दूरसञ्चार कार्यालय पाल्पाद्वारा जिल्लाभर इन्टरनेटको पहुँच विस्तार

पाल्पा । नेपाल टेलिकम दूरसञ्चार कार्यालय पाल्पाले जिल्लाभर इन्टरनेटको पहुँच विस्तार गरेको छ । जिल्लामा एडीएसल ९४४ जडान गरिएको छ । जिल्लामा इन्टरनेटको पहुँच विस्तार गरी सहजरुपमा सुविधा प्रदान गर्न योजनाका साथ काम अघि बढाएको छ । दूरसञ्चार कार्यालयले सुलभ मूल्यमा इन्टरनेट जडान कार्यलाई तीव्रता प्रदान गरेको हो ।

 

जिल्ला सदरमुकाम तानसेनमा फोरजी सेवा सञ्चालनमा छ । दूरसञ्चार कार्यालय, तानसेनकै लहरेपीपल, रिडी र बेगनासकाली गाउँपालिकाको बरादीमा फोर जी सञ्चालनमा रहेको दूरसञ्चार कार्यालय पाल्पाका प्रमुख सन्तोष भण्डारीले बताए । पाल्पाको पूर्वी क्षेत्रमा फोरजीको सेवा विस्तार गर्ने तयारीमा छ । रामपुर, मित्याललगायतका क्षेत्रमा बिटिस जडान कार्य भइसकेको छ । यसै आवभित्र फोर जी सेवा विस्तार गर्ने र नागरिकलाई सहजरुपमा इन्टरनेटको पहुँच विस्तार गर्ने योजना रहेको प्रमुख भण्डारीको दाबी छ ।

 

दूरसञ्चार कार्यालय हालसम्म इन्टरनेटका लागि वाइम्याक्स १३७, लेस लाइन १७, इटिटीस ३४१ छन् । जिल्लाका अधिकांश स्थानमा अहिले टु र थ्री जीका सेवा सहजरुपमा प्रयोग गर्दै आएका छन् । टु जी, थ्री जीको सहज पहुँचमा रहेका नागरिकले सामाजिक सञ्जाल प्रयोग गरी सूचनाको आदनप्रदान गर्नै सफल भएका छन् । आफन्तसँग भिडियोमा कुराकानी गर्न पाउँदा स्थानीयवासी खुशी छन् ।

 

विद्युत्को पहुँच विस्तार हुन नसकेका र सोलारबाट उज्यालोमा रात बिताउने क्षेत्रमा दूरसञ्चार कार्यालयको सेवा प्रभावकारी हुन नसकेको प्रमुख भण्डारीको दाबी छ । दूरसञ्चार कार्यालयका अनुसार पाल्पामा हालसम्म मोबाइल सिम प्रिपेड एक लाख ८० हजार ८२२ र पोस्टपेड चार हजार २४५ वितरण गरिसकेको दूरसञ्चार कार्यालय पाल्पाका सूचना अधिकारी रामराज रेग्मीले बताए । 

 

जिल्लामा ल्याण्डलाइन फोन प्रयोगकर्तामा कमी देखिएको छ । मोबाइल सिम प्रयोगको तुलनामा ल्याण्डलाइन फोनप्रति आकर्षण घट्दो छ । पाल्पामा हालसम्म तीन हजार ४५६ ल्याण्डलाइन वितरण भएको देखिन्छ । त्यस्तै सिडीएमए स्काइ पोष्टपेड हालसम्म ४११ वितरण भएको चालू आवमा १८ वटामा मात्र वितरण भएको छ । सिडीएमए स्काइ प्रिपेड २० हजार ७८२ हालसम्म वितरण भएको छ । 

 

जिल्लाका कचल, गोठादी, लुङ्ग, सत्यवतीमा बिटिएस जडानपछि स्थानीय बासिन्दालाई निःशुल्क सिमकार्ड वितरण गरिएको छ । पाल्पा रैनादेवी छहराको सिद्देश्वर, सत्यवती निस्दीको ज्यामिरे लगायतका क्षेत्रमा अझै पनि मोबाइलमार्फत कुराकानी गर्न समस्या हुँदै आएको छ । 

 

नेपाल टेलिकम दूरसञ्चार कार्यालय पाल्पाले दूरसञ्चारका गुल्मी र अर्घाखाँचीसँग समन्वय गरी सेवा प्रवाह गर्दै आएको छ । ती जिल्लाकोे एमआइएसको प्रतिवेदन तयारी गरी केन्द्रीय कार्यालयमा पठाउँदै आएको छ । सूचना प्रविधिको विकासले दूरसञ्चार कार्यालयबाट पाउने सेवासुविधा इन्टरनेटका कारण सहज बन्दै गएको छ । सूचना प्रविधिको बढ्दो आविष्कारले हुलाकसँग दूरसञ्चार कार्यालयको पनि महत्व कमी हुँदै गएको छ ।


थप समाचार

अफगानिस्तानमा २४ घन्टामा ५६० कोरोना संक्रमित थपिए

  • 2 minutes ago
अफगानिस्तानमा २४ घन्टामा ५६० कोरोना संक्रमित थपिए

एजेन्सी । अफगानिस्तानमा गएको २४ घन्टायता ५६० जना कोरोना संक्रमित थपिएका जनस्वास्थ्य मन्त्रालयले बिहीबार जानकारी दिएको छ ।यो समेत गरी बिहीबारसम्म यहाँ कोभिड १९ का संक्रमितको संख्या १३ हजार १६ पुगेको पन

रसियाद्वारा एससीओ, ब्रिक्स शिखर सम्मेलन स्थगित

  • 6 minutes ago
रसियाद्वारा एससीओ, ब्रिक्स शिखर सम्मेलन स्थगित

एजेन्सी । रसियामा जुलाईमा आयोजना गर्न लागिएका ब्रिक्स र शाङ्घाई सहयोग संगठन (एससीओ) का शिखर सम्मेलनहरु स्थगित भएका छन् ।

हावाहुरीले विद्यालयका छाना उडाएपछि गुल्मीमा क्वारेन्टिन व्यवस्थापनमा समस्या

  • 25 minutes ago
हावाहुरीले विद्यालयका छाना उडाएपछि गुल्मीमा क्वारेन्टिन व्यवस्थापनमा समस्या

गुल्मी । गुल्मीमा हावाहुरीले विद्यालयका छाना उडाएपछि क्वारेन्टिन व्यवस्थापनमा समस्या भएको छ । जिल्लाको इस्मा गाउँपालिका वडा नम्बर १ स्थित रातचौर प्राथमिक विद्यालयमा भारतबाट आउने १२ जनालाई व्यवस



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

श्रीमतीलाई खुसी राख्न कपडा धोइदिनुहोस्

श्रीमतीलाई खुसी राख्न कपडा धोइदिनुहोस्

तपाई आफ्नी पार्टनर या श्रीमतीलाई खुसी राख्न के गर्नु हुन्छ ? नयाँ–नयाँ गिफ्ट या मिठा खानेकुरा ल्याएर फकाउनु हुन्छ होला । तर, अब उनीहरुलाई खुसी राख्न त्यती कष्ट गर्नु पर्दैन । मात्र कपडा धोईदिए पुग्छ । ब्रिटेनमा भएको एक अध्ययनले यस्तो पत्ता लागेको हो ।