‘दोषी जोगाउने राज्य न्याय कहाँ पाउने ?’

• सोमबार, ११ भदौ, २०७५
• 2 months ago
• समाचार

काठमाडौं । पूर्वप्रधानमन्त्री एवं नेपाली कांग्रेका सभापति शेरबहादुर देउवाले निर्मला पन्त हत्या प्रकरणमा सरकारको व्यवहारप्रति असन्तुष्टि ब्यक्त गरेका छन् ।

 

संसदको विशेष समयमा बोल्दै देउवाले हामी कस्तो राज्य बनाउन गइरहेका छौं भन्दै प्रश्न गर्दै भने ‘दोषीलाई जोगाउन स्वयं राज्य लाग्छ भने निर्दोषले न्याय माग्न कहाँ जाने ?’

 

राज्यले नै दोषीलाई जोगाउन खोज्दा नागरिकहरुमा आक्रोश बढ्ेको भन्दै हजारौं नागरिक न्याय माग्न सडकमा बाध्य भएको उनले बताए । राज्यले संयमता अपनाउन नसक्दा अर्का बालक सन्नी खन्नाको मृत्यु हुनुको साथै कैयौं नागरिकहरु घाइते भएको घटनाप्रति देउवाले भर्तसना गरे ।’

 

बालिकाले न्याय माग्दा अर्को बालकले ज्यान गुमाउनुपर्ने कस्तो लोकतन्त्र हो भन्दै उनले प्रश्न गरे ।

 

साथै उनले करले नागरिकको ढाड भाँचेको भन्दै न्यायोचित ढंगले कर उठाउन माग गरे । उनले वित्तीय आयोग गठन नभएकाले यस्तो अवस्था आएको बताए । आजको राजधानी दैनिकबाट ।

• Sher bahadur deuba

भिडियो