बाँस बेचेर विद्यालयलाई सहयोग

  • शनिबार, २३ भदौ, २०७५
  • 10 months ago
  • नेपाल
Education Park

कञ्चनपुर ।  कञ्चनपुरको कृष्णपुर नगरपालिका–२ मा रहेको जनहित महाकाली सामुदायिक वनले बाँस बेचेर विद्यालयलाई सघाउँदै आएको छ । सामुदायिक वनको २४ हेक्टर क्षेत्रफलमा तीन प्रजातिका झण्डै पाँच हजार बढी बाँसका बिरुवा रोपेर हुर्काएको छ । 

 

रोपिएका बाँस बेचेर सामुदायिक वनले वार्षिक रुपमा रु तीन लाखदेखि रु पाँच लाखसम्म आम्दानी गर्दैआएको छ । बाँस बेचेर आएको रकम विद्यालयका निजी स्रोतमा पढाउँदै आएका शिक्षकको तलब, विद्यार्थीलाई छात्रवृत्ति र भौतिक पूर्वाधार निर्माणका लागि खर्चदै आएको छ । 

 

बालकल्याण आधारभूत विद्यालय, कालिका माध्यमिक विद्यालय र उदय सरस्वती माध्यमिक विद्यालयलाई यसवर्ष रु ५० हजारका दरले रकम उपलब्ध गराइएको सामुदायिक वनका सचिव शालिकराम चौधरीले बताए । 

 

छ वर्षदेखि सामुदायिक वनले बाँस बेच्दै आएको छ । “प्रतिवर्ष बाँस बिक्रीबाट आएको रकम विद्यालयकै विकासका लागि खर्चेका छौंँ” सचिव चौधरीले भने, “सामुदायिक वनबाट फर्निचर निर्माण गर्न बाँस बिक्री हुने गरेको छ ।” 

 

तरकारीखेतीका लागि अनुदान 

 

गरीबी न्यूनीकरण गर्नका लागि सामुदायिक वनले काठ र दाउरा बिक्री गरेर आएको रकम परिचालन गरी न्यून आयस्रोत भएका उपभोक्तालाई तरकारी खेतीका लागि अनुदान रकम समेत उपलब्ध गराउँदै आएको छ । 

 

सामुदायिक वनको आम्दानीको २५ प्रतिशत रकम वन हेरालाको तलब, वृक्षरोपण, तारबार मर्मत, झाडी सफाइ र अग्निरेखा निर्माणका लागि छुट्ट्याउने गरेको छ । बाँकी ३५ प्रतिशत रकम उपभोक्ताको गरीबी न्यूनीकरणका लागि खर्चदै आएको छ । 

 

तरकारी खेतीका लागि २५ जना उपभोक्तालाई रु एक लाख बराबरको बीउ, रासायनिक मलखाद र विषादी निःशुल्क रुपमा उपलब्ध गराइएको छ । 

 

प्लास्टिक टनेल बनाउनका लागि सामुदायिक वनबाट रु ५० हजार मूल्य बराबरका बाँस उपलब्ध गराइएको सामुदायिक वनका अध्यक्ष परदेशु डगौराले बताउनुभयो । यसवर्ष ३० जना उपभोक्तालाई बाख्रा, बङ्गुरपालन, किनारा पसल र सिलाइकटाइ पसल सञ्चालनका लागि रु चार लाख पाँच हजार रकम अनुदानस्वरुप उपलब्ध गराएको छ । 

 

हालसम्म ७० जना बढी उपभोक्ताको आयस्रोतमा वृद्धि गर्नका लागि अनुदान रकम उपलब्ध गराई स्वरोजगार बनाइएको सामुदायिक वनका अध्यक्ष डगौराले बताउनुभयो । काठ दाउरा बिक्री गरेर यसवर्ष सामुदायिक वनले रु सात लाख आम्दानी गरेको छ । 

 

पहिला राष्ट्रिय वन हुँदा पूरै वनको आम्दानी वन कार्यालयले लाने गर्दथ्यो अध्यक्ष चौधरीले भने, “वन जोगाएर हुर्काएपछि आम्दानीको उपभोक्ताको हातमा पर्न थालेको छ ।” वनको आम्दानी बढाउनका लागि सामुदायिक वनको पाँच हेक्टर क्षेत्रफलमा उपभोक्ताले कुरिलो खेती गरेका छन् । 

 

डाबर कम्पनीको सहकार्यमा कुरिलो खेती गरिएको छ । उत्पादित कुरिलो कम्पनीले नै खरिद गरेर लैजाने सम्झौतामा उल्लेख गरिएको छ । 

 


थप समाचार

बाजुराको भुवाखोलामा जिप दुर्घटना, तीनजनाकाे मृत्यु, ११ जना घाइते

  • 5 minutes ago
बाजुराको भुवाखोलामा जिप दुर्घटना, तीनजनाकाे मृत्यु, ११ जना घाइते

बाजुरा । बाजुराको भुवाखोलामा जिप दुर्घटना हुँदा तीनजनाको मृत्यु भएको छ ।

बिदामा मस्त मेस्सी

  • 23 minutes ago
बिदामा मस्त मेस्सी

स्पेनिस क्लब बार्सिलोनाका धेरैजसो खेलाडीहरू बिदा सकाएर बार्सिलोना फर्किसकेका छन् ।

आजबाट हलमा ‘घर’ : डराउलान् त दर्शक ?

  • 30 minutes ago
आजबाट हलमा ‘घर’ : डराउलान् त दर्शक ?

काठमाडौँ । जेठ ३ गते प्रदर्शनमा आएको फिल्म ‘जात्रै जात्रा’ले दर्शकको मन जित्दै लगानीमात्र उठाएन खल्तीपनि मज्जाले भर्‍यो ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

गुणकारी मेथी हरेक दिन खानुका १० फाइदाहरू यस्ता छन्

गुणकारी मेथी हरेक दिन खानुका १० फाइदाहरू यस्ता छन्

मेथी अधिकांश नेपालीको भान्सामा नछुट्ने चिज हो । भान्सामा हामी विभिन्न परिकारमा मेथीको प्रयोग गर्ने गर्छौं ।

विचित्र विश्व

सुन्दर युवतीका क्रुर श्रीमान !

सुन्दर युवतीका क्रुर श्रीमान !

काठमाडौँ । सुन्दरता बढाउनका लागि मानिस हरसम्भव प्रयास गर्छ । विशेषत महिलाहरु आफ्नो सुन्दरतालाई लिएर धेरै नै चिन्तित हुन्छन् । हर लोग्ने मानिसहरुको इच्छा पनि आफ्नी श्रीमति सुन्दर होस् भन्ने चाहाना हुन्छ ।