सोमबार बर्मिङहममा तीजगीत प्रतियोगिता हुंदै, राष्ट्रिय कलाकारहरुले पनि प्रस्तुति गर्ने

  • बिहीबार, १४ भदौ, २०७५
  • 1 year ago
  • युके

 

लण्डन । शान्ति नेपाली समाज बेलायतको आयोजनामा आउंदो सेप्टेम्बर ३ तारिख सोमबार बर्मिङहममा तीजगीत प्रतियोगिता आयोजना हुने भएको छ । साथमा नेपालबाट आएका ख्यातिप्राप्त कलाकारहरुको विशेष प्रस्तुतिमा 'तीज धमाका' समेत हुने भएको छ । 

 

बर्मिङहमको ह्याग्ली रोडमा अवस्थित रिजेनी ब्यांकेटिङ हलमा दिउंसो २ बजेदेखि कार्यक्रम सुरु हुंदैछ । हिन्दू नारीहरुको महान पर्व तीजका अवसरमा हरेक वर्ष विशेष कार्यक्रम गर्दै आएको शान्ति नेपाली समाजले यसपटक तीजगीत प्रतियोगिता समेत सञ्चालन गर्न लागेको हो । 

 

'बेलायतका धेरै ठाउंमा हुंदै आएका तीज कार्यक्रमहरुमा मनोरञ्जनलाई मात्रै महत्व दिइयो, तर मौलिक तीजका भाकाहरु ओझेलमा परेको देखियो । मनोरञ्जनका साथसाथै हाम्रा मौलिक गीतहरुको पनि संरक्षण र प्रबर्द्धन गर्नुपर्छ भन्ने उद्धेश्यले प्रतियोगिताको आयोजना गर्ने सोंच बनाएका हौं', शान्ति नेपाली समाज बेलायतका अध्यक्ष कृष्ण ढकालले भने । 

 

बेलायतव्यापी प्रतियोगिताको अवधारणा बनाएको भएपनि यस वर्षको पहिलो प्रतियोगितामा मिडल्याण्ड क्षेत्रका टोलीहरुले मात्र नाम दर्ता गराएको जनाउंदै अध्यक्ष ढकालले आगामी वर्षहरुमा बेलायतभरबाट सहभागिता गराउने गरी कार्यक्रम गरिने बताए । 

 

यसपटक प्रतियोगितामा बर्मिङहम, नटिङहम, लेस्टर, वुल्भरह्याम्पटन लगायतका मिडल्याण्डका सबैजसो क्षेत्रबाट कुल ६ टोलीहरुले सहभागिताका लागि नाम दर्ता गराएका छन् । प्रतियोगिताको विजेता टोलीले नगद ३ सय तथा दोस्रो र तेस्रो हुनेले २ सय र १ सय पाउण्ड नगद र प्रमाणपत्रसहितको  पुरस्कार प्राप्त गर्नेछन् । 

 

हरेक प्रतियोगी टोलीमा गाउने, नाच्ने, बजाउने गरी बढिमा १० जना सदस्य रहनेछन् । उनीहरुले १० मिनेटको समयभित्र आफ्नो प्रस्तुति देखाइसक्नुपर्नेछ ।प्रस्तुतिहरुको मुल्यांकन गरी विजेताहरु चयन गर्ने जिम्मा ६ सदस्यीय निर्णायक समुहले पाएको छ । प्रतियोगीहरुले प्रस्तुत गर्ने मौलिक तीज गीतका अलावा उनीहरुको नृत्य, पोशाक, हाउभाउ , अनुशासन लगायतलाई आधार बनाएर निर्णायकले विजेता चयन गर्नेछन् । 

 

कार्यक्रमको पहिलो चरणमा प्रतियोगिता सञ्चालन भइसकेपछि दोस्रो चरणमा नेपालबाट आएका चर्चित कलाकारहरुको प्रस्तुतिमा तीज धमाकाको कार्यक्रम रहनेछ । शान्ति नेपाली समाजकै निमन्त्रणामा आएका गायिकाद्धय कला लम्साल र सिर्जु अधिकारीका साथै अहिले बेलायतमै रहेका गायकद्धय विमलराज क्षेत्री र रमेशराज भट्टराईले कार्यक्रममा प्रस्तुति गर्नेछन् ।

 

त्यसबाहेक विभिन्न तीजगीतहरु बजाएर डिजे डान्स समेत गराइनेछ । कार्यक्रममा लाखे नाच लगायतका केहि मौलिक सांस्कृतिक प्रस्तुतिहरु पनि देखाउने तयारी गरिएको छ । 

 

कार्यक्रममा सहभागिताको लागि सबै महिला तथा ५ दखि १० वर्षसम्मका बालबालिकालाई ८ पाउण्ड र पुरुषहरुको लागि १२ पाउण्डको टिकट राखिएको छ । 

 

कार्यक्रममा सहभागिताका लागि शान्ति नेपाली समाजले बेलायतबासी सबै नेपालीहरुलाई आग्रह गरेको छ । 

 


थप समाचार

भोकमारी र बेरोजगारीको अन्त्यका लागि गाँउमुखी अर्थनीति र जनमुखी राजनीति आवश्यकः वरिष्ठ नेता पौडेल

  • 17 minutes ago
भोकमारी र बेरोजगारीको अन्त्यका लागि गाँउमुखी अर्थनीति र जनमुखी राजनीति आवश्यकः वरिष्ठ नेता पौडेल

काठमाडौँ । नेपाली कांग्रेसका वरिष्ठ नेता रामचन्द्र पौडेलले कोरोनाको संक्रमणपछि भोकमारी र बेरोजगारीबाट जोगाउन गाउँमुखी अर्थनीति र जनमुखी राजनीति आवश्यक रहेको बताएका छन् ।

डब्लुएचओबाट बाहिरिने ब्राजिलका राष्ट्रपतिको चेतावनी

  • 28 minutes ago
डब्लुएचओबाट बाहिरिने ब्राजिलका राष्ट्रपतिको चेतावनी

एजेन्सी । ब्राजिलका राष्ट्रपति जैर बोल्सोनारोले आफ्नो देश विश्व स्वास्थ्य संगठन ९डब्लुएचओ०बाट बाहिरिने चेतावनी दिएका छन् । उनले शुक्रबार डब्लुएचओलाई यस्तो चेतावनी दिनुभएको अधिकारीहरुले जानकारी दिएका

नेपाल फर्कन भन्दै साढे तीन सय नेपालीले दर्ता गरे लण्डन दूतावासमा नाम

  • 37 minutes ago
नेपाल फर्कन भन्दै साढे तीन सय नेपालीले दर्ता गरे लण्डन दूतावासमा नाम

लण्डन । काेरोना महामारीपछि लागू भएको लकडाउनका कारण बेलायतमा रोकिएका साढे तीन सय नेपालीलले नेपाल फर्कन चाहेको भन्दै लण्डन दूतावासमा विवरण बुझाउका छन् ।



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

यसकारण खाने गर्नुपर्छ भुटेको चना

यसकारण खाने गर्नुपर्छ भुटेको चना

काठमाडौं । चना स्वास्थ्यका लागि निकै फाइदाजनक छ । हरेक बिहान भुटेको चना खानाले तपाईरहाम्रो शरीरलाई विभिन्न किसिमबाट फाइदा हुन्छ । यसमा पौष्टिक तत्व हुन्छ । यसले तपाईरहाम्रो पेटमा हुने कब्जियतबाट बचाउँछ ।

विचित्र विश्व

केरलापछि हिमाञ्चल प्रदेशमा कुकृत्य, गर्भवती गाईलाई खुवाइयो विस्फोटक पदार्थ

केरलापछि हिमाञ्चल प्रदेशमा कुकृत्य, गर्भवती गाईलाई खुवाइयो विस्फोटक पदार्थ

एजेन्सी । भारतको केरलामा एक गर्भवती हात्तीलाई मारेको घटनाको चौतर्फी विरोध भइरहँदा यस्तै अर्को घटनाबारे पनि खुलासा भएको छ । मिडिया रिपोर्टक अनुसार भारतको हिमाञ्चल प्रदेशको बिलासपुरमा पनि एउटा यस्तै घटना घटेको छ ।