लण्डनमा पृथ्वीनारायणको सम्झना

  • शनिबार, २८ पुष, २०७५
  • 5 months ago
  • युके
Education Park

लण्डन । २ सय ९७ औं पृथ्वी जयन्ती तथा राष्ट्रिय एकता दिवस बेलायतमा पनि एक कार्यक्रम गरी मनाइएको छ । 

 

हरेक वर्ष जस्तै संयुक्त राष्ट्रवादी नेपाली संगठन बेलायतको आयोजनामा सम्पन्न कार्यक्रममा यहांस्थित नेपाली समुदाय र विभिन्न संघसंस्थाका प्रतिनिधिहरुको सहभागिता रह्यो  । 

 

संगठनका अध्यक्ष भरत रोका क्षेत्रीको अध्यक्षतामा लण्डनको सडवरीस्थित हिमालयन क्लबमा गरिएको कार्यक्रमका वक्ताहरुले नेपाल राष्ट्रका निर्माताका रुपमा पृथ्वीनारायण शाहको योगदानको इतिहास कहिल्यै नमेटिने धारणा व्यक्त गरे । 

 

पछिल्लो  समय नेपाल सरकार र राजनीतिक दलहरुबाट राष्ट्र निर्माताको सम्मानमा कञ्जुस्याइं भएकोप्रति भने उनीहरुले गुनासो पोखे । पृथ्वीनारायणको योगदानलाई राजसंस्थासंग मात्रै जोडेर हेर्नु उपयुक्त नहुने विचार उनीहरुले राखे । 

 

कार्यक्रमका प्रमुख अतिथि तथा लण्डनस्थित नेपाली दूतावासका उपप्रमुख शरदराज आरनले विश्वमाझ नेपाललाई एक स्वाधिन तथा स्वाभिमानी राष्ट्रका रुपमा स्थापित गर्न पृथ्वीनारायण शाहको ठूलो योगदान रहेको बताए । नेपाल सरकारले पनि पृथ्वीनारायणबाट भएको राष्ट्र एकिकरणको महत्वलाई बुझेर पृथ्वी जयन्तीलाई राष्ट्रिय एकता दिवसका रुपमा मनाएको उनले उल्लेख गरे । 

 

कार्यक्रम आयोजक संयुक्त राष्ट्रवादी नेपाली संगठनका अध्यक्ष भरत रोका क्षेत्रीले नेपालमा सरकार र राजनीतिक दलका नेताहरुले राष्ट्रनिर्मातालाई आवश्यक सम्मान दिन नसक्नु दुखद रहेको बताए । देशमा जस्तासुकै राजनीतिक परिवर्तनहरु भएपनि पृथ्वीनारायणले एकिकृत राष्ट्र निर्माण गरेको इतिहास कहिल्यै परिवर्तन हुन नसक्ने उनको भनाइ थियो । 

 

आयोजक संयुक्त राष्ट्रवादी नेपाली संगठनका अध्यक्ष भरत रोका क्षेत्री

 

 

विशेष अतिथि बुद्धिजिबी डा राघवप्रसाद धिताल (ओबिई) ले पृथ्वीनारायण शाहको विषयमा नकारात्मक टिप्पणी हुनुको पछाडि अध्ययनको कमी तथा अज्ञानता कारक रहेको दाबी गरे । एकिकृत राष्ट्र निर्माणको क्रममा पृथ्वीनारायण शाहले निर्वाह गरेको भुमिकालाई तत्कालिन समय र परिवेशको आधारमा मुल्यांकन गरिनुपर्ने उनको धारणा थियो । 

 

नेपाली सेनाका पूर्व सेनानी कुमार बस्नेतले पृथ्वीनारायण शाहको योगदानलाई राजसंस्थाको घेराभित्र सिमित गरेर मात्र हेर्दा न्यायसंगत नहुने भन्दै राष्ट्र निर्माणमा उनले पुर्याएको योगदान बिर्सिन नहुने बताए । 

 

साहित्यकार विकलचन्द्र आचार्यले गोर्खा राज्य र नेपाल एकिकरणको इतिहास र पृष्ठभुमिका बारेमा बताए । लेखक हेमन्त पौडेलले नेपाल एकिकरण राष्ट्र निर्माण कि युद्ध अपराध विषयमा एक प्रस्तुति गरे । 

 

कार्यक्रममा एनआरएन यूकेका उपाध्यक्ष प्रेम गाहा मगर, विश्व हिन्दू महासंघका युरोप संयोजक खगेन्द्र पाठक, पर्यटन बोर्डका पूर्व प्रतिनिधि तथा समाजसेवी ध्रुव केसी, साहित्यकार हरिसिंह थापा, कृष्णजंग शाह, कृष्णप्रसाद ढकाल, रमेश लामा , महेश रेग्मी लगायतका वक्ताहरुले नेपाल राष्ट्रका निर्माताको रुपमा पृथ्वीनारायण शाहको योगदान सदैव स्मरणयोग्य रहने धारणा व्यक्त गरेका थिए । कार्यक्रममा विशेष अतिथिको रुपमा लण्डनस्थित नेपाली दूतावासका मिलिटरी एट्याजी कर्णेल कुमारबाबु थापा पनि उपस्थित थिए । 

 

कार्यक्रमको सुरुमा अतिथि तथा सहभागीहरुले पृथ्वीनारायण शाहको तस्विरमा माल्यापर्ण गरी श्रद्धाञ्जली अर्पण गरेका थिए । कार्यक्रमको सञ्चालन चेतमान केसीले गरेका थिए । 

 

देशमा गणतन्त्र स्थापना भएलगत्तै नेपाल सरकारले मनाउन छोड्दा समेत संयुक्त राष्ट्रवादी संगठन बेलायतले भने पृथ्वी जयन्ती तथा एकता दिवस हरेक वर्ष कार्यक्रम आयोजना गरी मनाउंदै आएको छ । सुरुका वर्षमा सहभागीहरु न्यून रहेपनि पछिल्ला वर्षहरुमा भने कार्यक्रममा सहभागिता बढ्दै गएको देखिन्छ । 

 

 


थप समाचार

अष्ट्रेलिया विशेषः शैक्षिक संस्था परिवर्तन गर्ने बारे सोच्दैं हुनुहुन्छ ?

  • 1 minute ago
अष्ट्रेलिया विशेषः शैक्षिक संस्था परिवर्तन गर्ने बारे सोच्दैं हुनुहुन्छ ?

आर्थिक कारण, पढाइमा समस्या, विषय वा शैक्षिक संस्था मन नपरेको आदि अनेक कारण देखाउँदै अहिले पनि कैयौँ विद्यार्थीले शैक्षिक संस्था परिवर्तन गरिरहेका छन् ।

काभ्रेका तीन स्थानमा भेटिएकाे बम सबै डिस्पाेज

  • 4 minutes ago
काभ्रेका तीन स्थानमा भेटिएकाे बम सबै डिस्पाेज

काभ्रे । कार्यकर्ता हत्याको विरोधमा प्रतिबन्धित नेकपाले बन्द आह्वान गरेको दिन एकाबिहानै काभ्रेका विभिन्न स्थानमा बम भेटिएको छ । जिल्ला प्रहरी कार्यालय काभ्रेका अनुसार बिहान हुँदा नहुँदै काभ्रेक

पोखराका तीन ठाउँमा बम फेला, डिस्पोज गर्ने तयारी

  • 11 minutes ago
पोखराका तीन ठाउँमा बम फेला, डिस्पोज गर्ने तयारी

पोखरा । प्रतिबन्धित विप्लव समुहले पोखराका तीन ठाउँमा बम राखेको छ । नेपाल बन्दको आव्हान गरेको विप्लव समुहले पोखराको विजयपुरको पुल पारी ओरालोमा प्रेसरकुकर बम राखेको बताइएको छ ।



प्रेम र यौन

यी हुन् विश्वका ५ चर्चित यौन बजार

यी हुन् विश्वका ५ चर्चित यौन बजार

पछिल्लो समय यौनलाई मानिसहरुले आधारभूत आवश्यकताको रुपमा लिँदै आएका छन् । सोही कारणले गर्दा कतिपय देशका सरकारहरुले नै अनुमति दिएर यौन बजार खुल्दै आएको छ । जसलाई हामी ‘रेड लाइट’ एरिया भन्छौं । यहाँ हामीले विश्वका चर्चित ५ यौन बजारको बारेमा जानकारी प्रस्तुत गरेका छौं ।

जीवनशैली/स्वास्थ्य

किन हुन्छ हर्मोनमा गडबडी ? यस्ता छन् लक्षण र रोकथाममा उपायहरु

किन हुन्छ हर्मोनमा गडबडी ? यस्ता छन् लक्षण र रोकथाममा उपायहरु

काठमाडौं । हर्मोन कुनै कोष वा ग्रन्थीबाट उत्पादन हुने रसायन हो । हाम्रो शरीरमा कुल दुई सय तीन किसिमका हर्मोन हुन्छन्, जसले फरक–फरक क्रियालाई नियन्त्रण गर्छन् ।

विचित्र विश्व

एउटा यस्तो ठाउँ जहाँ बहुविवाहका लागि यसरी बाध्य पारिन्छ !

एउटा यस्तो ठाउँ जहाँ बहुविवाहका लागि यसरी बाध्य पारिन्छ !

विश्वभर केही यस्ता देशहरु रहेका छन् जहाँ अजब गजब नियम कानुनहरु रहेका छन् । नेपालमा एकभन्दा बढी विवाहलाइै गैरकानुनी मानिन्छ । नेपालमा कानुनको पालना गर्दै मानिसहरु एउटा विवाह गर्नेछन् ।