ISMT

HUB Education

प्रचण्ड कामरेड ! काँध फेर्ने कि काँधमा काँध मिलाउने

Education Park

 

Kathmandu Trade Show

 


भन्छन्, र धेरैले मान्छन् पनि कि नेपाल कम्युनिस्ट पार्टी (नेकपा) का एकजना अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड’ अस्थिर छन् । कतिपय प्रचण्डलाई नेपालको राजनीतिक वृत्तमा ‘चतुर खेलाडी’ का रुपमा लिन्छन् ।

 

प्रचण्डलाई नजिकबाट नियाल्नेहरुका बुझाईमा ‘ट्याक्टिकल मुभ’ गर्नसक्ने, जोखिम मोल्न सक्ने र कतिपय सुविचारित र योजनावद्ध ढंगले नभई गञ्जागोललाई ‘ट्याक्टिस’ को आवरणमा कार्यकर्ता र जनताको ध्यान आकर्षित गर्न सक्छन् भने पार्टी बाहिरका शक्तिहरुसँग उनी सजिलै घुलमिल हुनसक्छन् र आफ्ना कट्टर विरोधीहरुसँग संवाद गर्न पछि नपर्ने उनको खुबी हो । उनी शान्त तलाउमा ढुंगा हानेर तरंगित पैदा गर्दै केन्द्रविन्दुमा आफै रहेको सन्देश प्रवाह गर्छन् । यो उनको शैली हो ।


हो, अहिले फेरि नेकपाका अध्यक्ष प्रचण्ड एकाएक चर्चामा छन् र नेपालको राजनीतिमा खासगरी नेकपाको आन्तरिक जीवनमा तरंग पैदा गरेका छन् । जबर्जस्त ढंगले वर्षदिन अघि पार्टी एकता गर्ने बेलामा भएको तत्कालीन नेकपा एमालेका अध्यक्ष केपी ओलीसँग भएको भनिएको सहमति सार्वजनिक गर्दै आफू १५ महिनापछि मुलुकको प्रधानमन्त्री हुने वा पार्टीको एकल बागडोर सम्हाल्ने भन्ने पक्षमा रहेको खुलेरै बोले ।

 

प्रचण्डको यो बोली छिमेकी देश भारतका नवनियुक्त प्रधानमन्त्री नरेन्द्र मोदीको सपथग्रहणमा प्रचण्ड प्रधानमन्त्री रहेको बेला २०७३ भदौ ३१ गते राजकीय भ्रमणमा दिल्ली पुगेकै बेला यता अख्तियारको प्रमुख आयुक्त रहेका लोकमानसिंह कार्कीले प्रधानमन्त्री प्रचण्डमाथि मुद्दा चलाउने भनिदिंदा उताको वार्ता असहज भएको अवस्थासँग तुलना गर्नेहरु पनि छन् ।

 

जे होस्, प्रधानमन्त्री ओली दिल्ली टेकेकै दिन गतवर्ष एकताका बेला सत्ता साझेदारीको गोप्य भनिएको सहमतिपत्र ठ्याक्कै त्यसैबेला बाहिर आएपछि धेरैको मनमा झस्को पसेको छ । र नेपाली राजनीतिमा अस्थिरताको बिऊ रोपिएको त होइन फेरि भनेर एउटा तप्का चिन्तित हुन पुगेको देखिन्छ । यो चिन्तालाई मान्ने हो भने प्रचण्डको कुबेलाको यो बोलीले अस्थिरताको ‘खिल’ गाडिदिएको छ, जुन धेरै वर्षसम्म देश र पार्टीलाई विझाईरहनेछ ।


अर्कातर्फ नेपालमा कम्युनिस्ट एकता भएको नरुचाउनेहरु देशले समृद्धितर्फ यात्रा गरेको र देशमा राजीतिक स्थायित्व कायम भएको पचाउन नसक्नेहरु तथा नेपालको राजनीतिलाई अस्थिर बनाई धमिलो पानीमा माछा मार्न सकिन्छ भन्नेहरुका लागि प्रचण्डको यो बोलीले केही सुनपानी छर्केजस्तै बनेका हुनसक्छन् । तर राष्ट्रवादी जनता भने यसबाट सशंकित र चिन्तित बनेका छन् । नेपालमा कुनै न कुनै कार्य कायम राखिरहने र त्यसकै आधारमा यहाँ दबाब र तनाव बनाइरहने नीतिको एउटा कडीको रुपमा देखा परेका थिए – सीके राउत ।

 

प्रधानमन्त्री ओलीको सुविचारक र सचेततापूर्वक अग्रसरताले त्यो कार्ड अहिले निष्क्रिय भएपछि विप्लवलाई कार्ड फ्याकिएको त छैन भन्ने राजनीतिक वृत्तमा शंका उपश)काहरु उठिरहेका बेला प्रचण्डको यो बोलीपछि झुलबाहिर बसेका लामखुट्टेहरु फेरि सल्बलाउन पुगेका छन् । सवालहरु यतिमात्रै छैनन् । तत्कालीन नेकपा एमालेका नेताहरुलाई मैले लाइन लगाएर प्रधानमन्त्री बनाएँ भन्ने कथन बारम्बार बताउने प्रचण्डलाई यो गुणको पैचो चाहिएको कुरा बुझ्न कठिन छैन । त्यसो त २०६५ सालमा तत्कालीन नेकपा एमालेले उनलाई गिरीजाप्रसाद कोइराला र उपेन्द्र यादवहरुसँगै लाइनमा कुराउन सक्दथ्यो भन्ने कुरा विर्सनुहुँदैन ।

 

त्यसो त गुणको पैंचो, पानीको पैंचो वा पीठोको पैंचो जस्तो रुपमा लिने कि विज्ञापनको विषयका रुपमा अघि बढाउने त्यो बेग्लै विषय पनि बनाउन सकिन्छ । चुनावका ताका साझा घोषणा पत्र मार्फत् रोपेका विरुवा हुर्काउने, देखेका सपनालाई मूर्त रुप दिने र परिकल्पनालाई व्यवहारमा लागु गर्ने सन्दर्भमा नेकपाकै अध्यक्ष ओली नेतृत्वको यो सरकार जुटिरहेका बेला आएका यस्ता अभिव्यक्तिले अस्थिरता बढाउन मलजल गर्छ भन्ने कुराको हेक्का राख्न जरुरी छ ।

 

भलै यी कुरा असल नियतका साथ वा सोचविचार नगरी आएका पनि हुनसक्छन् । जब यात्रा गरिरहेको जहाज प्वाल पर्छ तब डुब्नबाट कोही जोगिदैन । विमर्श र बहस गर्ने ठाउँ धेरै होलान् तर गर्नैपर्ने पार्टी एकताका धेरै कामहरु अझै बाँकी छन् । समयमै पूरा गर्नुपर्ने कामहरु ढिलो ढिलो कछुवा गतिमा भैरहेका छन् । यसले गर्दा कार्यकर्ताहरु मौनताको पट्टी लगाएर बस्न बाध्य छन् । बदलिंदो व्यवहारको बर्को ओढेर मौनतासँगै असहाय र निरीह बनाएर कार्यकर्ताको भावनामाथि खेल्ने कोशिस भयो भने कार्यकर्ताहरुसँग फगत गुनासा मात्रै रहने छैनन् आक्रोशको ज्वाला पनि निस्कन सक्छ भन्ने कुरा कसैले विर्सनु हुँदैन । पार्टी एकता सम्बन्धी कामहरु पूरा नहुँदा पार्टी कामले गति लिन सकिरहेको छैन । गर्नुपर्ने काम प्राथमिकतामा नराखीदा नयाँ नयाँ समस्याहरु देखा पर्दैछन् । पार्टीका अंग र अवयवहरु अपुष्ट छन् ।

 

अहिले मुख्य कार्यभार भनेको घोषणापत्र अनुसार सरकारले आफना कामहरु दृढताका साथ अघि बढाउने र पार्टी एकता सम्बन्धी कार्य सबै पूरा गर्नु नै हो । तर यसबाट बरालिएर यसको ठाउँमा ऊ र उसको ठाउँमा ऊ मात्रै बदल्ने खेलमा फसियो भने जनताको भावना र मर्ममाथि भद्दा मजाक सिवाय केही हुँदैन । यदि यस्तै कार्यशैली बढ्दै गए जनता र कार्यकर्ताले भविष्यमा फैसला त गर्ने नै छन् । तसर्थ नेकपाले नेपाल र नेपालीको मुहाल बदल्न बोकेको विराट संभावना र कार्यकर्ताहरुको सपनामाथि कसैले खेलवाड नगरौं राम्रा कामलाई गलत अभ्यासबाट नगरौं, नरोकौं । एकताको मर्मलाई सम्मान गर्दै अघि बढौं ।


पार्टी एकताको मर्म र जनताको भावना अनुरुप अघि बढ्यौं भने घुमिफिरी शीर्ष तहकै नेताहरु नै हो बागडोर सम्हाल्ने । किन आत्तिनुपर्‍यो ? किन सिंगौरी खेल्नुपर्‍यो ? किन जुँगाको लडाई लड्नुपर्‍यो । १५ महिना पछि को के हुने भनेर अहिले नै किन औला भाँचृेर बस्नुपर्‍यो । पार्टी रहे, पार्टीमा कार्यकर्ताको विशाल पंक्ति रहे, जनताको अपार समर्थन् प्राप्त रहीरहे आलोपालो आइहाल्छ, रुँदै हिंड्नुपर्दैन । तर पार्टी कमजोर भयो र कार्यकर्ताहरु तिरस्कृत भए, जनताको भावनामाथि ठेस पुग्यो भने भन्न सकिंदैन । जुन कुरा नेतृत्वले हमेसा हेक्का राख्नुपर्छ ।

 

त्यसैले नेकपाको भविष्यमा कमरेड प्रचण्ड नेपाली महाथिर बन्ने अवसर गुमाउन हुँदैन । अहिले सरकारलाई अस्थिर बनाउनु भनेको पार्टीलाई कमजोर बनाउनु, वितृष्णा बढाउनु र प्रकारान्तरले बामपन्थीको सरकारको औचित्यतामाथि प्रश्न उठाउने मानक स्थापित गर्न खोज्नु जस्ता विषय बलशाली बन्न पुग्नेछन् । त्यसैले नेताहरुले बरालिएको मनलाई संयमित राख्नुपर्दछ । शीर्ष नेताहरु एकतावद्ध भएर अघि बढ्नुको विकल्प छैन । सरकार र पार्टीको गतिविधि तीव्रताका साथ अघि बढाउन गियर बदल्न जरुरी छैन । यस विषयमा सघन छलफल, बहस हुनुपर्दछ ।

 

खबरदारी पनि गर्नुपर्छ । स्वस्थ आलोचना सुन्नु पनि पर्दछ । आफ्नो जिम्मेवारी र वोध के हो ? भन्ने कुरा सबैले बुझ्नुपर्छ । एक्लै हिंडेर कोही कतै पुग्दैन । नत कसैलाई निषेध गरेर नै अघि बढ्न सकिन्छ । मूलतः पार्टीका दुई अध्यक्ष खुला हृदयका साथ काँध फेर्ने होइन काँधमा काँध मिलाएर पार्टी एकताको स्प्रिड र जनभावना अनुरुप अघि बढ्नुको विकल्प छैन । प्रचण्ड कमरेडका लागि नेकपामा उज्यालो र सुदूर भविष्य छ । तसर्थ कमरेड प्रचण्ड नाङ्लो हुने कि चाल्नो हुने भन्ने विषय गम्भीरतापूर्वक लिनुपर्दछ । नाङ्लोले असल चिज राख्छ र कुँडाकर्कट अर्थात् नराम्रो चिज फ्याँक्छ । चाल्नोले असल चिज छिराउँछ, नचाहिने चिजमात्र संग्रह गर्छ ।


अन्त्यमा,


सहिदको रगतले के भन्छ हामीलाई
सही बाटो हिंड्दैछौ कि भुल्यौ दाजुभाई ?


थप समाचार

एक होटेलमा आगलागी हुँदा आठको मृत्यु

  • 5 hours ago
एक होटेलमा आगलागी हुँदा आठको मृत्यु

एजेन्सी । युक्रेनको बन्दरगाह शहर ओडेशामा शनिबार बिहान सबेरै भएको आगलागीमा परी आठ व्यक्तिको मृत्यु हुनको साथै अन्य अन्य १० जना घाइते भएका आपतकालिन सेवा प्रदायक संस्थाले जानकारी दिएको छ ।

कश्मीरमा आंशिक रूपमा टेलिफोन सेवा सुरू

  • 5 hours ago
कश्मीरमा आंशिक रूपमा  टेलिफोन सेवा सुरू

एजेन्सी । भारत प्रशासित कश्मीरमा झण्डै दुई हप्तादेखि बन्द गरिएको फोन सेवालाई आंशिक रूपमा सुरु गरिएको छ । कश्मीर उपत्यकामा अहिले अहिले १७ वटा टेलिफोन एक्सचेन्जमार्फत ‘ल्यान्डलाईन’ सेवा मात्र सञ्चालनमा

अक्षयको ‘मिशन मंगल’ को दोस्रो दिनमा कति कमायो ?

  • 5 hours ago
अक्षयको ‘मिशन मंगल’ को दोस्रो दिनमा कति कमायो ?

एजेन्सी । अक्षयले पछिल्लो समय जुन फिल्म पनि गरेका छन्, त्यसमा देशभक्ति झल्किएको हुने गर्दछ । उनको फिल्म ‘मिशन मंगल’ विहिबार बाट प्रदर्शनमा आएको छ ।



प्रेम र यौन

महिलाहरुको लागि हस्तमैथुनले कस्तो भूमिका खेल्छ ?

महिलाहरुको लागि हस्तमैथुनले कस्तो भूमिका खेल्छ ?

एजेन्सी । यौनको कमि, साथीसँगको नराम्रो सम्बन्ध तथा आत्मविश्वासको कमि जस्ता कुराहरुले महिलाको स्वस्थ्यमा असर पुग्ने देखिन्छ । लाइफस्ट्याल कोच ‘लुक कुटिनो’ का अनुसार एक महिलाले जीवनमा यी तीन चीजको कमि रहेमा राम्रो सोच्न नसक्ने बताउँछन् । यौनको असन्तुष्टीलाई मेटाउने एक मात्र विकल्पको रुपमा हस्तमैथुन रहेको छ । यसै हस्तमैथुन किन महिलाको लागि फाइदाजनक छ भनेर चर्चा गरौं ।

जीवनशैली/स्वास्थ्य

तौल बढेर हैरान हुनुहुन्छ ? एक कप चिया पिएर तौल घटाउनुहोस

तौल बढेर हैरान हुनुहुन्छ ? एक कप चिया पिएर तौल घटाउनुहोस

एजेन्सी । आफ्नो शरीरको चिन्ता सबै व्यक्तिलाई हुने गर्दछ । हरेक व्यक्ति वजन कम या आफ्नो तौललाई नियन्त्रणमा राख्न चाहन्छन् । बढ्दो वजन धेरै रोगको कारण पनि बन्ने गर्दछ ।

विचित्र विश्व

६ वर्षका बालकले ३ हजारभन्दा बढि पटक ‘पुश अप’ लगाएपछि...

६ वर्षका बालकले ३ हजारभन्दा बढि पटक ‘पुश अप’ लगाएपछि...

एजेन्सी । रुसका ६ बर्षीय बालक इब्राहिम ल्यानोभले अनौठो रेकर्ड बनाएका छन् । उनले दुई घण्टामा ३२७० ‘पुश अप’ लगाएर नौलो रेकर्ड बनाए । उक्त रेकर्डलाई ‘रशियन बुक अफ’ रेकर्ड्समा सामेल गराइएको छ । यसैगरि उनी सामाजिक सञ्जालमाभाइरल भएका छन् ।