यसरी भयो १३ वर्षीय किशोरी निर्मला पन्तको बलात्कार अनि हत्या

काठमाडौं । कञ्चनपुरको भीमदत्त नगरपालिका–२ की १३ वर्षीया किशोरी निर्मला पन्तको बलात्कारपछि हत्या गरेको अभियोगमा प्रहरीले एक जनालाई पक्राउ गरेको छ । सो घटनामा संलग्न अभियुक्तलाई यथाशक्य चाँडो पक्राउ गरी सत्यतथ्य बाहिर ल्याउन दबाब खेपिरहेको प्रहरीले घटनाको २५औं दिन अभियुक्तलाई पक्राउ गरेको हो । गत ११ साउनमा किशोरी पन्तको हत्या भएको थियो ।

 

पक्राउ परेका अभियुक्त भीमदत्त नगरपालिका–१९ खन्ना चौराहाका ४१ वर्षीय ९दिलुवा० भनिने दीलिपसिंह विष्टलाई प्रहरीले जिल्ला प्रहरी कार्यालय कञ्चनपुरमा पत्रकार सम्मेलन गरेर सार्वजनिक गरेको छ । केन्द्रीय अनुसन्धान ब्युरो ९सीआईबी० र कञ्चनपुर प्रहरीको टोलीले भीमदत्त नगरपालिका–१९ बाँगफाँटाका विष्टलाई पक्राउ गरेको हो ।

दैनिकजसो प्रदर्शन, आन्दोलनकारीको लामो दबाबपछि प्रहरीले हत्यामा संलग्न भएको आरोपमा विष्टलाई पक्राउ गरेको हो । जिल्ला प्रहरी कार्यालय कञ्चनपुरका अनुसार अभियुक्त विष्टले बयानमा आफूले निर्मलाको बलात्कारपछि घाँटी थिचेर हत्या गरेको स्वीकार गरेका छन् । उनलाई जिल्ला अदालत कञ्चनपुरमा उपस्थित गराइएको थियो ।

 

यसरी भयो बलात्कार अनि हत्या

 

पन्त गत १० साउनमा कञ्चनपुरको भीमदत्त नगरपालिका–१८ मा रहेकी साथी रोशनी बमको घरमा बिहान करिब ११ बजेर १५ मिनेट जाँदा विज्ञान विषयको उत्तरपुस्तिका लिन गएकी थिइन् । त्यहाँ झन्डै दुई घण्टाको बसाइपछि उनी तीनवटा नोटकापी, एउटा कालो प्लास्टिकमा अम्बा र रोशनीले दिएको २० रुपैयाँ बोकेर करिब सवा २ बजे घर फर्किइन् ।

 

उनी भीमदत्त नगरपालिका–१८ र २ को सिमानामा पर्ने निम्बुखेडा खोलाको पूर्व उत्तरतर्फको उखुबारी हुँदै फर्केकी थिइन् । 

 

निर्मलाको साइकलको चेन बिग्रिरहने समस्या थियो । बाटोमा हिँडिरहेका बेला साइकलको चेन खराब भएको थियो । चेन खराब भएपछि विष्टले बनाइदिएका थिए । एकान्त सो ठाउँमा कोही नदेखेपछि उनले उखुबारीमा लगेर पन्तलाई बलात्कार गरेका थिए । बलात्कारपछि उनले हत्या गरेका थिए ।

 

‘बलात्कार गर्दा योनीबाट रगत बगेपछि पक्राउ पर्ने डरले घाँटी थिचेर हत्या गरेको हुँ,’ अभियुक्त विष्टको बयान उद्धृत गर्दै जिल्ला प्रहरी कार्यालय कञ्चनपुरका प्रहरी उपरीक्षक डिल्ली विष्टले भने । करिब साढे २ देखि ३ बजेको बीचमा बलात्कार र हत्याको घटना भएको प्रहरीले निष्कर्ष निकालेको छ ।

 

घटना सार्वजनिक भएको भोलिपल्टै केन्द्रीय अनुसन्धान ब्युरोबाट प्रहरी नायब उपरीक्षक अंगुर जीसी, प्रहरी निरीक्षक विजय सापकोटा र प्रहरी नायब निरीक्षक धर्मेन्द्र राई नेतृत्वको टोली अनुसन्धानका लागि कञ्चनपुर पुगेको थियो । अनुसन्धानमा संग्लन प्रहरी टोलीले कञ्चनपुरस्थित जिल्ला कारागारबाट बलात्कार र कर्तव्य ज्यान मुद्दामा सजाय भुक्तान गरेर छुटेका पूर्वकैदीहरूको गतिविधि निगरानी गरिरहेको थियो ।

 

विष्टमाथि शंका लागेर प्रहरीले आइतबार राति ८ बजे भीमदत्त नगरपालिका–१९ खन्ना चौराहानजिकै नहरबाट पक्राउ गरेको भए पनि सार्वजनिक नगरी अनुसन्धान गरेको थियो ।

 

आफ्नै कान्छा भिनाजु नारायणसिंह थापाको हत्या गरेको अभियोगमा जेल सजाय भोगेका दीलिप २०७४ जेठमा मात्रै कैद सजाय पूरा गरेर छुटेका थिए । नौ वर्ष हत्या आरोपमा कारागार बिताएर आएका उनले होटलमा भाँडा माझ्ने, मजदुरी गर्नेलगायत काम गर्दै आएका थिए ।

 

दीलिपलाई जबर्जस्ती करणी र कर्तव्य ज्यान मुद्दामा जिल्ला अदालत कञ्चनपुरले म्याद थप गरेको छ । जिल्ला प्रहरी कार्यालय कञ्चनपुर र केन्द्रीय अनुसन्धान ब्युरोको समन्वयमा उनीमाथि थप अनुसन्धान भइरहेको छ ।

 

कञ्चनपुर प्रहरी र सीआईबीको टोलीले दीलिपको विगतसमेत आपराधिक पृष्ठभूमिले भरिएको बताएको छ । गाँजा र मादक पदार्थका अम्मली रहेका दीलिप ९ कक्षामा पढ्ने बेलामा नै एक युवतीसँग एकोहोरो मायामा परेका थिए । मन पराएकी युवतीलाई बारम्बार बाटो छेक्ने र दुःख दिने गरेपछि युवतीका आफन्तले उनलाई टाउकोमा चोट पर्नेगरी कुटपिट गरेका थिए । त्यसपछि पढाइ छाडेका दीलिपले केटीप्रति आशक्त व्यवहार देखाउने र असामान्य व्यवहार देखाउने गरेका थिए । ब्युरोले दीलिप यसअघि पनि विभिन्न बलात्कारको घटनामा संग्लन रहेको र परिवारका निम्ति समेत त्रास बन्ने गरेका बताएको छ । नौ वर्ष जेल गएर आएको हो अब फेरि एक जनाको हत्या गरेर जेल जानेछु भन्दै उनले परिवारका सदस्यलाई तर्साउने गरेको प्रहरीले जनाएको छ । आजको राजधानी दैनिकबाट ।


थप समाचार

किन झमझमाउँछ खुट्टा ?

  • 21 seconds ago
किन झमझमाउँछ खुट्टा ?

एजेन्सी । खुट्टा निदाउँने वा झमझमाउने समस्याले तपाईलाई कत्तिको सताउने गरेको छ ? खुट्टा भारी भएजस्तो हुने, स्पर्श अनुभव गर्न नसक्ने, झन्झनाहट हुने अवस्थालाई खुट्टा निदाएको भनिन्छ । खुट्टामा दवाव

राष्ट्रिय गौरवका आयोजना स्थानीय तहले अनुगमन गर्नुपर्छः नेता शर्मा

  • 20 minutes ago
राष्ट्रिय गौरवका आयोजना स्थानीय तहले अनुगमन गर्नुपर्छः नेता शर्मा

बागलुङ । नेपाल कम्युनिष्ट पार्टी (नेकपा)का स्थायी कमिटी सदस्य जनार्दन शर्माले राष्ट्रिय गौरवका आयोजनामा स्थानीय तहले नै अनुगमन गर्नुपर्नेमा जोड दिएका छन् । मध्यपहाडी लोकमार्गको अनुगमनका क्रममा

यी चर्चित ५ बलिउड सेलिब्रेटी जसले विवाह नै नगरी भर्जिनिटी गुमाए

  • 30 minutes ago
यी चर्चित ५ बलिउड सेलिब्रेटी जसले विवाह नै नगरी भर्जिनिटी गुमाए

सेलिब्रेटीहरुको भर्जिनिटीको बारेमा धेरै थरी कुराहरु मिडियामा आइरहन्छन् । यस्तैमा करण जौहरको आत्मकथा ‘एन अनस्युटेबल ब्वाइ’ हालै मात्र सार्वजनिक भएको छ । यो पुस्तकमा आफ्नो करणले आफ्नो यौन झुकावको बारेमा



भिडियो

प्रेम र यौन

यौनवर्धक भियाग्राको प्रयोग कति उचित ?

यौनवर्धक भियाग्राको प्रयोग कति उचित ?

काठमाडौँ । उमेर पुगेका हरेक व्यक्तिलाई यौनको चाहाना हुनु स्वाभाविक नै मानिन्छ तर यदि कोहि महिला वा पुरुषलाई यौन चाहानामा गडबढी हुनु पनि सामान्य हुँदै गएको छ ।

जीवनशैली/स्वास्थ्य

किन झमझमाउँछ खुट्टा ?

किन झमझमाउँछ खुट्टा ?

एजेन्सी । खुट्टा निदाउँने वा झमझमाउने समस्याले तपाईलाई कत्तिको सताउने गरेको छ ? खुट्टा भारी भएजस्तो हुने, स्पर्श अनुभव गर्न नसक्ने, झन्झनाहट हुने अवस्थालाई खुट्टा निदाएको भनिन्छ । खुट्टामा दवाव पर्न जाँदा यस्तो हुने गर्छ ।

विचित्र विश्व

एक अजबगजबका सन्त !

एक अजबगजबका सन्त !

पौराणिक कथाहरूमा ऋषि–मुनिहरूले हजारौं वर्षसम्म तपस्या गरेका प्रसंग आउँछन्, उनीहरूको तपस्याबाट प्रसन्न भएर इश्वर प्रकट हुन्छन् र उनीहरूले मोक्षको प्राप्ति गर्दछन् ।