को हुन् ती खेलाडीहरु जसले एशियाडमा २० वर्षपछि नेपाललाई रजत पदक दिलाए

पोखरा । पहिलो सहभागितामै नेपालले प्याराग्लाइडिङबाट १८ औं एशियन गेम्समा ऐतिहासिक रजत पदक जितेको छ । पुरुष टिम क्रसकन्ट्रीका विधामा नेपालले पाँच राउण्डको समाप्तीपछि ऐतिहासिक पदक जितेको हो । नेपालले अन्तिम दिन बुधबार १४ किलोमिटरको टास्क पुरा गर्दै केवल २७ अंकले पछि पर्दै रजतमा चिक्त बुझायो । स्वर्ण पदकको लागि बुधबारको अन्तिम टास्कमा नेपाल जापानसँग झिनो अंकको मतान्तरमा रहँदै रजत पदकमा ल्याण्डिङ गर्यो । आयोजक इण्डोनेसिया भने तेस्रो स्थानमा रहँदै प्रतियोगितालाई विट मार्यो। 

 

संयोग नै मान्नुपर्छ प्याराग्लाईडिङ शुरु भएको ठ्याक्कै २० वर्ष रजत पदक जित्न सफल भएको हो । दुईवर्षअघि इण्डोनेसियामै आयोजित खुल्ला इन्टरनेशनल प्याराग्लाइडिङ प्रतियोगितामा यीनै खेलाडीले स्वर्ण पदक दिलाएका थिए । तर त्यो अन्तर्राष्ट्रिय ओलिम्पिक कमिटिले मान्यता दिएको थिएन् । बुधबारको अन्तिम टास्क पुरा गर्दै ११ हजार ३ सय ६४ अंक जोडेपछि रजत पदकको हकदार भएको हो । चौथो राउण्डमा सुधारिएको प्रदर्शन गर्दै मौसमले पनि साथ दिएपछि चौथोस्थानबाट दोस्रो स्थानमा उक्लिदैं पदकको सम्भावना प्रवल बनाएको थियो । जापानले ११ हजार ३ सय ९१ अंक जोड्दै स्वर्ण पदक जितेको छ । 

 

रजत पदक पक्कापक्की जस्तै थियो । तर, अन्तिम राउण्डमा भने नेपाल स्वर्ण पदकको लागि जापानसँग प्रतिस्पर्धा गर्न उत्रिएको थियो । प्याराग्लाइडिङको विश्वकपमा समेत सहभागिता जनाईसकेका नेपाली प्याराग्लाइडिङ टिमका कप्तान विमल अधिकारी निकै अनुभवी खेलाडी समेत हुन् । उनकै नेतृत्वमा रहेको टोलीमा जुनियर र सिनियर खेलाडीको समिश्रण थियो । एशियाडमा सहभागि प्याराग्लाइडिङ खेलाडी पोखरेली हुन् ।

 

प्याराग्लाईडिङ पोखराबाटै शुरुवात भएको हो । सन १९९६ देखि पोखरामा प्याराग्लाइडिङको शुरुवात भएको हो । त्यसले व्यवसायिक रुप भने दुईवर्षपछि लियो । त्यही वर्षदेखि पोखरामा प्याराग्लाईडिङ च्याम्पियनसिप समेत हुदैं आएको छ । च्याम्पियनसिपमा स्वदेशी तथा विदेशी प्याराग्लाईडिङ पाईलटसँगै प्रतिस्पर्धा हुदैं आएको छ । विदेशीसँगको प्रतिस्पर्धामा पोखरेली पाईलटले खरो उत्रिदैं उपाधि हत्याउने अभियानमा थिए । उपाधिको लक्ष्यसहित इण्डोनेसिया पुगेको नेपाली टोलीले रजत पदक जितेको छ ।

 

विशाल थापा, युकेश गुरुङ, विजय गौतम, शुशिल गुरुङ पुरुष टिममा थिए । कप्तान अधिकारी एक्ला प्याराग्लाइडिङ पाईलट हुन जसले सन २०१५ मा कोलम्बियामा आयोजित प्याराग्लाईडिङ वल्र्ड च्याम्पियनसिप सहभागि थिए । ‘प्याराग्लाईडिङ शुरुभएकोे २० वर्ष वित्यो । तर एशियाड पहिलो सहभागिता पदक जित्यौं ।

 

पदक विहीनभएर फर्किनुपर्ने बाध्यता अन्त्य गर्यौं ।’ नेपाली टिम अफिसियल शैलेन रावतले भने–‘दुई वर्ष अघि इण्डोनेसियामै टिम इभेण्टमा स्वर्ण पदक जितिएको थियो । अहिले भने रजत पदक जित्न सफल भयौं ।’ नेपाली टिमले सन २०१६ मा इण्डोनेसियामा आयोजित ओपन प्याराग्लाइडिङ च्याम्पियनसपिमा टिम इभेण्टमा स्वर्ण पदक जितेर फर्किएको थियो ।

 

टोलीका सदस्य विशाल थापा भने कम उमेरका प्याराग्लाईडिङ पाईलट हुन् । उनी भर्खर १६ वर्ष मात्र पुगेका छन् । एसईई परीक्षा सकेर बसेका थापाले उडान शुरु गरेको पनि ३ वर्ष मात्रै भएको छ । रजत पदकको हकदारमा उनको भूमिका पनि निकै महत्वपूर्ण रहेको अफिसियल शैलन रावत बताउँछन् ।

 

थापा चीनमा आयोजित फ्रि प्याराग्लाईडिङ च्याम्पियनसिपमा तेस्रो स्थान हासिल गरेका थिए । महिला तर्फको प्रतिस्पर्धामा भने नेपाल टिमले आफनो पहिलो अनुभव मात्रै बटुल्यो अवसरको रुपमा लिएको हो ।

 

पुरुष टिम इभेण्टमा विमल अधिकारी, शुशिल गुरुङ, युकेश गुरुङ, विजय गौतम र विशाल थापा थिए भने यसैगरी महिला क्रसकन्ट्रीमा त्रिशा श्रेष्ठ, प्रतिभा भुजेल र सविता तामाङले प्रतिस्पर्धामा थिए । नेपाली प्याराग्लाइडिङ टिमले छ वटा पदकमा प्रतिस्पर्धा गरेका थिए । एक्युरेसी एकल र युगलमा महिला तथा पुरुष तथा क्रसकन्ट्री विधामा पुरुष र महिला टिमले प्रतिस्पर्धा उत्रिएका थिए ।


थप समाचार

यतिको च्यारिटी कार्यक्रमका लागि विहिबार लण्डन आइपुग्दै पूर्वप्रधानमन्त्री नेपाल

  • 8 hours ago
यतिको च्यारिटी कार्यक्रमका लागि विहिबार लण्डन आइपुग्दै पूर्वप्रधानमन्त्री नेपाल

लण्डन । नेपालका पूर्वप्रधानमन्त्री तथा नेपाल कम्युनिष्ट पार्टीका वरिष्ठ नेता माधवकुमार नेपाल विहिबार लण्डन आउंदैछन् । यति नेपाली एशोसिएसनले शनिबार लण्डनमा आयोजना गर्ने च्यारिटी कार्यक्रममा प्रमुख अतिथ

हंगकंग नेपाली मंच यूकेमा चुनिए सल्लाहकार र क्षेत्रीय प्रतिनिधी

  • 9 hours ago
हंगकंग नेपाली मंच यूकेमा चुनिए सल्लाहकार र क्षेत्रीय प्रतिनिधी

संस्थाका अध्यक्ष भिम महेन्द्र गुरुङको अध्यक्षतामा सम्पन्न बैठकले २१ सदस्यीय सल्लाहकार समिति चयन गरेको छ । संस्थालाई निरन्तर रुपमा प्रत्यक्ष वा अप्रत्यक्ष सहयोग गर्दै आएका समाजसेवीहरुलाई आउंदो २ वर्षको

क्यालिफोर्नियामा डढेलोः अग्नि नियन्त्रकहरुको प्रयास जारी, ५० जनाको मृत्यु

  • 13 hours ago
क्यालिफोर्नियामा डढेलोः अग्नि नियन्त्रकहरुको प्रयास जारी, ५० जनाको मृत्यु

प्याराडाइज । अमेरिकाको क्यालिफोर्निया राज्यको जङ्गलमा लागेको डढेलोका कारण मृत्यु हुनेको संख्या कम्तीमा ५० पुगेको छ । अझै एकसय भन्दा बढी व्यक्ति बेपत्ता रहेको अधिकारीहरुले मङ्गलबार जानकारी दिएका छन् ।



भिडियो

प्रेम र यौन

यौनवर्धक भियाग्राको प्रयोग कति उचित ?

यौनवर्धक भियाग्राको प्रयोग कति उचित ?

काठमाडौँ । उमेर पुगेका हरेक व्यक्तिलाई यौनको चाहाना हुनु स्वाभाविक नै मानिन्छ तर यदि कोहि महिला वा पुरुषलाई यौन चाहानामा गडबढी हुनु पनि सामान्य हुँदै गएको छ ।

जीवनशैली/स्वास्थ्य

किन युवतीलाई दारी पाल्ने युवक मनपर्छ ?

किन युवतीलाई दारी पाल्ने युवक मनपर्छ ?

युवतीहरुलाई इम्प्रेस पार्नका लागि केटाहरु हरेक प्रकारका कोशिसहरु गर्ने गर्छन् । तर, हालै गरिएको एक अनुसन्धानले केटीहरुलाई ट्रिम दारी भएका केटाहरुतर्फ आकर्षित हुने बताएको छ ।

विचित्र विश्व

यी हुन् सबैभन्दा कम उमेरमा पिएचडी गर्ने १० मानिसहरु

यी हुन् सबैभन्दा कम उमेरमा पिएचडी गर्ने १० मानिसहरु

धेरै विद्यार्थीहरुको मनमा ग्य्राजुएट गरेपछि पढु कि नपढु भन्ने दुविधा हुन्छ । यो विषय पढौं कि त्यो विषय पढौं भन्ने प्रश्न पनि धेरै ग्य्राजुएटहरुको दिमागमा खेलिरहेको हुन्छ ।