रमणीय रारा - 'रारा कि अप्सरा'

  • शुक्रबार, १ चैत, २०७५
  • 2 months ago
  • नेपाल
source-google

‘मुगु राम्रा रारा ताल, शुभ भए आउने साल’ अजबहादुर शाहीको यो देउडाजस्तो रारा मुगुको मात्र होइन संसारकै सुन्दर ताल हो । हिमाली जिल्ला मुगुमा रहेको यो ताल जैविक तथा प्राकृतिक दृष्टिकोणले निकै महत्वपूर्ण छ । ६८१७ मिटर अग्लो काञ्जिरोवा हिमालको काखमा छ । हिउँले छोपेको रारा युरोपको स्विट्जरल्यान्डभन्दा कम छैन । 

 

मौसम खुलेका बेला रारा ताल आकाश हेर्ने ठूलो ऐना हो । नीलो पानीको क्यानभासमा आकाश रोमाञ्चक देखिन्छ । करिब १ सय ७० मिटर गहिरो यस तालको जस्तो गाढा नीलो पानी शायद संसारमा बिरलै यस्तो भेटिएला ।

 

रारा नेपालको सबैभन्दा ठूलो ताल हो । हिमालको फेदमा रहेको यो ताल रूप फेरिरहन्छ । प्रत्येक कुनाबाट फरक दृश्य देखिने रारा मौसमअनुसार फेरबदल भइरहन्छ । रारा वरिपरिको परिदृश्य र यसको पानीको रंग छेपाराका जस्तै रंग फेरिरहन्छ । तालको नीलो पानीमा कान्जिरोवा तैरिरहेको देखिन्छ । मध्यान्हको प्रकाशमा किरणमा नाचिरहेका पानीका थोपा हीराजस्ता लाग्छन् । स्नो ट्राउट माछा, हाँस, जलेवालगायतको जलक्रिडाले थप उत्तेजित बनाउँछ ।

 

१० हजार फिट उचाइमा रहेको रारा ताल करिब ८ वर्गकिलोमिटर क्षेत्रफलमा फैलिएको छ । यसको लम्बाइ ५ र चौडाइ २ किलोमिटर छ । रारालाई फन्को मार्न चाहनेका लागि गोरेटो बाटो बनाइएको छ, ताल वरिपरि फन्को मार्न ८ देखि १० घण्टा समय लाग्छ । करिब १५ दिनको यात्राले त्यस क्षेत्रका सम्पूर्ण प्राकृतिक दृश्यको आनन्द लिन सकिन्छ ।

 

ढुंगा चढेर तालको आनन्द लिँदाको मजा नै बेग्लै । स्थानीय वेशभूषा र आकर्षक जीवनशैली यहाँका अन्य हेर्नलायक कुराहरू हुन् । यहाँ बस्न र खानाका लागि केही लजहरूको पनि व्यवस्था गरिएको छ ।

 

लामो यात्रा गर्न मन छ भने रारा ताल घुम्न जानु उपयुक्त हुन्छ । काठमाडौंबाट रारा ताल पुग्ने दुईवटा विकल्प छन्– सडक र हवाई यातायात । पैदल हिँड्ने हो भने सुर्खेतबाट २ दिनको यात्रा गरेपछि सिंजा उपत्यका पुगिन्छ । सिंजाबाट एकदिनको यात्रापछि मुगुको गमगढी पुगिन्छ । त्यहाँबाट ३ घण्टाको पैदल यात्रापछि रारा पुगिन्छ ।

 

हवाई यात्राका लागि भने नेपालगन्ज र सुर्खेत विमानस्थलबाट मुगुको ताम्चा विमानस्थलसम्म उडेपछि तीन घण्टा पैदलयात्रा गर्नुपर्छ रारा पुग्न । हेलिकप्टरबाट जाने हो भने मज्जैले खुट्टालाई आराम दिन सकिन्छ । हेलिकप्टरलाई तालकै छेउमा अवतरण गर्न सकिन्छ ।

 


थप समाचार

महिनावारीका बेला पेट दुखेमा...

  • 27 minutes ago
महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।

माझी भाषी फिल्म ‘मोङो डोङा–२’ को रिलिज मिति तोकियो

  • 43 minutes ago
माझी भाषी फिल्म ‘मोङो डोङा–२’ को रिलिज मिति तोकियो

काठमाडौं । माझी भाषी फिल्म ‘मोङो डोङा–२’ रिलिज मिति तोकिएको छ । गायक तथा अभिनेता यमनका स्टारर् ‘मोङो डोङा–२’ यही जेठ २५ गतेबाट दर्शकमाझ रिलिजमा आउने भएको छ ।

भारतमा भएको सातौँ चरणको मतदानमा मात्र ६१.१३ प्रतिशत मतदाताको सहभागिता

  • 44 minutes ago
भारतमा भएको सातौँ चरणको मतदानमा मात्र ६१.१३ प्रतिशत मतदाताको सहभागिता

नयाँ दिल्ली । भारतमा आइतबार सम्पन्न सातौं चरणको निर्वाचनमा ६१.१३ प्रतिशतले मतदान गरेको आँकलन निर्वाचन आयोगले साँझ ६ः४५ मा आफ्नो वेबसाइटमार्फत सार्वजनिक गरेको छ ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।