बूढीगण्डकी प्रभावितलाई सात अर्ब मुआब्जा दिनुपर्ने

  • मंगलबार, २६ पुष, २०७३
  • 2 months ago
  • नेपाल

काठमाडौँ, पुस २६ । राष्ट्रिय गौरवको आयोजनाका रुपमा रहेको बूढीगण्डकी जलविद्युत् आयोजनाका लागि तत्काल रु छ अर्ब ९१ करोड मुआब्जा वितरण गर्नुपर्ने देखिएको छ ।

 

धादिङ र गोरखाले मुआब्जा निर्धारणका लागि प्रकाशित गरेको सूचनाका आधारमा हिसाब गर्दा सो परिमाणको रकम वितरण गर्नुपर्ने देखिएको हो । गोरखा जिल्ला प्रशासन कार्यालयले गत मङ्सिर ११ गते निर्धारण गरेको मुआब्जाअनुसार पहिलो चरणमा तीन गाविसका चार हजार ४१ रोपनी जग्गाका लागि दुई अर्ब ६६ करोड रूपैयाँ भुक्तानी दिनुपर्ने देखिएको छ ।

 

गोरखाका घ्यालचोक, भुम्लिचोक र दर्बुङ गाविसमा पहिलो चरणमा मुआब्जा वितरण गरिनेछ । मुआब्जा पाऊँ भनी हालसम्म ५०९ निवेदन दर्ता भएको बूढीगण्डकी जलविद्युत् विकास समितिका कार्यकारी निर्देशक गोपाल बस्नेतले जानकारी दिए । गोरखाको १४ गाविसको प्रभावित क्षेत्रका लागि न्यूनतम रु पाँच लाख २५ हजार र अधिकतम रु आठ लाख २५ हजार दर तय गरिएको छ ।

 

यस्तै, जिल्ला प्रशासन कार्यालय धादिङले यही पुस १९ गते तीन गाविसको मुआब्जा तय गरेको सार्वजनिक सूचनामार्फत जानकारी गराएको छ । धादिङका १३ गाविस आयोजनाबाट प्रभावित हुनेछन् । सलाङ, मैदी र खरी गाविसका छ हजार ७८३ रोपनी जग्गाका लागि रु चार अर्ब २५ करोड मुआब्जा वितरण गर्नुपर्नेछ । धादिङको खहरे बजार र गोरखाको आरुघाटको भने हालसम्म मुआब्जा तय गरिएको छैन ।

 

बूढीगण्डकी आयोजनाका लागि चालु आवमा सरकारले रु पाँच अर्ब बजेट विनियोजन गरेको छ भने पूर्वाधार करमार्फत नेपाल आयल निगमले आयात गर्ने पेट्रोलियम पदार्थमा भन्सार बिन्दुमा नै लगाइएको करबाट हालसम्म तीन अर्ब भन्दा बढी रकम जुटिसकेको छ ।

 

ऊर्जामन्त्री शर्माले आयोजनालाई पूर्णरुपमा सरकारी लगानीमा नै अगाडि बढाउने बताउनुभएको छ । आयोजनाबाट उत्पादित विद्युत् अन्य आयोजनाभन्दा बढी पर्ने र स्थानीय प्रभावितलाई पहिलो चरणमा नै लगानीका लागि आह्वान गर्दा प्रतिफल प्राप्त गर्न लामो समय लाग्ने भएकाले सरकारी लगानी नै उपयुक्त विधि भएको उनको भनाइ छ । आयोजनाबाट उत्पादित विद्युत् प्रतियुनिट १६ रूपैयाँ पर्नेछ । रासस


    Loading...

    Your Comment


    भिडियो


    Related Post

    बूढीगण्डकी जलविद्युत् आयोजना प्रभावितलाई पहिलो चरणमा पाँच अर्ब मुआब्जा

    • 1 month ago
    बूढीगण्डकी जलविद्युत् आयोजना प्रभावितलाई पहिलो चरणमा पाँच अर्ब मुआब्जा

    काठमाडौँ, २३ माघ । राष्ट्रिय गौरवको आयोजनाका रुपमा रहेको बूढीगण्डकी जलविद्युत् आयोजनाको मुआब्जा वितरण गर्न लागिएको छ ।  

    बूढीगण्डकी डुबान क्षेत्रका जग्गाको मुआब्जा तोकियो, कस्ता जग्गाधनीले कति पाउने ?

    • 3 months ago
    बूढीगण्डकी डुबान क्षेत्रका जग्गाको मुआब्जा तोकियो, कस्ता जग्गाधनीले कति पाउने ?

    गोरखा । बूढीगण्डकी जलविद्युत् आयोजनाको पानीको सतहले डुब्ने क्षेत्रका जग्गाको मुआब्जा निर्धारण गरिएको छ ।   जग्गा वर्गीकरणका आधारमा न्यूनतम पाँच लाखदेखि अधिकतम आठ ला

    सुरु भयो बूढीगण्डकी आयोजनाको मुआब्जा वितरण

    • 3 weeks ago
    सुरु भयो बूढीगण्डकी आयोजनाको मुआब्जा वितरण

    गोरखा, फागुन १४ । बूढीगण्डकी जलविद्युत् आयोजना निर्माण हुँदा डुबानमा पर्ने जग्गाको मुआब्जा जग्गा धनीलाई वितरण सुरु गरेपछि आयोजनाले गति लिन थालेको छ । लामो समयदेखि आयोजनाबारे चर्चा भए प

    hamropatro

    नेपाल

    आफ्ना कुरा सुन्न प्रधानमन्त्रीलाई संसदहरुको आग्रह

    आफ्ना कुरा सुन्न प्रधानमन्त्रीलाई संसदहरुको आग्रह

    काठमाडौँ, चैत्र १० । नेकपा माओवादी केन्द्र संसदीय दलका नेताहरुले आफ्ना आवाज सुन्न प्रधानमन्त्री समेत रहेका संसदीय दलका नेता पुष्पकमल दाहाल प्रचण्डलाई आग्रह गरेका छन् ।

     

    सिहदरवारस्थित संसदीय दलको कार्यालयमा बिहिबार बसेको संसदीय दलको बैठकमा नेताहरुले प्रधानमन्त्री दाहालसँग यस्तो आग्रह गरेका हुन् । बैठकमा नेताहरुले लामो समयपछि मात्रै संसदीय दलको बैठक आह्वान गरिएको भन्दै यसलाई निरन्तरता दिनुपर्ने माग राखेका थिए ।

    जीवनशैली

    विवाह गर्न यस्ता ट्रेनिङ लिन्छन् जापानका युवाहरु

    विवाह गर्न यस्ता ट्रेनिङ लिन्छन् जापानका युवाहरु

    विवाह गर्नु एउटा ठुलो निर्णय लिनु हो । तर, कुनै ठाउँमा भने यो ठुलो मुस्किल समेत बन्ने गरेको छ । जापानका अविवाहित युवाहरु विवाह विवाहको लायक बन्न केही विशेष कुराहरु सिक्ने गर्छन् । जापानमा यो अचम्म लाग्दो परम्परालाई ‘इकुमेन’ भनिन्छ ।

    विचित्र विश्व

    महँगो पर्यो माया–प्रेमीद्वारा एसिड प्रहार

    महँगो पर्यो माया–प्रेमीद्वारा एसिड प्रहार

    दक्षिणपुर्वी संगम बिहार इलाकामा मायामा धोका भएको भन्दै एक युवकले १८ वर्षीय एक युवतीलाई एसिड हानेका छन् जसका कारण ती युवतीको हालत गम्भिर रहेको मिडिया रिपोर्टमा उल्लेख गरिएको छ ।