साइप्रसको पोस्टमा स्पेनको आधा दर्जन गोल

एजेन्सी । युरो छनोट अन्तर्गत स्पेनले सानदार जित निकालेको छ । गएराति भएको खेलमा स्पेनले साइप्रसलाई ६–० गोलले पराजित गरेको हो ।

स्पेनलाई फराकिलो जित दिलाउन फेरान टोरेसले दुई गोल गरे भने गाभी, मिकेल मेरिनो, जोसेलु र एलेक्स बइनाले एक–एक गोल गरे ।

जितसँगै समूह ए मा रहेको स्पेन ४ खेलबाट ९ अंकका साथ तालिकाको दोस्रो स्थानमा रहेको छ । ५ खेलमा जितविहिन रहेको साइप्रस भने पुछारमा छ ।