सेन्सर बोर्डले ‘ओएमजी २’ को रिलिज तत्कालका लागि रोक्यो

एजेन्सी । भारतीय सेन्सर बोर्डले फिल्म ‘ओएमजी २’ को रिलिजमा रोक लगाएको छ । सेन्सर बोर्डले चलचित्रलाई समीक्षा समितिमा पठाएको हो । सेन्सर बोर्डले समिक्षा समितिले विचार गरेर चलचित्रको भविष्य तय गर्नेछ ।

तर, फिल्मका लागि अहिले नै प्रतिबन्ध शब्द प्रयोग गर्नु उचित हुँदैन । फिल्म आदिपुरुषलाई लिएर ध्यानमा राखेर यो निर्णय गरिएको हो ।

चलचित्रको टिजर ११ जुलाईमा रिलिज भएको थियो । टिजरमा अक्षय कुमार लामो कपाल र निधारमा खरानी लिएर भगवान शिवको रूपमा देखिएका छन् । फिल्ममा पंकज त्रिपाठी पनि मुख्य भूमिकामा देखिनेछन् ।

फिल्म अगस्ट ११, २०२३ मा सिनेमाघरमा रिलिज हुने तय भएको थियो । यसको पहिलो भाग ओएमजी (ओह माई गड) २०१२ मा रिलीज भएको थियो । उक्त फिल्ममा परेश रावल मुख्य भूमिकामा थिए ।