पूर्वएमाले नेताको खुलासाः ‘माछा मार्न भन्दै गोरेले ब्याट्री र तार लगेका थिए’

ब्याट्रीले करेन्ट लगाएर सनमको हत्या

  • शुक्रबार, ११ जेष्ठ, २०७५
  • 7 months ago
  • नेपाल
सुनकाण्डका नाइके भनिएका चुडामणि उप्रेती ‘गोरे’

काठमाडौं । सुनकाण्डका नाइके भनिएका चुडामणि उप्रेती ‘गोरे’ ले माछा मार्न भन्दै लगेको ब्याट्रीबाट करेन्ट लगाएर आफ्ना साथी सनम शाक्यको हत्या गरेको खुलेको छ । 

 

मोरङको उर्लाबारी निवासी  ‘गोरे’ ले बिहीबार साँझ पक्राउ परेका उर्लाबारी नगरपालिका–२ निवासी सुन व्यापारी रेवत आचार्यले शुक्रबार यस्तो खुलासा गरेका हुन् । 

 

साढे ३३ किलो सुनकाण्ड र सनम हत्याकाण्डमा मुछिएका चुडामणि उप्रेती गोरेसँग कनेक्सन पाइएपछि प्रहरीले ३८ वर्षीय आचार्यलाई उर्लाबारीबाटै पक्राउ गरेको थियो । आचार्य पूर्वएमाले स्थानीय नेता पनि हुन् । 

 

‘बक्राहा खोलामा माछा मार्न भन्दै गोरले मेरैबाट ब्याट्री र तार लगेका थिए’, उनले भने, ‘तर, त्यही ब्याट्रीबाट करेन्ट लगाएर सनमको ज्यान लिएको मैले पनि प्रहरीबाट थाहा पाएँ ।’

 

उर्लाबारीकै कान्छी चोक नजिकै रहेको जंगलमा पिकनिक खान भन्दै लगिएका सनमलाई गोरे र उनका अन्य सहयोगीले यातना दिने क्रममा करेन्ट लगाएको प्रहरी अनुसन्धानबाट खुलेको छ । 

 

गत माघ ७ गते त्रिभुवन विमानस्थलबाट तस्करी भएको साढे ३३ किलो सुन हराएपछि तस्करीका नाइके भनिएका चूडामणि उप्रेती ‘गोरे’ नेतृत्वको समूहले सनम शाक्यलाई गत फागुन १८ गते हत्या गरेका थिए । 

 

तस्करी गरेर विमानस्थलबाट निकालिएपछि अनामनगर र पुरानो बानेश्वर आसपासबाट हराएको सुन अझै फेला परेको छैन ।  


थप समाचार

बेक्स्ली नेपाली कम्युनिटीले पहिलोपटक मनायो ल्होछार

  • 4 hours ago
बेक्स्ली नेपाली कम्युनिटीले पहिलोपटक मनायो ल्होछार

बेक्स्ली, केन्ट । बेक्स्ली नेपाली कम्युनिटी यूकेले यस वर्ष पहिलोपटक एक कार्यक्रमसहित ल्होछार मनाएको छ ।

उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

  • 9 hours ago
उपत्यकाका अत्यावश्यक स्थानमा ट्राफिक लाइट राख्ने प्रक्रिया शुरु

काठमाडौँ । सरकारले काठमाडौँ उपत्यकाका अत्यावश्यक क्षेत्रमा ट्राफिक लाइट राख्ने प्रक्रिया अगाडि बढाएको छ ।

काङ्ग्रेसले डा केसीलाई बोकेर मात्र हुँदैन: भट्टराई

  • 9 hours ago
काङ्ग्रेसले डा केसीलाई बोकेर मात्र हुँदैन: भट्टराई

बनियानी । नेपाल कम्युनिष्ट पार्टी -नेकपा-का नेता एवं संसद्को शिक्षा तथा स्वास्थ्य समितिका सदस्य योगेश भट्टराईले सरकारले अनशनरत डा गोविन्द केसीको जीवन रक्षा गर्ने बताएका छन् ।



जीवनशैली/स्वास्थ्य

आँखामा यौन रोगको ओखती !

आँखामा यौन रोगको ओखती !

काठमाडौं । पुरुषको लिङ्ग उत्तेजित नहुने समस्या (इरेक्टाइल डिफङ्शन) को उपचारमा प्रयोग गरिने क्रिम हो, ‘भिटारोस’ । अनि आँखा सुख्खा हुन्दा प्रयोग गरिने मलम हो ‘भिटा-पोस’ ।