानमन्त्री माधवकुमार नेपालको समेत उपस

बाबुले ल्याए नेपाली भाषी भुटानीहरूका जिवनको गित !

  • 12 hours ago
बाबुले ल्याए नेपाली भाषी भुटानीहरूका  जिवनको गित !

हाम्रो मनको पिडा ब्यथा,कस्ले बुझी देला” “जन्मेउ जहाँ त्यहाँ छैन बास फर्की जाने केही छैन आश “ भुटानमा जन्मीएर पनि नेपाली भाषा कला संकृती र साहित्यलाई अंगालेर नेपालमा शरणाार्थी जिवन बिताइरहेका भुटा

फोटोमा हेर्नुहोस प्रचण्डपुत्र प्रकाशको स्मृतिमा शोकसभा

  • 12 hours ago
फोटोमा हेर्नुहोस प्रचण्डपुत्र प्रकाशको स्मृतिमा शोकसभा

तत्कालीन नेकपा माओवादी केन्द्र का पोलिटब्यूरो सदस्य एवं नेपाल कम्युनिष्ट पार्टी ९नेकपा० का अध्यक्ष पुष्पकमल दाहाल ‘प्रचण्ड’का छोरा प्रकाश दाहालको प्रथम वार्षिक स्मृतिका अवसरमा आज उहाँको निवास खुमलटारम



भिडियो

प्रेम र यौन

यौनवर्धक भियाग्राको प्रयोग कति उचित ?

यौनवर्धक भियाग्राको प्रयोग कति उचित ?

काठमाडौँ । उमेर पुगेका हरेक व्यक्तिलाई यौनको चाहाना हुनु स्वाभाविक नै मानिन्छ तर यदि कोहि महिला वा पुरुषलाई यौन चाहानामा गडबढी हुनु पनि सामान्य हुँदै गएको छ ।

जीवनशैली/स्वास्थ्य

यसरी घटाउनुस् मानसिक तनाव !

यसरी घटाउनुस् मानसिक तनाव !

के तपाईंलाई मानसिक तनावले सताउँछ रु यदि सताउँछ भने ध्यान दिनुहोस् तनाव कम गर्ने विभिन्न उपायहरु छन् । मनोचिकित्सकले सुझाएका यी हुन् मानसिक तनाव घटाउने ७ उपाय

विचित्र विश्व

दुबईबारे अजबगजबका कुराहरु

दुबईबारे अजबगजबका कुराहरु

एजेन्सी–बितेका केही वर्षमा एसियाका केही देशहरुले उल्लेख्य मात्रामा विकास गरेका छन् । केही देशहरुले विकास नै गर्न नसकिने ठाउँमा पनि अकल्पनिय विकास गरेर