जुम्लाको मातृशिशु केन्द्रलाई कोष जुटाउन शुक्रबार लण्डनमा हुंदै च्यारिटी कार्यक्रम

शैलेन्द्र सिंखडाको प्रस्तुति कार्यक्रमको विशेष आकर्षण

  • मंगलबार, ५ भदौ, २०७५
  • 10 months ago
  • युके
Education Park

 

लण्डन । नेप्लिज नर्सिंग एशोसिएसन यूकेले आफ्नो दशौं वार्षिकोत्सवको अवसरमा यहि शुक्रबार अगस्ट २४ को सांझ लण्डनमा एक च्यारिटी कार्यक्रम गर्दैछ ।

 

जुम्लाको विकट गाउंमा एक मातृशिशु केन्द्र निर्माणको लागि सहयोग जुटाउने उद्धेश्यले गर्न लागिएको कार्यक्रममा नेपाली हास्यव्यंग जगतका एक लोकप्रिय तथा चर्चित कलाकार शैलेन्द्र सिंखडाले पनि विशेष प्रस्तुति गर्ने भएका छन् ।

 

च्यारिटीको लागि आयोजना हुने कार्यक्रम भएकाले सहयोगस्वरुप सिंखडाले प्रस्तुति गर्ने भएको एशोसिएसनले जनाएको छ । 

 

वेस्ट लण्डनको हउन्स्लोस्थित प्याराडाइज ब्यांकेटिंग हलमा सांझ ६ बजेदेखि कार्यक्रम सुरु हुनेछ । त्यसअवसरमा संस्था स्थापनाको दशौं वार्षिकोत्सव मनाउनुका साथै बहु संस्कृति झल्काउने विविध सांस्कृतिक कार्यक्रमहरुको प्रस्तुित पनि गरिने बताइएको छ । कार्यक्रममा बेलायतस्थित भारतीय तथा पाकिस्तानी समुदायका नर्सहरुले पनि आ आफ्ना संस्कृति झल्काउने प्रस्तुतिहरु देखाउने कार्यक्रम छ । 

 

'यसपटकको हाम्रो कार्यक्रमलाई बहुसांस्कृतिक बनाउने हाम्रो योजना छ । नेपाली संस्कृति झल्काउने मौलिक प्रस्तुतिहरु त रहन्छन् नै । त्यसबाहेक फरक फरक समुदाय र संस्कृतिका प्रस्तुतिहरु पनि राख्दा यसले सांस्कृतिक विविधताभित्रको एकताको सन्देश दिन्छ भन्ने हामीले विश्वास लिएका छौं' , एशोसिएसनकी अध्यक्ष प्रसुना कंडेलले भनिन् । 

 

कार्यक्रममा दशौं वार्षिकोत्सवको विशेष सेलिब्रेसनका साथै संस्थाले हरेक दुई वर्षमा प्रकाशन गर्दै आएको स्मारिकाको तेस्रो अंक पनि विमोचन गरिने कार्यक्रम छ । नर्सहरुका विभिन्न लेख र रचनाका साथै रिसर्च आर्टिकलहरु समेत समावेश स्मारिका शिक्षाप्रद हुने विश्वास लिइएको छ । 

 

बेलायतका लागि नेपाली राजदूत डा दुर्गाबहादुर सुवेदी प्रमुख अतिथी रहने कार्यक्रममा रोयल कलेज अफ नर्सिंगका भाइस प्रेसिडेन्ट प्रोफेसर रड थम्पसन, रोयल बरो अफ  केन्जिंगटन एण्ड चेल्सीका काउन्सिलर मोहम्मद बख्तियार , एनआरएन यूके अध्यक्ष योगकुमार फगामी लगायत विभिन्न संघसंस्थाका प्रतिनिधीहरु अतिथीका रुपमा सहभागी हुनेछन् । 

 

सहभागिताका लागि अपील

संस्थाको दशौं वार्षिकोत्सवका अवसरमा आयोजना हुन लागेको च्यारिटी कार्यक्रममा सहभागिताका लागि एशोसिएसनकी अध्यक्ष प्रसुना कंडेलले बेलायतस्थित सम्पुर्ण नेपाली नर्सहरुलाई विशेष अपील गरेकी छन् । 

 

बेलायतमा क्रियाशिल नेपाली नर्सहरु मिलेर समुदाय , देश रआफ्नै सहकर्मीहरु समेतलाई सकेको सहयोग गरौं भनेर स्थापना भएको एशोसिएसन दशौं वर्षसम्म आइपुग्दाको खुशीयाली मनाउनको लागि पनि सबै नर्सहरुलाई कार्यक्रममा उपस्थित भइदिन उनले आव्हान गरेकी छन् । 

 

'यो संस्था आज यो अवस्थासम्म आइपुग्नको लागि पनि त्यत्तिकै सम्भव भएको होइन । हामी सबैको ठूलो मेहनत र समर्पण लगानी भएको छ',  अध्यक्ष कंडेलले भनिन्, 'यो खुशीयाली मनाउने क्षणमा बेलायतमा रहेका कुनै पनि नेपाली नर्सहरु नछुटुन् भनेर मैले सबैलाई सहभागी बन्न आग्रह गर्न चाहन्छु ।' 

 

कार्यक्रममा सहभागिता तथा सहयोगका लागि एशोसिएसनले बेलायतको नेपाली समुदायबाट पनि ठूलो अपेक्षा राखेको छ । एशोसिएसनले जुम्लाको विकट गाउंमा निर्माण सुरु गरेको मातृशिशु प्रोजेक्टलाई सहयोग गर्नकै लागि पनि कार्यक्रममा उपस्थित भइदिन एशोसिएसनले समुदायसमक्ष अपील गरेको छ । 

 

नेपालस्थित ’एक्सन वर्क्स नेपाल’संगको सहकार्यमा जुम्लाको सिंजा गाउंपालिकास्थित भादगाउं भन्ने गाउंमा मातृशिशु केन्द्र निर्माणको कार्य  मार्च महिनादेखि नै सुरु भइसकेको छ । ४२ हजार पाउण्डको यो प्रोजेक्टका लागि अहिलेसम्म १४ हजार पाउण्ड संकलन गरिसकेको एशोसिएसनले बांकी २८ हजार पाउण्ड संकलन गर्ने लक्ष्यमा च्यारिटी कार्यक्रम गर्न लागेको हो ।  

 

अबको दुई वर्षभित्र मातृशिशु केन्द्र निर्माणको कार्य पूरा गर्ने,  सुरुका तीन वर्ष एशोसिएसनकै सहयोगमा केन्द्र सञ्चालन गर्ने र त्यसपछि स्थानीय सरकारलाई हस्तान्तरण गर्ने योजना बनाइएको छ । 

 

जुम्लाको विकट गाउंमा पुगेर मातृशिशु केन्द्र बनाउने कार्यलाई हामीले एशोसिएसनको ड्रिम प्रोजेक्टका रुपमा लिएका छौं’, अध्यक्ष कंडेल भन्छिन्, ’हाम्रो यो प्रोजेक्टलाई सार्थक बनाउन बेलायतको नेपाली समुदाय र यहांका संघसंस्थाहरुबाट हामीले ठूलो सहयोग र हौसलाको अपेक्षा गरेका छौं ।’  

 

 

 


थप समाचार

चितवनमा ६ महिनामा ५४ नयाँ एचआइभी सङ्क्रमित

  • 2 minutes ago
चितवनमा ६ महिनामा ५४ नयाँ एचआइभी सङ्क्रमित

चितवन । सन् २०१९ को ६ महिनामा जिल्लामा ५४ नयाँ एचआइभी सङ्क्रमित भेटिएका छन् ।

बाजुराको भुवाखोलामा जिप दुर्घटना, तीनजनाकाे मृत्यु, ११ जना घाइते

  • 15 minutes ago
बाजुराको भुवाखोलामा जिप दुर्घटना, तीनजनाकाे मृत्यु, ११ जना घाइते

बाजुरा । बाजुराको भुवाखोलामा जिप दुर्घटना हुँदा तीनजनाको मृत्यु भएको छ ।

बिदामा मस्त मेस्सी

  • 33 minutes ago
बिदामा मस्त मेस्सी

स्पेनिस क्लब बार्सिलोनाका धेरैजसो खेलाडीहरू बिदा सकाएर बार्सिलोना फर्किसकेका छन् ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

गुणकारी मेथी हरेक दिन खानुका १० फाइदाहरू यस्ता छन्

गुणकारी मेथी हरेक दिन खानुका १० फाइदाहरू यस्ता छन्

मेथी अधिकांश नेपालीको भान्सामा नछुट्ने चिज हो । भान्सामा हामी विभिन्न परिकारमा मेथीको प्रयोग गर्ने गर्छौं ।

विचित्र विश्व

सुन्दर युवतीका क्रुर श्रीमान !

सुन्दर युवतीका क्रुर श्रीमान !

काठमाडौँ । सुन्दरता बढाउनका लागि मानिस हरसम्भव प्रयास गर्छ । विशेषत महिलाहरु आफ्नो सुन्दरतालाई लिएर धेरै नै चिन्तित हुन्छन् । हर लोग्ने मानिसहरुको इच्छा पनि आफ्नी श्रीमति सुन्दर होस् भन्ने चाहाना हुन्छ ।