डोनेस्क ‘नायक’ को सम्झना र सम्मानमा आयोजित ¥यालीमा दशौँ हजार सहभागी

डोनेस्क, रूस । यूक्रेनी पृथकतावादी नेताको गत शुक्रबार भएको हत्याको विरोध गर्दै हजारौँको सङ्ख्यामा डोनेस्कमा जम्मा भएका नागरिकले उनको सम्झना तथा सम्मानमा आइतबार गरिएको शोक ¥यालीमा सहभागिता जनाएका छन् । 

 

रूसी राष्ट्रपतिका समर्थकले मृतक ४२ बर्षीय अलेक्जेन्डर जाखारचेन्कोलाई यूक्रेनी नायकको नामले सम्बोधन गर्ने गर्थे । दशौँ हजारको सङ्ख्यामा सहभागी भएका डोनेस्कबासीले शुक्रबार एउटा रेष्टुरेन्टमा बिष्फोटमा मारिएका जाखारचेन्कोको अन्तिम सम्मानका लागि शोक गरिएको ¥यालीमा सहभागिता जनाएका थिए । 

 

शुक्रबारको घटनामा जाखारचेन्कोसहित उनका सुरक्षा सहयोगीको मृत्यु भएको थियो भने करिब दश जना घाइते भएका थिए । उनी विगत चार बर्ष यता मारिएका मस्को समर्थक यूक्रेनी उच्च अधिकारी हुन् । 

 

कम्तीमा लाख जनाले जाखारचेन्कोको मृत शरीर राखिएको स्थानमा पुगी श्रद्धाञ्जलि अर्पण गरेका थिए । स्वघोषित डोनेस्क गणराज्यका प्रमुख जाखारचेन्कोको अन्तिम संस्कारका लागि गरिएको सभामा अलेक्जेन्डर जाल्देभस्तानोभ, रुसी सांसद नाटालिया पोकलोन्सकाया लगायतका रूसी पक्षधर उच्च नेताहरूको सहभागिता रहेको थियो । 

 

सहभागी ४१ बर्षीय ओक्सानाले भने, “उनीहरूले हाम्रो मुटुको टुक्रा चुडेर लगेका छन् । हामीले यो दुखद घटनालाई कहिल्यै विर्सने छैनौँ । उहाँ सधैँ एकै परिवारको सदस्यजस्तो व्यवहार गर्नुहुन्थ्यो । यो म र मेरा साथीका लागि अपुरणीय क्षति भएको छ ।” 

 

उनको हत्यारालाई क्षमा हुने छैन, अर्का सहभागी ३५ बर्षीय सेर्गेई कापुस्टिनले थपे । 

 

‘¥यालीमा हामी सबैको एउटै मातृभूमि–– रूस’ भन्ने व्यानर बोकेका सहभागीले आँखाभरी आँसु लिएर शहरको विभिन्न भाग पुगेका थिए । 

 

रूसले हत्यालाई उत्तेजना फैलाउने काम भनेको छ । उसले पश्चिमा राष्ट्रहरूको पहलमा भएको शान्तिवार्ता भङ्ग गर्ने प्रयास भनेको छ । 

 

जाखारचेन्कोले रूसी पक्षधर विद्रोहीको विगत चार बर्ष यता नेतृत्व गर्दै आएका थिए। 

 

सन् २०१४ मा जाखारचेन्को डोनेस्कको प्रथम राष्ट्रपतिमा सर्वसम्मत रूपमा चुनिएका थिए । 

 

सन् २०१४ मा रूसले क्रिमियालाई गाभेपछि पूर्वी यूक्रेनको डोनेस्क र लुगान्सकमा रूसी समर्थनमा विद्रोह भएपछि करिब १० हजार नागरिकले ज्यान गुमाएका थिए । 

 

कीभ र पश्चिमा मुलुकहरूले उक्त विद्रोहका लागि मस्कोले उक्साएको दावी छ तर रूसले यसलाई नकार्दै आएको छ । 


थप समाचार

राष्ट्रपतिबाट हुने कार्यसम्पादन उपराष्ट्रपतिले गर्ने

  • 5 minutes ago
राष्ट्रपतिबाट हुने कार्यसम्पादन उपराष्ट्रपतिले गर्ने

काठमाडौँ । राष्ट्रपति विद्यादेवी भण्डारीले आफ्नो अनुपस्थितिमा राष्ट्रपतिबाट सम्पादन हुने कार्य उपराष्ट्रपति नन्दबहादुर पुनबाट सम्पादन गरिने गरी तोकेकी छन् । राष्ट्रपति भण्डारी चिनियाँ समकक्षी स

पराकम्पकाे ह्याट्रिक, नाैबिसे केन्द्रविन्दु भएर दियाे तेस्राे धक्का

  • 23 minutes ago
पराकम्पकाे ह्याट्रिक, नाैबिसे केन्द्रविन्दु भएर दियाे तेस्राे धक्का

काठमाण्डौ । विनाशकारी भूकम्प गएको ४ वर्ष पुग्नु एकदिन अघि धादिङको नौबिसे केन्द्रबिन्दु भएर बुधबार तेस्रो परकम्प गएको छ ।

आफन्तको छोरी घरमा आएको मौका पारी बलात्कार, १९ वर्षीय युवक पक्राउ

  • 34 minutes ago
आफन्तको छोरी घरमा आएको मौका पारी बलात्कार, १९ वर्षीय युवक पक्राउ

काभ्रेपलाञ्चोक । पन्ध्रवर्षे किशोरीलाई बलात्कार गरेको अरोपमा मण्डन देउपुर नगरपालिका–३ नयाँगाउँका एक युवक पक्राउ परेका छन् ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

स्वस्थ रहन यी कुरामा विशेष ध्यान दिनुहोस्

स्वस्थ रहन यी कुरामा विशेष ध्यान दिनुहोस्

एजेन्सी । स्वस्थ रहन सबैले आफ्नो तौलको जानकारी लिनुपर्छ । यो सजिलैसंग जान्न सकिन्छ । यसको सूत्र हो, आफ्नो उचाई ९सेन्टिमिटर० मा १०० घटाउने ।