IIMS College

ISMT

HUB Education

उत्तर काेरियामा खाद्य संकट, दशकयताकै न्युन खाद्य उत्पादन

Education Park

 

Kathmandu Trade Show

 

Royal Education Foundation

 

सियोल । संयुक्तराष्ट्र सङ्घले उत्तर कोरियामा गत वर्ष खाद्य उत्पादनमा दशककै सबैभन्दा न्यून भएको जनाएको छ । 

 

प्राकृतिक प्रकोपका साथै खेतीयोग्य जमिनको अभाव तथा परम्परागत कृषिका कारण खाद्य उत्पादनमा व्यापक कमी आएको हो । 

 

अन्तर्राष्ट्रिय नाकाबन्दीका कारण आर्थिक रुपमा कमजोर बनेको उत्तर कोरियामा बर्सेनि चरम खाद्य सङ्कट हुने गरेको छ । 

 

राष्ट्रसङ्घका अनुसार गत वर्ष कोरियामा ४९ लाख ५० हजार टन खाद्यान्न मात्र उत्पादन भएको थियो । सन् २०१९ का लागि आवश्यक खाद्यान्नमध्ये अझै पाँच लाख टन अपुग हुनेछ । 

 

‘एक दशकमै यो सबैभन्दा न्यून उत्पादन हो’, राष्ट्रसङ्घका आवासीय संयोजक तापन मिश्रले बताए, ‘यसबाट खाद्यान्न आवश्यकतामा ठूलो अन्तर देखा परेको छ ।’

 

यसको परिणामस्वरुप उत्तर कोरियाका झण्डै एक करोड नागरिकलाई मानवीय सहायता आवश्यक परेको छ । गत वर्षभन्दा यस वर्ष ६ लाख बढी मानिसलाई मानवीय सहायता जरुरी हुनेछ । 

 

तत्काल सहयोग प्राप्त नभएमा कुपोषण र रोगको खतरा देखा पर्ने राष्ट्रसङ्घको भनाई छ । खाद्यान्न अभाव व्यहोर्ने यो कूल जनसंख्याको झण्डै ४३ प्रतिशत हो । 

 

राष्ट्रसङ्घीय सहयोग पनि अपर्याप्त देखिएको छ । मिश्रले गत वर्ष आग्रह गरिएको सहयोगमध्ये २४ प्रतिशत मात्र प्राप्त भएको जानकारी दिए । उनले मानवीय सहायताका कार्यहरुमा राजनीतिक पक्षलाई बेवास्ता गर्न दाताहरूलाई आग्रह गरेका छन् । 

 

कमजोर आर्थिक स्थिति रहेको उत्तर कोरियामाथि अन्तर्राष्ट्रिय समुदायले सैनिक एवं आणविक हतियारका कार्यक्रममा मात्र केन्द्रित नहुन आग्रह गरिरहेका छन् । 

 

अमेरिकी राष्ट्रपति डोनाल्ड ट्रम्पले समेत हनोई शिखर वार्ता हुनुअघि पटकपटक आणविक कार्यक्रम रोके उत्तर कोरिया आर्थिक केन्द्र बन्न सक्ने बताउँदै आएका थिए । 

 

तर उत्तर कोरियाली नेता किम जोङ–अन र अमेरिकी राष्ट्रपति ट्रम्पबीचको हनोई वार्ता भङ्ग भएसँगै उत्तर कोरियाका बारेमा अन्यौल देखिएको छ । केही अमेरिकी अनुसन्धान संस्थाहरुले उत्तर कोरियाले पुनः आणविक र क्षेप्यास्त्र कार्यक्रम सुरु गर्न लागेको दाबी गरेका छन् । 

 

अन्तरिक्षबाट खिचिएका तस्वीरहरुको विश्लेषण गर्दै उनीहरुले क्षेप्यास्त्र परीक्षण केन्द्रमा मानिसहरुको आउजाउ बढ्न थालेको बताएका छन् । 

 

उत्तर कोरियाको अधिकांश भूभाग हिमाली र विकट पहाडी छ । यहाँ करिब २० प्रतिशत भूभागमा मात्र खेतीबाली हुन्छ । उत्तर कोरियामा गत जुलाई र अगष्ट महिनामा तीव्र तातो हावा चलेको थियो । 

 

त्यसलगत्तै ठूलो वर्षा र बाढी आएको थियो । राष्ट्रसङ्घका अनुसार, मौसमी प्रतिकूलताका कारण धान र गहुँको उत्पादनमा १२ देखि १४ प्रतिशतले कमी आएको छ ।

 

साथै, उत्तर कोरियाको सोयाबिन उत्पादन ३९ प्रतिशत र आलुको उत्पादन ३४ प्रतिशतले घटेको छ । गत महिना प्योङयाङले यस वर्ष १४ लाख टन खाद्यान्न कमी हुने राष्ट्रसङ्घलाई जानकारी गराएको थियो ।


थप समाचार

आरजिएनएसको नेपाली भाषा कक्षा तेस्रो वर्षमा

  • 8 hours ago
आरजिएनएसको नेपाली भाषा कक्षा तेस्रो वर्षमा

भाषा कक्षा सञ्चालनमा आएको दुई वर्ष पूरा भएको अवसरमा गत आइतबार दोस्रो वार्षिकोत्सव तथा पहिलो अभिभावक दिवस समेत एक कार्यक्रम गरी मनाइयो ।

दोस्रो विज्ञ सम्मेलनको तयारीबारे सरकार र एनआरएनएबीच छलफल

  • 9 hours ago
दोस्रो विज्ञ सम्मेलनको तयारीबारे सरकार र एनआरएनएबीच छलफल

अध्यक्ष कुमार पन्त नेतृत्वको एनआरएनए टोलीले शुक्रबार काठमाडौंमा परराष्ट्रमन्त्री प्रदिप ज्ञवालीलाई भेटेर सम्मेलनबारे छलफल गरेको छ ।

दुई दिन अगाडिमात्रै छोरीलाई जन्मदिएकी गायिका पवित्र गुरुङको निधन

  • 10 hours ago
दुई दिन अगाडिमात्रै छोरीलाई जन्मदिएकी गायिका पवित्र गुरुङको निधन

पोखरा । गायिका तथा सञ्चारकर्मी पवित्रा गुरुङको निधन भएको छ । उनको काठमाडौंस्थित एक अस्पतालमा निधन भएको हो । दुई दिन अगाडी छोरीलाई जन्मदिएकी थिइन् ।



प्रेम र यौन

महिलाहरु किन अपरिचित पुरुषसंग उत्तेजित हुन्छन् , थाहा पाउनुहोस

महिलाहरु किन अपरिचित पुरुषसंग उत्तेजित हुन्छन् , थाहा पाउनुहोस

ऐजेन्सी ।शारिरक सम्बन्धलाई राम्रो विचारले सोचे राम्रै हुन्छ । नराम्रो विचारले सोचे नराम्रो हुन्छ जब शारिरक सम्बन्धलाई नराम्रो बिचारले हेर्ने गरिन्छ । तब शारिरक सम्बन्ध जतिको घृणित कुरा केहि नहुने अध्ययनहरुले देखाउँदै आएका छन् । यस बिषयमा भन्नु पर्दा नारीहरु लजालु र जाली पनि हुने गर्दछन् भन्ने निष्कर्ष अध्यनहरुले बताएका छन् ।

जीवनशैली/स्वास्थ्य

यसकारण फेसियल गर्नुपर्छ

यसकारण फेसियल गर्नुपर्छ

काठमाडौं । फेसियल अनुहारको मसाज हो । मसाजले ब्लड सर्कलेसनलाई सन्तुलित बनाउँछ । छाला र रक्तकोषहरु पनि सक्रिय हुन्छन् ।

विचित्र विश्व

यी हुन् विश्वको सबैभन्दा लामो कपाल भएकी महिला

यी हुन् विश्वको सबैभन्दा लामो कपाल भएकी महिला

एजेन्सी । भारतको गुजरातकी १७ वर्षीया किशोरीको कपाल विश्वमा सबैभन्दा लामो रहेको छ । यसलाई गिनिज वल्र्ड रेकर्डमा दर्ता गरिएको छ ।अरवल्ली जिल्लाको माडोसामा बस्दै आएकी नीलान्शी पटेललाई उनको लामो कपालको कारण रियल लाइफकी ‘रेपुन्जल’ (जर्मनी परि कथाको एक पात्र) भनिएको छ ।