९ वर्षमा नेपालमा बाघको संख्या दोब्बर : मन्त्री बस्नेत

  • सोमबार, २९ असोज, २०७५
  • 7 months ago
  • युके
फाइल तस्विर : वन तथा वातावरण मन्त्री शक्ति बहादुर बस्नेत

 

वन्यजन्तु संरक्षणमा नेपालले गरेको प्रगतिको लण्डन सम्मेलनमा प्रशंसा

 

लण्डन । बेलायत सरकारको आयोजनामा वन्यजन्तुको अवैध व्यापार निराकरणसम्बन्धी एक दुई दिवसीय सम्मेलन लण्डनमा सम्पन्न भएको छ । 

 

अवैध वन्यजन्तु व्यापारलाई संगठित अपराधको रुपमा लिई यसको नियन्त्रणको लागि सरकार र सबै सरोकारवाला निकायहरुबीच साझेदारी र सहयोग अभिवृद्धि लक्ष्य निर्दिष्ट २० बुंदे विश्व घोषणाको जारी गर्दै यहि अक्टोबर १२ मा उक्त सम्मेलन सकिएको थियो । 

 

सम्मेलनमा नेपालको तर्फबाट सहभागी उच्चस्तरीय नेपाली प्रतिनिधिमण्डलको प्रतिनिधित्व वन तथा वातावरण मन्त्री शक्ति बहादुर बस्नेतले गरेका थिए । सम्मेलनको पहिलो दिनको पूर्ण सत्रलाई सम्बोधन गर्दै मन्त्री बस्नेतले वन्यजन्तुको अवैध व्यापारलाई निरुत्साहन र नियन्त्रण गर्न नेपाल सरकारले लिएका नीति तथा कार्यक्रमबारे प्रकाश पारेका थिए । 

 

विगत ९ वर्षको अवधिमा नेपालमा बाघको संख्या दोब्बर नजिक पुगेको उल्लेख गर्दै उनले नेपालको कुल भूभागको २३ प्रतिशत भूभाग संरक्षित क्षेत्र रहेको र वन्यजन्तुको शिकारमा पूर्ण प्रतिवन्ध लगाइएको जानकारी दिए । फलस्वरुप सन् २०११ देखि २०१८ सम्ममा गैँडाको शिकार शुन्य रहेको भन्दै मन्त्री बस्नेतले नेपाल सरकार वन्यजन्तुको संरक्षणमा पूर्ण प्रतिवद्ध रहेको बताए । नेपाल सरकारले वन, वातावरण तथा वन्यजन्तुको संरक्षणमा समुदायको सहभागितामा जोड दिन नीति अवलम्बन गरेको उल्लेख गर्दै उनले यसबाट समुदाय समेत लाभान्वित भइरहेको जानकारी गराए । 

 

वन्यजन्तुको संख्या वृद्धि र सुरक्षामा नेपाल सरकार प्रतिवद्ध रहेको तर वन्यजन्तुको व्यवस्थापन पक्ष अहिलेको चुनौती रहेको मन्त्री बस्नेतको भनाइ थियो ।

 

सम्मेलन उद्घाटन सत्रमा आफ्नो मन्तव्य राख्दै बेलायत सरकारका विदेश मन्त्री जेरेमी हन्टले नेपालमा सन् २००९ देखि हालसम्मको स्थितिमा बाघको संख्या दोब्बर वृद्धि भएको र विगत चार वर्षदेखि गैँडा र वाघको शिकार शुन्य रहेकोले यस्तो उदाहरणीय कार्यको अन्य देशहरुले पनि अनुशरण गर्नुपर्ने विचार व्यक्त गरेका थिए ।

 

सम्मेलनका अवधिमा मन्त्री बस्नेतसंग बेलायती सांसद जोन मान र श्रीलंकाको प्रतिनिधि मण्डलका नेता सन्डिथ समरसिङ्गेले शिष्टाचार भेट गरी नेपालले वन पर्यावरण, जैविक विविधता र वन्यजन्तु संरक्षण सम्बन्धमा गरेको प्रगतिबारे चासो राख्दै यस क्षेत्रमा साझेदारी अभिवृद्धि गर्न इच्छुक रहेको बताएका थिए । साथै १२ अक्टोबरमा मन्त्री बस्नेतसँग यूके ट्रस्ट फर नेचर कन्जरभेसन इन नेपालका अध्यक्ष एवं बेलायती सेनाका पूर्व प्रधान सेनापति सर जोन च्यापलले दूतावासमा शिष्टाचार भेट गरी नेपाल तथा बेलायतका राष्ट्रिय प्रकृति संरक्षण कोषबीच साझेदारी र सहयोग अभिवृद्धि गर्ने सम्बन्धमा छलफल गरेका थिए । सोही दिन मन्त्री बस्नेतले लण्डनस्थित 'जेडएसएल' चिडियाखानाको अवलोकन भ्रमण पनि गरेका थिए । 

 

८० देशका सरकारी र निजी क्षेत्रका प्रतिनिधिमण्डलले भाग लिएको यस विश्व सम्मेलनमा मन्त्री बस्नेतको नेतृत्वमा रहेको नेपाली प्रतिनिधिमण्डलमा बेलायतका लागि नेपाली राजदूत डा. दुर्गा बहादुर सुवेदी, नेसनल पार्क र वन्यजन्तु संरक्षण विभागका महानिर्देशक मान बहादुर खड्का, राजदूतावासका काउन्सेलर शरदराज आरण र चितवन नेसनल पार्कका उपसचिव वेद कुमार ढकाल थिए ।

 

सम्मेलनपछि मन्त्री बस्नेत नेतृत्वको टोली आइतबार नै स्वदेश फर्किएको छ । 

 


थप समाचार

ला लिगाका खेल सकिए, कुन टिम च्याम्पियन्स लिग खेल्दै कुन रेलिगेट ?

  • 2 minutes ago
ला लिगाका खेल सकिए, कुन टिम च्याम्पियन्स लिग खेल्दै कुन रेलिगेट ?

काठमाडौँ । स्पेनिस घरेलु लिग ला लिगाको खेलहरु सकिएका छन् । लिगको उपाधि बार्सिलोनाले जितेको छ । बार्सिलोनासहित एट्लेटिको मड्रिड, रियल मड्रिड तथा भ्यालेन्सिया च्याम्पियन्स लिगको लागि छनोट भएका छन् ।

प्रहरीले गोली हानेर पक्राउ गरेकाे ‘डाँका काले’को वीर अस्पतालमा उपचार हुँदै

  • 16 minutes ago
प्रहरीले गोली हानेर पक्राउ गरेकाे ‘डाँका काले’को वीर अस्पतालमा उपचार हुँदै

काठमाडौँ । प्रहरीले सर्वाधिक खोजीको सूचिमा रहेका ‘डाँका काले’ भनिने विष्णु तामाङलाई गोली हाने नियन्त्रणमा लिएको छ । सोमबार बिहान प्रहरीले काठमाडौँको टोखाबाट गोली हानेर प्रहरीले नियन्त्रणमा लिएको हो ।

मेसीले पाए पीचीची अवार्ड, गोल्डेन बुट पाउने सम्भावना पनि बलियो

  • 34 minutes ago
मेसीले पाए पीचीची अवार्ड, गोल्डेन बुट पाउने सम्भावना पनि बलियो

काठमाडौँ । बार्सिलोनाका स्टार खेलाडी लियोनल मेसी घरेलु लिग ला लिगाको उच्च गोलकर्ता बन्दै पीचीची अवार्ड पाएका छन् । उनले लिगको सबै खेल सक्दा कूल ३६ गोल गरे ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।