‘तुझसे नराज नही जिंदगी’ गाउने गायक अनुप घोषालको ७७ वर्षको उमेरमा निधन

एजेन्सी । बंगाली फिल्म उद्योगका चर्चित गायक अनुप घोषालको निधन भएको छ । ७७ वर्षको उमेरमा अनुपको निधन भएको हो ।

अनुप घोषाल लामो समयदेखि स्वास्थ्यमा समस्या देखिएपछि उनलाई निजी अस्पतालमा भर्ना गरिएको थियो ।

तर, उपचारका क्रममा शुक्रबार दिउँसो १ः४० बजे गायकको मृत्यु भएको हो ।

अनुप घोषाल बलिउडका चर्चित गायक थिए । अनुप घोषालको हिन्दीमा सबैभन्दा लोकप्रिय गीत ‘तुझसे नाराज नही जिंदगी’ हो । यो बलिउडको सदाबहार गीतहरू मध्ये एक हो। यसबाहेक उनले उद्योगमा धेरै गीत गाइसकेका छन् । अनुप कोलकाताका थिए। बलिउड बाहेक उनले बंगाली र भोजपुरी गीत पनि गाएका छन् ।