प्याराग्लाइडिङको वल्र्डकप पोखरामा, सागका सात खेल गर्ने तयारी

  • बिहीबार, २१ भदौ, २०७५
  • 2 weeks ago
  • खेल

पोखराको प्याराग्लाइडिङले एशियाडमा दुई दशकपछि रजत पदक मात्र जितेन, टीम गेममा पहिलो पदक समेत जित्न सफल भयो । प्याराग्लाइडिङले गत साता दिलाएको यही पदककै कारण दक्षिण एशियामा भारत पछि दोस्रो र प्रतियोगितामा सहभागी ४५ देशमा नेपाल ३३ औं स्थानमा रहन सफल बन्यो ।

 

व्यवसायिक हिसाबमा सुरु भएको यहाँको प्याराग्लाइडिङले पदक जितेपछि भने बल्ल सरोकारवाला निकायको ध्यान यस खेलमा खिचिएको छ । आगामी नोभम्वर पहिलो साता प्याराग्लाइडिङको वल्र्डकप पोखरामै गरिने राष्ट्रिय खेलकुद परिषद्का सदस्य सचिब केशब कुमार विष्टले खुलासा गरे ।

 

नोभेम्वर १ देखि ५ गतेसम्म हुने प्याराग्लाइडिङ विश्वकपका लागि तयारी सुरु गरिने उनले बताए । खेलकुद पत्रकार मञ्चले पोखरामा बुधबार विहान आयोजना गरेको पत्रकार भेटघाटमा उनले पोखरालाई प्याराग्लाइडिङ हव बनाइनुपर्नेमा जोड दिँदै संसारभरका प्याराग्लाइडिङ शौखिन पोखरामै आउने वातावरण बनाउनुपर्ने उल्लेख गरे ।

 

पूर्वाधार र राज्यको राम्रो सहयोग नभएका अवस्थामा समेत प्याराग्लाईडिङका खेलाडीले एसियाली खेलकूद प्रतियोगतामा पदक हासिल गर्न सफल भएको उनले बताए । सराङकोटमा आवश्यक पूर्वाधार तयार गर्न ३० लाख रुपैया विनियोजन समेत गरिएको सदस्य सचिव विष्टले जानकारी दिए ।

 

उनले आसन्न १३ औं दक्षिण एसियाली खेलकुदमा प्याराग्लाइडिङ समेत थपिने र यो सहित सात खेल पोखरामा आयोजना हुने बताए । उनले सागलाई भव्यताका साथ सम्पन्न गर्न सरकारले पूर्वाधार निर्माण लगायतमा आवश्यक रकम विनियोजन गर्नुपर्नेमा जोड दिए । विष्टले नेपालमा हुने १३ औं साग खेलकूद प्रतियोगिता भौतिक संरचनाका कारण प्रभावित नहुने र तोकिएको समयमा हुने समेत दाबी गरे ।

 

‘हामीले यसका लागि सरकार संग यथासिघ्र प्रक्रिया थाल्न भनेका छौं ’ उनले भने – ‘राष्ट्रिय खेलकुद हामीले गर्ने हो, साग सरकारले नै गर्ने हो । अहिले भौतिक पूर्वाधार तयार गर्न साढे १ अर्ब तुरुन्त मागेका छौँ ।‘ सागको तयारीस्वरुप हालसम्म पूर्वाधार निर्माण लगायतमा दुई अर्ब भन्दा बढी लगानी भैसकेको र त्यसैलाई

 

लक्षित गरी पोखरामा एक अर्व २९ करोड रुपैयाको लगानिमा सुविधा सम्पन्न रंगशाला निर्माणको प्रकृया अघि बढेको उनले उल्लेख गरे । उनले यसको टेन्डरका अन्तिम प्रक्रियाहरु केही दिनमा सकिने बित्तिकै ६ महिनामा काम सक्ने गरि कामको जिम्मेवारी दिने बताए । उनले भारतीय र चिनियाँ कम्पनीले नेपाली ठेकेदारसँग मिलेर टेण्डर हालेको र यसको प्राविधिक तथा वित्तिय पक्षबारे जानकारी लिईरहेको उल्लेख गरे ।

अन्तर्राष्ट्रिय प्रतियोगिताहरुमा काठमाण्डौ खाल्डो बाहिरका पत्रकारहरु किन सहभागी नगराईने ? राजधानीका पत्रकारको सिण्डिकेट वा सरकार, राखेपलाई नै बाहिरका पत्रकार नचाहिने ? भन्ने प्रश्नमा विष्टले खर्च कटौतीका कारण कम पत्रकार लैजानुपरेको र अबदेखि पालैसँग समेट्दै जाने बताए । मञ्चका अध्यक्ष केशव पाठकको अध्यक्षतामा भएको कार्यक्रममा महासचिव रञ्जन अधिकारी लगायतले बोलेका थिए ।


थप समाचार

सातौं बिग आइकन सुबास लण्डनमा, पहिलो कार्यक्रम शनिबार माया पबमा

  • 2 hours ago
सातौं बिग आइकन सुबास लण्डनमा, पहिलो कार्यक्रम शनिबार माया पबमा

लण्डन । पोखरास्थित बिग एफएमले हरेक वर्ष आयोजना गर्ने गायन प्रतिस्पर्धा बिग आइकनको सातौं संस्करणका विजेता सुबास गुरुङ लण्डन आइपुगेका छन् । बेलायतका विभिन्न स्थानमा प्रस्तुति गर्न बिग आइकन सुबास बिग एफए

रश्मोरका काउन्सिल लिडरले भने, 'नेपालीबाट बेलायतीले धेरै सिक्न सक्छन्'

  • 2 hours ago
रश्मोरका काउन्सिल लिडरले भने, 'नेपालीबाट बेलायतीले धेरै सिक्न सक्छन्'

ग्रेटर रश्मोर नेपाली कम्युनिटीले विहिबार अल्डरसटमा आयोजना गरेको इन्फरमेसन डे कार्यक्रममा काउन्सिल लिडर डेभिड क्लिफोर्डले स्थानीय नेपालीहरुको प्रशंसा गरेका हुन् ।

बेलायतमा खेतीमा काम गर्न गैरयुरोपेली कामदार ल्याइने

  • 8 hours ago
बेलायतमा खेतीमा काम गर्न गैरयुरोपेली कामदार ल्याइने

बेलायतले २ वर्षे पाइलट कार्यक्रम घोषणा गर्दै २५ सय गैरयुरोपेली कामदारहरुलाई बेलायतमा तरकारी तथा फलफूल खेतीको कामका लागि ल्याउने योजना सार्वजनिक गरेको हो ।



भिडियो

प्रेम र यौन

लिलाममा कुमारीत्वः विश्वका चर्चित मोडलको वास्तविकता !

लिलाममा कुमारीत्वः विश्वका चर्चित मोडलको वास्तविकता !

एजेन्सी । जुन कुनै महिलाको लागि निकै अमूल्य र महत्वपूर्ण चीज हो । कुनै पनि नारी आफ्नो कुमारीत्वको विषयमा कमजोर हुँदैनन् । जुन उनीहरुको व्यक्तित्वको साख पनि हो ।

जीवनशैली/स्वास्थ्य

हार्ट अट्याक कार्डियक एरेस्ट हार्ट फेलियरमा के भिन्नता छ ? मुटु कसरी स्वस्थ राख्ने ?

हार्ट अट्याक कार्डियक एरेस्ट हार्ट फेलियरमा के भिन्नता छ ? मुटु कसरी स्वस्थ राख्ने ?

हार्ट फेलियरको बारेमा आमधारणा यो छ कि यसमा मुटुले एकैचोटी काम गर्न छोड्छ तर यो पुर्णरुपमा साँचो हैन । हार्ट फेलियर भएमा मुटुको रगत पम्प गर्ने क्षमता कमजोर हँदै जान्छ ।

विचित्र विश्व

एउटा अजबगजबको होटल !

एउटा अजबगजबको होटल  !

दुबईमा धेरै होटलहरु रहेका छन् । ती होटलहरुमा सबै सुविधा त छदैछन् र चर्चा पनि उत्तिकै हुनेगर्छ । तर, एउटा अजबगजबको होटल साउदी अरबमा बन्न लागेको छ ।