संसदमा विश्वासको मत जित्दै जोगाइन् बेलायती प्रधानमन्त्रीले कुर्सी

  • बिहीबार, ३ माघ, २०७५
  • 3 months ago
  • युके

 

लण्डन । बेलायती प्रधानमन्त्री टेरेसा मेले संसदमा विश्वासको मत जित्दै आफ्नो नेतृत्वलाई सुरक्षित गरेकी छन् । 

 

बुधबार सांझ हाउस अफ कमन्समा मतदान हुँदा प्रधानमन्त्री मेको पक्षमा ३ सय २५ मत परेको छ भने विपक्षमा ३ सय ६ मत खस्यो । 

 

मंगलबार प्रधानमन्त्रीको ब्रेक्जिट सम्झौताको प्रस्तावका विरुद्ध मत दिने उनकै दल कञ्जरभेटिभका सांसदहरु र डियुपीका सांसदहरु समेतले आज भने प्रधानमन्त्रीको साथ दिएका छन्  ।

 

संसदले ब्रेक्जिट सम्झौतालाई भारी मतले अस्वीकृत गरेलगत्तै प्रधानमन्त्रीविरुद्ध विपक्षी लेबर पार्टीले मंगलबार अविश्वासको प्रस्ताव दर्ता गरेको थियो । लेबरको यो प्रस्तावलाई एसएनपी, लिबरल डेमोक्रयाट् लगायतका सबै विपक्षी पार्टीहरुले सघाएका थिए । 

 

विश्वासको मत जितेपछि प्रधानमन्त्री मेले प्रतिक्रिया दिंदै भनिन्, 'यो नतिजाले देखाउँछ कि सरकारमाथि सरकारको विश्वास कायम छ ।' 

 

जनमत संग्रहमार्फत बेलायती जनताले दिएको ब्रेक्जिटको म्याण्डेट पूरा गर्ने आफ्नो संकल्पलाई तार्किक निश्कर्ष दिने प्रयासलाई जारी राख्ने उनले प्रतिबद्धता गरिन्।आउँदो साता उनले संसदसमक्ष ब्रेक्जिट सम्झौताको नयाँ प्रस्ताव पेश गर्ने अपेक्षा छ । 

 

त्यसअघि प्रधानमन्त्रीले सबै राजनीतिक दलका नेताहरुसँग व्यक्तिगत रुपमा भेटेर ब्रेक्जिट सम्झौताको गाँठो फुकाउने कोशिस गर्दैछिन् । बुधबार साँझदेखि नै भेटघाट थाल्ने उनले अन्य दलका नेताहरुबाट समस्या समाधानको लागि रचनात्मक सरसल्लाहको अपेक्षा गरेको बताएकी छन् । 

  

यसअघि मंगलबार संसदमा भएको मतदानमा उनको ब्रेक्जिट सम्झौतासम्बन्धी प्रस्ताव २ सय २ का विरुद्ध ४ सय ३२ मतको भारी अन्तरबाट अस्वीकृत भएको थियो । सम्झौता संसदबाट अस्वीकृत भएपछि मार्च २९ को लागि तोकिएको ब्रेक्जिटको प्रक्रिया थप जटिल बनेको छ ।  

 


थप समाचार

लोकतन्त्र दिवसः जनताको प्रश्न कहिले हुन्छ देशको समृद्धि

  • 8 minutes ago
लोकतन्त्र दिवसः जनताको प्रश्न कहिले हुन्छ देशको समृद्धि

दलहरुमा प्रतिबन्ध लाएर सत्ताको डोरी समातेर दरबारमा बसेको राजालाई झुकाएको दिन हो आज । १२ वर्षअघि जनताको बलमा राजाले लिएको सत्ता नागरिकको

डडेल्धुरामा बस दुर्घटना अपडेट : मृत्यु हुने पाँच जनाकाे सनाखत, ३४ जना घाइते (नामावली सहित)

  • 21 minutes ago
डडेल्धुरामा बस दुर्घटना अपडेट : मृत्यु हुने पाँच जनाकाे सनाखत, ३४ जना घाइते (नामावली सहित)

डोटी । डडेल्धुराको गन्यापधुरा गाउँपालिका–१ साहुँखर्कमा आज बिहान कर्णाली रिभर यातायातको बस दुर्घटना भएको छ ।

विदेश जाने सोचमा हुनुहुन्छ, थाहापाउनुहोस् विश्वकै सबैभन्दा खतरनाक सहरहरुबारे

  • 27 minutes ago
विदेश जाने सोचमा हुनुहुन्छ, थाहापाउनुहोस् विश्वकै सबैभन्दा खतरनाक सहरहरुबारे

एजेन्सी । मेक्सिकोको लस क्यावस सहर विश्वकै असुरक्षित सहरका रुपमा परिचीत रहेको छ ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

अनुहारमा बरफ दल्नुका फाइदा

अनुहारमा बरफ दल्नुका फाइदा

गर्मी याममा अनुहारमा चमक ल्याउन आइस प्रयोग गर्न सकिन्छ । प्राकृतिक चमक पाउन अनुहारमा नियमित बरफ दल्नुपर्छ ।