पोखरा। साहित्यकार शिव सस्मितको हास्यव्यङ्ग्य निबन्ध संग्रह ‘कुरैकुराको खेती’ एक कार्यक्रमका विच विमोचन गरिएको छ।
भैरव अर्याल स्मृति दिवसको अवसरमा विश्व नेपाली साहित्य महासङ्घ गण्डकी प्रदेशले आयोजना गरेको कार्यक्रममा हाँस्यव्यङ्य क्षेत्रमा क्रियासिल सिस्नुपानी नेपाल तथा फित्कौली अनलाइनका संस्थापक अध्यक्ष तथा प्रमुख अतिथि नरनाथ लुईटेलले भर्चुवल मोडमा विमोचन गरे।
प्रमुख अतिथि लुईटेलले नेपाली हास्यव्यङ्ग्य क्षेत्र भैरव अर्याल पछि सुस्ताए गएको भन्दै सस्मितको कुरैकुराको खेती नयाँ प्राप्त भएको टिप्पणी गरे। अनेसासका संस्थापक अध्यक्ष तथा विशिष्ट अतिथि होमनाथ सुवेदीले मोफोसल साहित्यलाई हेर्ने दृष्ट्रीकोणलाई लक्षीत गदै भने “हाम्रो साहित्यले अन्धराष्ट्रबाद मात्रै नलेखेर, साँघुरो पक्षलाई मात्रै नहेरेर हामी कुनकाप्चामा भएपनि आकाश छुन सकिन्छ।” सर्जक र साहित्यको उच्च विचार हुनुपर्ने भन्दै प्रसिद्ध साहित्यकार सुवेदीले सस्मितलाई निकै सम्भावनायक्त कविका रुपमा चित्रित गरे।
उनले म्याथको विषयवस्तुलाई अन्तरग्रह्य तहमा अध्ययन गरेर त्यसलाई अगाडी पस्किन सक्यो भने पाठनलाई नयाँचिजहरु दिन सक्ने ठोकुवा समेत गरे।
पेशाले मावि तहका कुशल गणित शिक्षक सस्मितको ‘कुरैकुराको खेती’ पाँचौँ कृति हो। यस अघि धुमिल आकाश (शैक्षिक उपन्यास) विलोकन मुक्तक संग्रह, बहाव गजल संग्रह, र डायरीमा टाउके हाँस्यव्यङ्य निबन्ध संग्रह प्रकाशाति भएका छन्।
