साहित्य चौतारीको दोस्रो वार्षिकत्सवमा नेटवर्क लाइब्रेरी शुभारम्भ

  • बुधबार, २७ भदौ, २०७५
  • 10 months ago
  • युके
Education Park

 

लण्डन । साहित्य चौतारी यूकेको दोश्रो वार्षिक उत्सव तथा २४औं श्रृंखला गत  शनिबार एक समारोहबीच सम्पन्न भयो । 

 

साहित्य चौतारीका एक सक्रिय सदस्य एवम् समाजसेवी अर्कराज तिम्सिनाको सभापतित्वमा सम्पन्न कार्यक्रमका प्रमुख अतिथि हाल बेलायत भ्रमणमा रहेका नेपाली डायस्पोरिक साहित्यका विज्ञ एवम् साहित्यकार डा. गोविन्दराज भट्टराई थिए भने विशिष्ट अतिथिहरुमा हाल बेलायतको भ्रमणमा रहेकी भागवतवाचनमा देश विदेशमा ख्यातिप्राप्त सपनादेवी श्रेष्ठ र वुल्वीच लाईब्रेरीका प्रबन्धक टोनी मेरियोन थिए । 

 

करिब ४० जना साहित्यकार एवम् साहित्यानुरागीहरुको उपस्थिति रहेको सो कार्यक्रममा स्वागत मन्तव्य साहित्य चौतारी यूकेका संयोजक वासु शर्माले दिएका थिए । 

 

दोश्रो वार्षिक उत्सवको अवसर पारेर साहित्य चौतारी यूकेले नेपाली हातेमालो पुस्तकालय ( नेपाली नेटवर्क लाइब्रेरी )  को शुभारम्भ गरेको छ । कार्यक्रमका प्रमुख अतिथिद्वारा वेभसाइटको उद्घाटन गरिएको सो पुस्तकालयमा बेलायतमा छरिएर रहेका नेपालीहरुसंग रहेका नेपाली भाषा साहित्यका विभिन्न ग्रन्थहरुको सूचि https://www.nepalinetworklibrary.org.uk  मा राखी पढ्न चाहनेहरुले पुस्तक धनीसंग सम्पर्क र अनुरोध गरी पढ्नका लागि सापटी लिने दिने प्रयोजनका लागि साहित्य चौतारी यूकेद्वारा हातेमालो पुस्तकालयको थालनी गरिएको हातेमालो पुस्तकालयका संयोजक विनोद न्यौपानेले बताए । 

 

सो अवसरमा साहित्य चौतारी यूकेलाई सहयोग पुर्याउने विभिन्न संस्था एवम् व्यक्तिहरुलाई प्रसंशापत्र प्रदान समेत गरिएको थियो । यसरी प्रसंशापत्र प्राप्त गर्ने संस्थाहरुमा वुल्वीच लाइब्रेरी, साहित्य संगम यूके र वातावरण साहित्य सन्जाल यूके थिए भने व्यक्तिहरुमा वुल्वीच लाइब्रेरीका टोनी मेरियोन र शाजिया अहमेदका साथै नेपालबाट अनलाइन जोडिएर श्रोतव्यक्तिका रुपमा सहयोग पुर्याएका करुण थापा, डा. रजनी ढकाल, डा. नेत्र एटम र डा. द्रोण पौडेल थिए । 

 

चौतारीका एक सक्रिय सदस्य दिनेश पौड्यालद्वारा सन्चालित सो कार्यक्रम साहित्य चौतारी यूकेको अनलाइन रेडियो http://nepaliwriters.uk  मार्फत प्रत्यक्ष प्रसारण गरिएको थियो । 

 

कार्यक्रममा प्रमुख अतिथि र विशेष अतिथिहरुको मन्तव्यहरुका साथै उपस्थित कविहरुले कविता वाचन समेत गरेका थिए ।

 


थप समाचार

डी लिट्टले किन बार्सिलोनाको अफर लत्याएर युभेन्ट्स गए ?

  • 23 seconds ago
डी लिट्टले किन बार्सिलोनाको अफर लत्याएर युभेन्ट्स गए ?

एजेन्सी । इटालियन क्लब युभेन्ट्सले नेदरल्याण्ड्सका युवा खेलाडी माथिस डी लिट्टलाई भित्र्याएका छन् । उनलाई स्पेनिस क्लब बार्सिलोना र फ्रान्सेली क्लब पीएसजीले अफर गरेको भए पनि उनी इटालियन घरेलु लिग विजेत

अष्ट्रेलियाको पीआर लिएकाहरू न्यूजिल्याण्डमा गएर बस्न र काम गर्न पाउँछन् कि पाउँदैनन् ?

  • 4 minutes ago
अष्ट्रेलियाको पीआर लिएकाहरू न्यूजिल्याण्डमा गएर बस्न र काम गर्न पाउँछन् कि पाउँदैनन् ?

केही दिन अगाडि मलाई एउटा फोन आयो । फोन गर्ने व्यक्तिले आफू इमिग्रेशन डिपार्ट्मेन्टको अफिसर भएको, अष्ट्रेलियाको सरकारले विद्यार्थीको लागि नयाँ नियम ल्याएको

'प्रिय मान्छेलाई कसैसँग तुलना नगर्नुस्'

  • 11 minutes ago
'प्रिय मान्छेलाई कसैसँग तुलना नगर्नुस्'

एक दाजु भाई हरेक दिन समुद्रको किनारै किनार हिड्ने गर्थे । सँगै हिड्दा दाजुले कहिलेकाही भाईलाई पिट्ने वा गालीगलौज गर्ने गथ्र्यो । तर, भाई जवाफ फर्काउँदैनथ्यो, बरू रिस उठ्नासाथ दाजुले आज गाली ग¥यो भन्द



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

गुणकारी मेथी हरेक दिन खानुका १० फाइदाहरू यस्ता छन्

गुणकारी मेथी हरेक दिन खानुका १० फाइदाहरू यस्ता छन्

मेथी अधिकांश नेपालीको भान्सामा नछुट्ने चिज हो । भान्सामा हामी विभिन्न परिकारमा मेथीको प्रयोग गर्ने गर्छौं ।

विचित्र विश्व

सुन्दर युवतीका क्रुर श्रीमान !

सुन्दर युवतीका क्रुर श्रीमान !

काठमाडौँ । सुन्दरता बढाउनका लागि मानिस हरसम्भव प्रयास गर्छ । विशेषत महिलाहरु आफ्नो सुन्दरतालाई लिएर धेरै नै चिन्तित हुन्छन् । हर लोग्ने मानिसहरुको इच्छा पनि आफ्नी श्रीमति सुन्दर होस् भन्ने चाहाना हुन्छ ।