बब मार्लीको त्यो युद्धबिरोधी गीत,जसले संसार हल्लायो (भिडियोसहित)

‘संगीतको एउटा राम्रो पक्ष, जब यसले हान्छ, तब कुनै पिडा हुँदैन ।’ विश्वचर्चित गायक तथा संगीतकर्मी बबमार्लीको यो भनाइ आज पनि उत्तिकै चर्चित र सान्दर्भिक छ ।

 

जीवनभर समानताका लागि गीत गाएका मार्लीको जीवन ३६ बर्षअघि समाप्त भयो । यद्यपी विश्वका शक्ति राष्ट्रहरु आपसी लडाईँ र खिचातानीमा तल्लिन भइरहँदा उनका युद्धबिरोधी गीत अझै सान्दर्भिक छन् ।

 

बब मार्ली गायक त थिए नै सँगै उनी उच्चतम समाज वोधले भरिएका क्रान्तिकारी र ‘एक्टिभिस्ट’ पनि थिए ।

 

रंगभेद र गरिबीमा पिल्सिएका मानिसहरुका लागि समानताका उनी आफैँ गीत लेख्थे र गाउँथे । रंगभेदका ठूला वर्ग र साना वर्ग हटाइनुपर्छ भन्नेमा मार्ली सधैँ अडिग रहे । रंगभेदप्रति उनको चरम असहमति गीतमा पोख्थे ।

 

सन् १९४५मा हंगेरीमा जन्मिएका बब मार्लीको खास नाम भने नेष्टा रोबर्ट मार्ली हो । तर, उनलाई बब मार्ली भनेरै विश्वभरी चिनियो ।

 

विश्वमा तत्कालिन समयमा फैलिएको रंगभेद र युद्धको बिरोधमा उनले थुप्रै गीत गाए । त्यही क्रममा उनले गाएको एउटा युद्धबिरोधी गीत,‘वार’ अझै विश्वका कुनाकुनामा लोकप्रीय मानिन्छ ।उनको आफ्नो समयको र अहिले पनिसिंगो संसारलाई प्रतिनिधित्व गर्ने गीत हो ‘वार’ ।

 

यो एउटा यस्तो गीत हो, जसले विश्वभरका मानिसहरुको आँखा खोलिदिएको थियो । गीतमा रंगभेदका कारण परेको प्रभावबारे बुझाउन खोजिएको छ ।


जबसम्म रंगभेद रहन्छ तबसम्म घृणा रहन्छ, द्वन्द्वचलि नै रहन्छ । त्यसकै कारण युद्ध हुन्छ । रंगभेद मानिसले मानिसलाई दबाउनका लागि बनाएको एउटा बाटो हो,जुन यथार्थमा हेर्ने हो भने विभिन्न रुपमा रहेका संसारका सबै समान छन् ।

 

कसैले पनि आँफू पूर्ण छु भनेर गलत ब्यवहार गर्नुहुँदैन वा उनीहरुले आफ्नो अधिकार भएको भन्नु पनि गलत नै हो भन्ने मार्लीको तर्क छ ।

 

युद्धको उपाय भनेकै समानता हो भन्ने उनको बलियो तर्क थियो । बब मार्ली भन्थे, ‘जबसम्म आधारभुत मानवअधिकार समान रुपमा सुनिश्चित हुँदैन तबसम्म युद्ध चलिनै रहनेछ । अफ्रिकन महादेशमा शान्ति छाउने छैन । हामी अफ्रिकीहरु लडीनै रहनेछौं, हामीलाई थाहा छ हामीले जित्नेछौँ, जित प्रति हामी दृढ छौँ ।’

 

उनका गीतमा हरेक पक्षमा समानता हुनुपर्ने अभिव्यक्तिहरु छचल्किएका हुन्छन् । कोही पनि मानिस धेरै–थोरै सम्मानका लायक छैनन् सबै समान सम्मानका लायक हुन् भन्थे उनी ।

 

००


मार्लीले गाएको ‘वार’ त्यस्तै असमानता बिरुद्धको खरो स्वर हो । जहाँ उनी भन्छन्,‘जबसम्म हाम्रा बेखुसी भाइहरुले एंगोला, मोजोम्बिक साउथ एफ्रिकन सब–ह्युमनमा आधिपत्य जमाएर बस्छन् तबसम्म युद्ध सकिने छैन । चारै दिशामा युद्धको शंखगुज्जिनै रहनेछ ।’


‘विश्वका हरेक कुनामा युद्धमात्र हुनेछन् जसले मानवजातिलाई शान्तभएर बाँच्न दिने छैन । यदी एकअर्काले सबैलाई मद्दत गर्ने हो भने युद्ध हुनेछैन । युद्धले कुनै पनि समस्याको हलदिने छैन,’यही आशय छ यहाँ ।

 

बब मार्लीकाअनुसार युद्ध भनेको दुई देशबिच जमिनकालागि मात्र हुने गर्दैन, रंगभेदकालागि पनि युद्ध भइरहेको छ ।

भिडियाेः

(एजेन्सीहरुको सहयोगमा)



Your Comment

Related Post

आँखामा असन्तुष्टिको आगो बालिरहेका कवि

  • 1 month ago
आँखामा असन्तुष्टिको आगो बालिरहेका कवि

यो देशमा बब मार्लीको एउटा ठूलो फ्यान छ । जो हरयाम बममार्लीका गीतहरु सँग संवाद गरिबस्छ । फेरि उसको बाहिरी आवरण पनि बममार्लीसँगै मिल्छ । बब मार्लीको विषयमा बहस गर्नु पनि उसको लागि रोचक कुरा हो । तर उसला

सयभन्दा बढी वृद्धले दोस्रो पटक संसार देख्न पाए

  • 1 year ago
सयभन्दा बढी वृद्धले दोस्रो पटक संसार देख्न पाए

जाजरकोट-यहाँका एक सयभन्दा बढी वृद्धवृद्धाले दोस्रो पटक संसार देख्न पाएको बताएका छन् । जिल्लाको भेरीमालिका नगरपालिका–१ रिम्नामा भएको आँखाको शल्यक्रियापछि यहाँका ११८ जना वृद्धवृद्धाले दोस्रो पटक संसार द

यस्तो छ 'लुट २' को पहिलो गीत 'ठमेल बजार', को हुन यी जसले यो गीतमा नृत्य गरिन (भिडियोसहित)

  • 7 months ago
यस्तो छ 'लुट २' को पहिलो गीत 'ठमेल बजार', को हुन यी जसले यो गीतमा नृत्य गरिन (भिडियोसहित)

काठमाडाैं-बहुप्रतिक्षित चलचित्र लूट २ को पहिलो गीत 'ठमेल बजार' सार्वजनिक गरिएको छ ।


भिडियो


Loading...
hamropatro


नेपाल

राष्ट्रपतिको चियापानमा जे देखियो, हेर्नुहोस् ८ रोचक तस्वीरः

राष्ट्रपतिको चियापानमा जे देखियो, हेर्नुहोस् ८ रोचक तस्वीरः

काठमाडौँ, जेठ १४ । राष्ट्रपति विद्यादेवी भण्डारीले दशौं गणतन्त्र दिवसका अवसरमा चियापान समारोहको आयोजना गरेकी छिन् ।

जीवनशैली

यो हो विश्वकै सबैभन्दा महँगो कार

यो हो विश्वकै सबैभन्दा महँगो कार

एजेन्सी–उक्त बलिस्टिक मिसाइल ४५० किलोमिटर उडेको र पुर्वी समुन्द्रमा खसेको थियो जुन पेनिसुला र जापानको बीचमा रहेको छ ।

विचित्र विश्व

विचित्र विचित्रका विवाहः कसैले कोब्रा सर्पसँग त कसैले आइफल टावरसँग गरे विवाह

विचित्र विचित्रका विवाहः कसैले कोब्रा सर्पसँग त कसैले आइफल टावरसँग गरे विवाह

संसारमा धेरै नै अजिव किसिमका मानिसहरु देख्न पाइन्छ । यस्ता अजिव किसिमका मानिसहरुले कहिलेकाँहि यस्ता अजिव हर्कतहरु गर्छन् कि त्यस्ता हर्कतहरु थाहा पाएर हामी अाश्चर्यचकित हुन्छाै ।