IIMS College

ISMT

HUB Education

पोखरालाई 'इन्जोय जोन' बनाइनेः आखिर के हो 'इन्जोय जोन'

Education Park

 

Kathmandu Trade Show

 

Royal Education Foundation

 

पोखरा । लामो समयदेखि पोखरामा एउटा बहस चलेको थियो । पोखरा रेडलाइट एरियाबारे बहस चलिरहँदा गण्डकी प्रदेशका मुख्यमन्त्री पनि आलोचित बनेका थिए । उनले यो डिस्कोर्स सुरुमात्र गरेको यसबारे निष्कर्ष सबैले निकाल्ने बताएका थिए । लामो समयको डिस्कोर्ष पनि पोखरामा मनोरञ्जनात्मक क्षेत्र ‘इञ्जोय जोन’ बनाइने भएको छ । गण्डकी प्रदेशको पर्यटन, वन तथा वातावरण मन्त्रालयले इञ्जोय क्षेत्र बनाउने तयारी गरेको हो ।

 

धेरैले यसलाई गलत रुपमा लिएको पनि बुझिएको छ । रेडलाइट क्षेत्रमा यौन क्रियाकलाप मात्रै हुन्छ । तर, ‘इञ्जोय जोन’ भनेको रेड लाइट क्षेत्रको नयाँ भर्जन हो । मनोरञ्जनमा खाने, बस्ने, सुत्ने सहित यौनजन्य क्रियाकलाप लगायत मनोरञ्जनात्मक सबै कुरा खुल्ला हुन्छ ।

 

यौनजन्य क्रियाकलापलाई वैद्यता दिएर कर उठाउनुपर्ने विषयमा उनले एउटा डिस्कोर्ष नै चलाएका थिए । कतिले उनलाई समाजमा अपाच्य कुरा गरेको भन्दै आलोचना पनि गरेका थिए । मुख्यमन्त्री गुरुङले आफुले डिस्कोर्षमात्र चलाएको बताउँदै आफ्नो स्पष्टिकरण दिएका थिए । रेडलाइट एरियालाई मर्यादित रुपमा अगाडि बढाउनु पर्ने डिस्कोर्ष आफुले सुरु गरेको तर, यसबारे गलत टिप्णी भएको भन्दै उनले आफ्नो बचाउ गरेका थिए ।

अहिले फेरि इञ्जोय जोनको अवधारणा अघि सारिएको छ । जुन मुख्यमन्त्रीकै योजनासँग मिल्दोजुल्दो छ । यद्वपी यसको नेतृत्व अहिले मुख्यमन्त्रीले नभई पर्यटन, वन तथा वातावरणमन्त्रीले विकास लम्सालले गरेका छन् । पर्यटनमन्त्री लम्सालले रेडलाइट एरिया भनेर तुच्छ बनाउनुभन्दा यसलाई इञ्जोय क्षेत्र भनेर सामान्यीकरण गर्नुपर्ने बताउँछन् ।

 

उनका अनुसार इञ्जोय क्षेत्रमा मनोरञ्जनात्मक रुपमा पर्ने सबै कुरा हुनेछन् । इञ्जोय जोनमा गइसकेपछि पर्यटकले चाहेको सबै आनन्द र स्वाद लिन पाउने खालको बनाइने मन्त्री लम्सालले स्पष्ट पारे । जसमा खाना, खाजा, खेल्ने, रमाउने, स्विमिङदेखी ज्याकोजीसम्म हुनेछ । त्यस्तै इञ्जोय जोनमा लागू पदार्थसमेत सेवन गर्न पाइने ब्यबस्था हुनेछ । जसमा गाँजा, भाङ, धतुरोदेखी मदिराजन्य सबै तथा यौन तथा यौनजन्य क्रियाकलाप गर्न तथा गराउन पाइनेछ ।

 

इञ्जोय क्षेत्रमा सुरक्षाको पूर्ण ज्ञारेन्टी हुने मन्त्रालयले जनाएको छ । इञ्जोय जोनमा प्रहरी प्रशासनको पहुँच हुने छैन । भित्र कुनै लफडा वा लडाईं झगडा भइहाले त्यहिंको आन्तरिक प्रशासनले हेर्ने व्यवस्था राखेर इञ्जोय क्षेत्र बनाउने तयारी गरिएको मन्त्री लम्सालले जानकारी दिए ।

 

इञ्जोय क्षेत्र बनाउनका लागि बजेटसमेत विनियोजन भएको मन्त्री लम्सालले जानकारी दिए । उनका अनुसार पर्यटनमा नया प्रोडक्ट थप्नका लागि अध्ययन, अनुसन्धान र डिपिआर तयार गर्न प्रदेश सरकारले ९ करोड बजेट छुट्याएको हो । सो रकमबाटै इञ्जोय क्षेत्रको डिपिआर तयार गर्ने तयारी थालिएको उनको भनाई छ । यो आर्थिक वर्षको अन्त्य सम्ममा डिपीआर तयार गरिसक्ने लक्ष्य लिइएको उनले बताए ।

 

इञ्जोय जोन पोखरामै बनाइने मन्त्री लम्सालले बताए । उनले भने,‘पोखरामै हुन्छ, तर सहरको केन्द्र भागमा भन्दा केहि पर, कोलाहल नभएको शान्त र त्यसले समाजमा असर नपार्ने ठाउँको खोजी हुनेछ ।’ इञ्जोय जोन बनेपछि पर्यटक आकर्षित हुने, पर्यटकको संख्यामा बृद्धि हुने र आएका पर्यटकको बसाई लम्विने मन्त्रालयको ठम्याइ छ । इञ्जोय क्षेत्र बनाउने पर्यटन मन्त्रीको योजनामा पर्यटन व्यवसायीहरुपनि सहमत देखिएको छ । पोखरा पर्यटन परिषदका अध्यक्ष चिरञ्जिवी पोखरेल समाजलाई असर नपर्नेगरी एकान्त ठाउँमा इञ्जोय खोल्न सकिने बताउँछन् ।

 

समाजमा अहिलेपनि यौन क्रियाकलाप प्रत्यक्षरअप्रत्यक्ष रुपमा भइरहै छन्–उनले भने,‘यो मानवीय आवश्यक्ता हो, पर्यटकहरु रमाइलो गर्नकै लागि आएका हुन्छन्, यदी सरकारले यसलाई ब्यबस्थित गरेर लैजान सक्छ भने यो सञ्चालनमा ल्याउनु राम्रो कुरा हो ।’ तर यसबाट सामाजिक विकृति भने भित्रन नहुने उनको भनाई छ । इञ्जोय क्षेत्रबाहेक अन्य क्षेत्रमा भने त्यस्ता क्रियाकलाप पूर्ण रुपमा निशेध गर्नुपर्नेसमेत उनले बताए । इञ्जोय जोनले पर्यटकलाई आकर्षित गर्ने र त्यसले पर्यटको आगमनमासमेत बृद्धि ल्याउने उनले बताए ।

 

पश्चिमाञ्चल होटल संघका अध्यक्ष विकल तुलाचनपनि राज्यले नीति नियम बनाएर इञ्जोय जोन बनाउन तयार हो भने त्यो राम्रो कुरा भएको बताउँछन् । तर सो क्षेत्र सुरक्षित र मर्यादित हुनुपर्ने उनको भनाई छ । अहिले लुकीछिपी भइरहेकोलाई ब्यबस्थित बनाउने त हो नि–उनले भने,‘तर इञ्जोय जोनप्रति समाजले कसरी हेर्छ भन्ने कुराले यसको भविष्य निर्धारण हुन्छ ।’ उनले इञ्जोय जोनले पर्यटक बढाउनेमा दुइमत नरहेको बताए । होटल तथा रेष्टुरेण्ट एसोसियन लेखनाथका निवर्तमान अध्यक्ष दामोदरभक्त थापाले पनि पर्यटक भुलाउने र आकर्षित गर्ने इञ्जोय जोन बनाउने प्रदेश सरकारको कदम स्वागत योग्य भएको बताए ।

 

निश्चित क्षेत्र तोकिसकेपछि अन्य ठाउँमा भने रोकिनुपर्ने भन्दै उनले भने,‘पर्यटक आकर्षित गर्न र आएका पर्यटकलाई भुलाउन यो अत्यन्त आवश्यक छ, तर एक ठाउँमा राखिसकेपछि अर्को ठाउँमा भने जथाभावी नफैलियोस् ।’ सहरलाई छोएको कुनै क्षेत्रमा इञ्जोय जोन बनाउन उपयुक्त हुने भन्दै यसले पर्यटनमा टेवा पु¥याउने बताए ।


थप समाचार

बाँके घटनाका दोषी पक्राउ परिसकेको गृहमन्त्रीको भनाई

  • 2 minutes ago
बाँके घटनाका दोषी पक्राउ परिसकेको गृहमन्त्रीको भनाई

काठमाडौँ । गृहमन्त्री रामबहादुर थापा बादलले बिहीबार बाँकेको खजुरामा भएको घटनामा दोषी रहेकालाई पक्राउ गरिएको बताएका छन् । आइतबार संसदमा जवाफ दिने क्रममा थापाले उक्त घटनामा संलग्नलाई पक्राउ गरिसकेको बता

ट्युनिसियामा राष्ट्रपतिका लागि मतदान

  • 10 minutes ago
ट्युनिसियामा राष्ट्रपतिका लागि मतदान

ट्युनिस । ट्युनिसियामा नयाँ राष्ट्रपति चयनका लागि आइतबार मतदान भइरहेको छ ।

तालिबानका छायाँ प्रान्तीय गभर्नर मारिए

  • 11 minutes ago
तालिबानका छायाँ प्रान्तीय गभर्नर मारिए

आयबाक । सरकारी फौजको कारबाहीमा अफगानिस्तानको उत्तरी सामानगान प्रान्तका लागि तालिबानका छायाँ गभर्नर मौलवी नूरुद्दीन समेत कम्तीमा १२ जना तालिबान लडाकूहरु मारिएका छन् ।



प्रेम र यौन

सेक्स गर्दा नै निकाे हुन्छन् केही राेगहरू

सेक्स गर्दा नै निकाे हुन्छन् केही राेगहरू

एजेन्सी । मानिसमा शारीरिक सम्बन्धको बारेमा विभिन्न धारण रहेको हुन्छ । कसैले यसलाई राम्रो रुपमा लिन्छन् भने कसैले यसलाई निजी र गोप्य राख्न चाहान्छन् ।

जीवनशैली/स्वास्थ्य

खाली पेटमा यी ७ खानेकुरा नखाएकै राम्रो

खाली पेटमा यी ७ खानेकुरा नखाएकै राम्रो

राम्रो स्वास्थ्यका लागि स्वस्थकर खाना खानु आवश्यक रहेको हुन्छ । कुनै पनि खाना खाने उचित समेत रहेको हुन्छ । गलत समयमा खाना खाँदा स्वस्थमा नराम्रो असर पार्न जान्छ । आज हामी तपाईलाई खाली पेटमा खान नुहने खानाहरुबारे बताउँदै छौ ।