जो १ पैसा लगानी नउठ्दा पनि फिल्म बनाउन छोड्दैनन्

  • सोमबार, ६ फागुन, २०७५
  • 3 months ago
  • युके

 

ध्रुबराज अर्याल, लण्डन । बेलायतको रेडिंगमा स्थायी रुपमा बस्दै आएका छन् फिल्ममेकर प्रेम लामा । डेढ दशकअघि पहिलोपटक बेलायतमा नेपाली फिल्म बनाएका उनले त्यसयता थप ३ फिल्महरुको निर्माण गरिसकेका छन् । 

 

सन् १९९१ मा बेलायत आएका प्रेमलाई साहित्य, कलाप्रतिको रुची धेरै अघिदेखि नै थियो । तर पनि नेपालमै रहंदा आफ्नो रुचीअनुसार खासै केहि गर्ने मौका पाएका थिएनन् उनले । 

 

बेलायत आएपछि झन् वातावरण थप असहज बनेको थियो सुरुमा । तर पनि उनको लगाव र तिव्र ईच्छा निरन्तर थियो । जसको फलस्वरुप सन् २००३ मा प्रेमले बेलायतमै एक नेपाली फिल्म निर्माण गरे 'मेनिका' । जुन बेलायतमै निर्माण भएको सबैभन्दा पहिलो नेपाली फिल्म थियो । 

 

सन् २००९ मा दोस्रो फिल्मका रुपमा 'कसुर' निर्माण गरेका प्रेमले सन् २०१५ मा 'यु टर्न' बनाए । हालै निर्माण सम्पन्न भएको उनको चौथो तथा पछिल्लो चलचित्र 'एटीन' यहि फेब्रुअरीको २४ मा लण्डनमा प्रिमियर शो गर्ने तयारी छ । 

 

यी सबै फिल्महरुमा कथा लेखन, निर्देशन तथा निर्माण प्रेम आफैले गरेका छन् । यु टर्न मा शीर्ष भुमिकामै देखिएका उनले अरु चलचित्रहरुमा पनि साइड रोलमा अभिनय समेत गरेका छन् । 

 

 

 

हालसम्म आफ्नै निर्माण र निर्देशनमा बेलायतमै प्रेमले बनाएका चलचित्रको संख्या ४ पुगिसक्यो । हरेक फिल्मको लागि कम्तीमा ३५ देखि ४० हजार पाउण्डसम्म खर्च गरेका छन् उनले । यो हिसाबले अहिलेसम्म २ करोड रुपिया बढिको लगानी गरिसकेका उनले रिटर्न चाहिं कति पाए होला ? सुन्दा पत्यार नलाग्न सक्छ, तर अहिलेसम्म उनले फिल्ममा गरेको लगानीको १ पैसा सम्म उठेको छैन । 

 

प्रेमले विगतमा निर्माण गरेका फिल्महरुलाई केहि शो बेलायतका दर्शकहरुमाझ देखाएका थिए । तर ती शोहरुबाट उठेको केहि रकम हल, टिकट प्रिन्टिंग, प्रचारप्रसार आदिमै खर्च गर्न पुग नपुग भयो । 

 

तेस्रो फिल्म यु टर्नलाई नेपालका समेत विभिन्न हलहरुमा लगेर देखाउने कोशिस गरे प्रेमले । जसको प्रचार प्रसारकै लागि १० लाख रुपिया खर्च भएको थियो । नेपालका आधा दर्जन भन्दा बढि हलहरुमा फिल्म चल्यो तर उनले १ पैसा पाएनन् । 

 

नेपालमा फिल्महरुको वितरण र प्रदर्शन गराउने सिस्टम नै फितलो रहेका कारण आफु जस्ता निर्माताहरु मर्कामा परेको उनले बुझेका छन् । विगतको अनुभवबाट थप होशियार बन्दै चौथो फिल्म एटीनलाई पनि नेपाल लगेर प्रदर्शन गराउने योजना उनीसंग छ । 

 

'मैले फिल्मको लागि लगानी गर्नुअघि नै बुझेको हुन्छु यो पैसा उठ्दैन भनेर, त्यसैले यसलाई स्वीकार्न मलाई गार्हो हुंदैन ', प्रेम भन्छन्, 'मेलै देखेको छु अरुले बेलामौकामा होलिडे जाने,  विभिन्न मनोरञ्जनका लागि पैसा खर्च गर्ने गर्छन् । मैले त्यहि खर्च बचाएर फिल्मको लागि लगानी गर्ने गरेको छु ।' 

 

'१५ वर्ष अघि मैले करिब ५० लाख रुपिया खर्च गरेर फिल्म बनाउने बेला मेरो साथीले १५ लाख रुपियामा किनेको जग्गा अहिले करोडौं पर्ने भइसक्यो, तर त्यो देखेर मलाई दुख लाग्दैन' , प्रेमले सुनाए,  'आफ्नो फिल्ममार्फत प्रवाह गर्न खोजेको सन्देश सम्बन्धित दर्शकसम्म पुर्याउन सके मात्रै भने पनि मलाई सन्तुष्टी मिल्छ ।' 

 

प्रेमले अहिलेसम्म बनाएका सबै ४ वटै फिल्मको सबै लगानी उनी एक्लैले गरेका हुन् । बेलायतमा उनले सञ्चालन गर्दै आएको क्याफेबाट हुने आम्दानी नै उनको फिल्म निर्माणको लागि बजेट जुटाउने एक्लो आधार छ । 

 

प्रेमले निर्माण गर्ने हरेक चलचित्रको केन्द्रमा बेलायतमा बस्ने नेपालीहरु रहन्छन् । उनीहरुको भोगाइ, अवस्था र भावनाहरु नै उनका फिल्महरुले बोल्ने गरेका छन् । 'फिल्म निर्माण गर्नको लागि मेरो सबैभन्दा ठूलो प्रेरणाको स्रोत नै बेलायतबासी नेपालीहरु हुन् । फिल्ममार्फत उनीहरुको अवस्था देखाउने मात्र नभएर उनीहरुकै लागि केहि सन्देश दिने उद्धेश्य मेरो रहन्छ', प्रेमले भने । 

 

फिल्म निर्माणमा  आवश्यक पर्ने क्यामेरा, लेन्सहरु लगायतका विभिन्न इक्विपमेन्टहरु पनि उनी आफैले जुटाएका छन् । जसको लागि मात्रै करिब ४० हजार पाउण्ड उनले खर्च गरेका छन् । 

 

नेपाली फिल्मको लागि यति धेरै समय, शक्ति, र आर्थिक लगानी गरिसकेका प्रेम भविष्यप्रति भने निकै आशावादी छन् । उनले फिल्ममार्फत  दिन खोजेको सन्देश लक्षित दर्शकहरुले बिस्तारै बुझ्ने क्रम सुरु भएजस्तो उनलाई महसुस भएको छ । 

 

'हरेक नयाँ कुरा बुझ्न, बुझाउन तत्काल सम्भव हुंदैन, केहि निश्चित समय आवश्यक हुन्छ नै' , प्रेमलाई विश्वास छ, 'अवश्य त्यो दिन आउनेछ जब मैले फिल्ममार्फत व्यक्त गर्न खोजेकोे सन्देशलाई मेरा दर्शकहरुले बुझिदिनेछन् । त्यतिबेला मजस्ता निर्माताले फिल्ममा गरेको लगानी उठ्ने वातावरण समेत बन्नेछ ।' 

 

 

‘एटीन’ को रेड कार्पेट प्रिमियर 

 

प्रेम लामाकै निर्देशन तथा निर्माणमा बनेको चौंथो तथा पछिल्लो फिल्म हो एटीन । दुई साताअघि लण्डनमा एक कार्यक्रम गरी फिल्मको अफिसियल ट्रेलर र पोष्टर सार्वजनिक गरिएको थियो । 

 

प्रेमिस भिजनको ब्यानरमा निर्मित एटिनको रेड कार्पेट प्रिमियर  यहि फेब्रुअरी २४ मा ह्यारोस्थित सफारी सिनेमामा गराइंदैछ ।  सम्पुर्ण छायांकन बेलायतमै गरिएको यस फिल्ममा नेपालबाट बेलायत आएर ‘सेटल’ भएको पहिलो पुस्ता र बेलायतमै जन्मेर यतै हुर्किएको दोस्रो पुस्ताबीच ‘जेनेरेशन ग्याप’ र त्यसले उत्पन्न गराउने पारिवारिक द्धन्द्धलाई खोजिएको निर्देशक लामाले बताए ।

 

एटीनमा प्रसुना कंडेल, राजदिप राई, अम्बिका राई,सनम कुमार वैराग, रितेश चाम्स लगायतका कलाकारको अभिनय छ ।  नेपाली समुदाय बाहिरका क्रिस एपलटन, राजा मिया, स्टेफनी सान्चेज र मिली एन्डरसनले पनि फिल्ममा अभिनय गरेका छन् । 

 

फिल्ममा संगीत चन्द्र कुमार डोङ र तारा प्रकाश लिम्बु, स्वर निर्मला घिसिङ र तारा प्रकाश लिम्बु, शब्द चन्द्र कुमार डोङ र अन्जु श्रेष्ठ, ब्याकग्राउण्ड साउण्ड डिजे एल.एक्स. पौडेल, सम्पादन किरण राज थापा तथा छायांकन कुशल श्रेष्ठ र अरोण अशोक कुमारको छ । 

 

 


थप समाचार

ला लिगाका खेल सकिए, कुन टिम च्याम्पियन्स लिग खेल्दै कुन रेलिगेट ?

  • 7 minutes ago
ला लिगाका खेल सकिए, कुन टिम च्याम्पियन्स लिग खेल्दै कुन रेलिगेट ?

काठमाडौँ । स्पेनिस घरेलु लिग ला लिगाको खेलहरु सकिएका छन् । लिगको उपाधि बार्सिलोनाले जितेको छ । बार्सिलोनासहित एट्लेटिको मड्रिड, रियल मड्रिड तथा भ्यालेन्सिया च्याम्पियन्स लिगको लागि छनोट भएका छन् ।

प्रहरीले गोली हानेर पक्राउ गरेकाे ‘डाँका काले’को वीर अस्पतालमा उपचार हुँदै

  • 22 minutes ago
प्रहरीले गोली हानेर पक्राउ गरेकाे ‘डाँका काले’को वीर अस्पतालमा उपचार हुँदै

काठमाडौँ । प्रहरीले सर्वाधिक खोजीको सूचिमा रहेका ‘डाँका काले’ भनिने विष्णु तामाङलाई गोली हाने नियन्त्रणमा लिएको छ । सोमबार बिहान प्रहरीले काठमाडौँको टोखाबाट गोली हानेर प्रहरीले नियन्त्रणमा लिएको हो ।

मेसीले पाए पीचीची अवार्ड, गोल्डेन बुट पाउने सम्भावना पनि बलियो

  • 40 minutes ago
मेसीले पाए पीचीची अवार्ड, गोल्डेन बुट पाउने सम्भावना पनि बलियो

काठमाडौँ । बार्सिलोनाका स्टार खेलाडी लियोनल मेसी घरेलु लिग ला लिगाको उच्च गोलकर्ता बन्दै पीचीची अवार्ड पाएका छन् । उनले लिगको सबै खेल सक्दा कूल ३६ गोल गरे ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।