एजेन्सी । बेलायतमा ठूलो संख्यामा भारतीय प्रवासी बसोबास गर्छन्। सुरक्षाका हिसाबले बेलायतलाई सुरक्षित मानिन्छ, तर पछिल्ला तीन दिन त्यहाँ असुरक्षा बढ्दै गएको मिडिया रिपोर्टमा उल्लेख छ ।
पछिल्लो तीन दिनमा तीन जना भारतीयको मृत्यु भएको छ ।
पछिल्लो घटना दक्षिण लन्डनको हो, जहाँ केरलाका ३८ वर्षीय भारतीय मूलका पुरुषलाई छुरा प्रहार गरी हत्या गरिएको बताइएको छ।
त्यही क्रममा तीन दिनअघि एक बेलायती भारतीय किशोर र हैदरावादका एक विद्यार्थीको चक्कु प्रहारबाट मृत्यु भएको थियो । अरविन्द शशिकुमारको शुक्रबार साउथह्याम्पटन वेस्थित एक आवासीय घरबाहिर छातीमा छुरा प्रहार गरी हत्या भएको महानगरीय प्रहरीले जनाएको थियो ।
प्रहरीले शशिकुमारका रुममेट सलमान सलीमलाई हत्याको आरोप लगाएको थियो ।
सञ्चारमाध्यमका अनुसार २५ वर्षीय सलिमले झगडापछि शशिकुमारको छुरा प्रहार गरी हत्या गरेका थिए । प्रहरीका अनुसार अभियुक्त सोही दिन क्रोइडन मजिस्ट्रेटको अदालतमा हाजिर भएको र जुन २० मा ओल्ड बेलीमा उपस्थित हुन हिरासतमा राखिएको थियो।
