बेलायत भ्रमण पूरा गरी फर्किए प्रधानमन्त्री

  • बुधबार, २९ जेष्ठ, २०७६
  • 4 days ago
  • युके
बुधबार लण्डन दूतावासमा
Education Park

तस्विरहरु : शिव भण्डारी

 

लण्डन । प्रधानमन्त्री केपी शर्मा ओली आफ्नो तीन दिने बेलायत भ्रमण पूरा गरी फर्किएका छन् । सोमबार साँझ स्वीजरल्याडबाट लण्डन आइपुगेका प्रधानमन्त्री बुधबार रेलमार्ग हुंदै फ्रान्सतर्फ लागेका छन् । 

 

बेलायत भ्रमणको क्रममा प्रधानमन्त्री ओलीले उच्च बेलायती अधिकारीहरुसंग भेटवार्ता गरे । मंगलबार प्रधानमन्त्रीले बेलायती राजकुमार ह्यारी, प्रधानमन्त्री टेरेसा मे, विपक्षी लेबर पार्टीका नेता जेरेमी कोर्बिन, बेलायती सांसद लगायतलाई भेटेका थिए । 

 

बेलायतकी प्रधानमन्त्री मे बहिर्गगमनको तयारीमा रहंदै गर्दा भएको यो भ्रमणका दुई देशबीचमा कुनै नयाँ सम्झौताहरु भने भएका छन् । 

 

बेलायत अफ्ठेरो पर्दाको मित्र  : प्रधानमन्त्री

 

 

बुधबार बिहान बेलायत भ्रमण पूरा गर्नुअघि प्रधानमन्त्रीको सम्मानमा लण्डन दूतावासमा एक विशेष समारोह आयोजना गरिएको थियो । उक्त समारोहलाई सम्बोधन गर्दै प्रधानमन्त्री ओलीले नेपालको सबैभन्दा पुरानो मित्रराष्ट्रमा भएको आफ्नो भ्रमण उपलब्धीपुर्ण रहेको विश्वास व्यक्त गरे । 

 

२ सय वर्ष लामो मित्रताका क्रममा बेलायतका तर्फबाट भएका सहयोगहरुको लागि उनले धन्यवाद ज्ञापन गरे । 'बेलायत हाम्रो अफ्ठेरो अवस्थाको पनि मित्र हो । जुन कुरा भुकम्पका बेला बेलायतबाट प्राप्त सहयोगले पुष्टी गरिदिएको छ', प्रधानमन्त्रीले भने ।

 

देश राजनीतिक स्थिरता , संिवधान निर्माण र स्थिर सरकार हुंदै आर्थिक समृद्धितर्फ प्रवेश गरिरहेको बताउँदै प्रधानमन्त्रीले अब नेपालले बेलायतसंग एक आर्थिक विकासको साझेदारका रुपमा समबन्ध अघि बढाउन चाहेको बताए । 

 

'बन्दुक देखेर नतर्सिनेहरु खुकुरी देखेर तर्सिन्छन्' भन्दै प्रधानमन्त्रीले गोखाृहरुले विश्वभर नेपालीको इमान्दारिता र वीरतालाई चिनाएको बताए । बेलायत र नेपालबीचको सम्बन्धमा गोर्खा एक प्रमुख आधार रहेको उनको भनाइ थियो । 

 

विदेशमा बस्ने नेपालीहरुलाई अवसरको सदुपयोग गर्दै ज्ञान, सीप आर्जन गर्न र सकेसम्म छिटो नेपाल फर्किन उनले आग्रह गरे । 

 

त्यसअवसरमा बेलायत सरकारका एशिया प्यासिफिक मामिला राज्य मन्त्री मार्क फिल्डले नेपालका प्रधानमन्त्रीको भ्रमणले दुई देशबीचको पुरानो मैत्रीपुर्ण सम्बन्धलाई थप सुदृढ बनाएको उल्लेख गरे । 

 

बेलायतका लागि नेपाली राजदूत डा दुर्गाबहादुर सुवेदीले अब बेलायतका प्रधानमन्त्रीको नेपाल भ्रमणको लागि तयारी गर्नुपर्ने समय आएको धारणा राखे । 

 

सोमबार साँझ २० सदस्यीय भ्रमण टोलीसहित प्रधानमन्त्री ओली बेलायत आइपुगेका थिए । सोमबार नै अक्सफोर्ड विश्वविद्यालयमा सम्बोधन गरेका उनले मंगलबार बेलायती राजकुमार ह्यारी, प्रधानमन्त्री टेरेसा मे, विपक्षी लेबर पार्टीका नेता जेरेमी कोर्बिन, बेलायती मन्त्री, सांसद लगायतलाई भेटेका थिए ।

 

मंगलबार साँझ स्याण्डहर्स्टस्थित गोर्खा ब्रिगेडको मुख्यालमा प्रधानमन्त्रीलाई गार्ड अफ अनर प्रदान गरिएको थियो । 

 

 


थप समाचार

भानु नगरपालिकाका मेयर गौली भन्छन्ः राष्ट्रिय विभूति आचार्यको पहिचान जोगाउन बिर्खे टोपी लगाउन शुरु

  • 7 minutes ago
भानु नगरपालिकाका मेयर गौली भन्छन्ः राष्ट्रिय विभूति आचार्यको पहिचान जोगाउन बिर्खे टोपी लगाउन शुरु

तनहुँ । तनहुँको भानु नगरपालिकाका कर्मचारीले भानुभक्तीय बिर्खे टोपी लगाउन शुरु गरेका छन् । नेपाली भाषाका धरोहर आदिकवि भानुभक्त आचार्यको नामबाट नामकरण गरिएको भानु नगरपालिकाका कर्मचारीले आइतबारबाट बिर्खे

यी गरिब पूर्वराष्ट्रपति जसको बसाई सामान्य फार्ममा छ

  • 14 minutes ago
यी गरिब पूर्वराष्ट्रपति जसको बसाई सामान्य फार्ममा छ

एजेन्सी । धेरैको दिमागमा राष्ट्रपति भन्नेबित्तिकै तामझाम, आलिसान बंगला, राम्रो लवाई, मिठो खवाई कुरा आउँछ । तर, संसारमा यस्ता देश पनि छन् जहाँका राष्ट्रपति निकै साधरण छन् । आम सर्वसाधरणजस्तै हिडडुल गर्



प्रेम र यौन

यी हुन् विश्वका ५ चर्चित यौन बजार

यी हुन् विश्वका ५ चर्चित यौन बजार

पछिल्लो समय यौनलाई मानिसहरुले आधारभूत आवश्यकताको रुपमा लिँदै आएका छन् । सोही कारणले गर्दा कतिपय देशका सरकारहरुले नै अनुमति दिएर यौन बजार खुल्दै आएको छ । जसलाई हामी ‘रेड लाइट’ एरिया भन्छौं । यहाँ हामीले विश्वका चर्चित ५ यौन बजारको बारेमा जानकारी प्रस्तुत गरेका छौं ।

जीवनशैली/स्वास्थ्य

यस कारण विहानै मन तातो पानी पिउनुहोस्

यस कारण विहानै मन तातो पानी पिउनुहोस्

काठमाडौं । अधिकांश हामीले विहान उठेने वितिकै चिया वा कफी पिउने गर्छौं । तर, स्वास्थ्यका लागि विहान खाली पेटमा चिया वा कफी नभई मन तातो पानीबाट सुरुवात गर्नुपर्छ । स्वस्थ रहन दैनिक ३ लिटर पानी पिउनु जरुरी छ ।

विचित्र विश्व

यी गरिब पूर्वराष्ट्रपति जसको बसाई सामान्य फार्ममा छ

यी गरिब पूर्वराष्ट्रपति जसको बसाई सामान्य फार्ममा छ

एजेन्सी । धेरैको दिमागमा राष्ट्रपति भन्नेबित्तिकै तामझाम, आलिसान बंगला, राम्रो लवाई, मिठो खवाई कुरा आउँछ । तर, संसारमा यस्ता देश पनि छन् जहाँका राष्ट्रपति निकै साधरण छन् । आम सर्वसाधरणजस्तै हिडडुल गर्छन् । इमान्दारिताका साथ आफ्नो कार्यकाल छोड्छन् ।