चमेलीको पीडाः भुइँचालोले घर ढाल्यो, आगोले शरीर डढ्यो, अब कसरी बाँच्नु ?

गोरखा, भदौ २८ । शरीरको आधा भाग जलेको छ । हिँडडुल गर्न समेत निक्कै समस्या छ । सात महिनाकी छोरी अनि अन्य दुई छोराकी आमा । उमेरले भरखर २७ बर्ष लागेकी  चमेली परियार आफैंले बालेको टुकीबाट शरीरमा आगो सल्कियो । उपचार गर्न जिल्लामा सम्भव छैन भनेर अस्पतालले बारम्बार भन्यो तर आर्थिक अभावकै कारण काठमाण्डौ जानु पर्नेमा गाउँ फर्किन बाध्य भइन् उनी ।


शहिद लखन गाँउपालिका वडा नम्बर ८ की चमेली परियारले जीवनमा यस्तो भोग्नु पर्छ भन्ने कहिल्यै चिताएकी थिइनन् । ७२ सालको भूकम्पले भएको घर पनि ढल्यो । त्यसयता सानो कटेरो बारेर बसेकी परियारले गत साउन २५ गते भुकम्प भन्दा पनि ठूलो समस्या झेल्नु प¥यो । बर्खाको समय हावाहुरी र पानी परेकाले कटेरोमा पानी चुहिएर सुत्न नसकी टुकी बालेर एउटा कुनामा ओत लागेर बसेकी थिइन् ।

 

श्रीमान नजिकै थिए । ७ महिनाकी छोरी र २ छोरालाई भएको खाटमा सुताइन् । रातको १२ बज्नै लाग्यो, जसोतसो मिलेर सुत्ने तरखर गर्दै गर्दा त्यसैबेला हावाले टुकी ढल्यो अनि सल्कियो उजेलीको शरिरमा आगो । चिच्याइन, श्रीमानले घरमा भएको एक गाग्री पानी उजेलीको शरिरमा खन्याएँ । जसोतसो केही समयपछि उनको शरीरमा सल्किएको आगो निभ्यो । पानी परेकाले गाँउका कोही आएनन् । ‘एक्कासी टुकीको आगो मैले लगाएको पोस्टिरको कुर्तामा सल्किएछ, हतारले कुर्ता फुकाल्दा आगोले झनै सबै ठाँउमा भेट्यो अनि होसै गुमाएछु’ चमेलीले भनिन् ।

 


भोलिपल्ट गाँउमै रहेको हेल्थपोष्टमा जचाउन गइन् । त्याहाँ भएका चिकित्सकले मलम दिए अनि जिल्ला अस्पताल जान सल्लाह दिए । ‘अस्पताल जान नि पैसा थे’न, पैसाकै कारण त्यो दिन जान पाइएन, बेलुकाबाट त घाँटी फुले छटपटी हुन थालिहाल्यो’ आँखा भरि आशु बनाउदै उनले दुखेसो पोखिन ।

 

भोलिपल्ट श्रीमानले गाँउकै एक जनासंग मेलामा काम गर्न आइदिने सर्तमा १ हजार रुपैयाँ लिएर उनीहरु सदरमुकामको सरकारी अस्पतालमा पुगे । डाक्टरले मलम र स्लाइन लगाइदिए अनि भनेः उपचार यहाँ सम्भव छैन, काठमाण्डौ जानुपर्छ । सदरमुकाम आउन मेलामा काम गरिदिने भाका राखेर पैसा सापट लिएर आएका उनीहरु केही बेर अलमलमा परँे । ‘भएको १ हजार नि सक्कियो, काठमाण्डौ त के घरसम्म पुग्ने नि खर्च भएन, अनि ५ घण्टा हिडेर घर फर्कियौ’ २८ बर्षीय उनका श्रीमान गोरे परियारले भने ।


चमेलीको शरीर झनै फुल्दै गयो, भित्रभित्रै पोलेको महशुस गर्न थालिन् । अनि गाँउकै एक मेडिकलमा गइन । ‘मेडिकलका दाईले पोलिएको सबै छाला ताछिदिए, अनि मलम लगाइदिए, केही दिन उनकै आएर छाला निकालेर मलम लगाउने गरे तर घाँटीको घाउ गहिरिदै गयो भनेर सबै आत्तिए’ ७ महिने छोरीलाई दुध खुवाउदै चमेलीले दुख पोखिन् ।


दिनभर अरुको खेतबारीमा निबेक गरेर बिहान बेलुका छाक टार्दै आएका उनिहरुको यो घटना भरखर चुनाव जितेर बनेका सोही वडाका वडा अध्यक्ष काशीनाथ अम्गाईले समेत थाहा पाए । अनि उनलाई जिल्ला अस्पतालमा ल्याउने प्रवन्ध मिलाई दिए । जिल्ला अस्पतालमा खान र औषधीको समेत वडा अध्यक्ष अम्गाँईले नै ब्यवस्था मिलाईदिए । पोलिएको झण्डै एक महिना बितिसकेको छ ।

 

उनको घाँटीको घाउ गहिरिदै गइरहेको छ । अझैपनि जिल्ला अस्पतालले काठमाण्डौ जान सल्लाह दिइरहेको छ । तर चमेली र उनका श्रीमान गोरे अटेरी गरेर केही दिनदेखी गोरखा अस्पतालको बेडमै बसिरहेका छन् । कारण हो आर्थिक अभाव । काठमाण्डौ लैजान रकम नभएपछि उनले अस्पतालमै भर्ना गरेर बसेका छन् । ‘काठमाण्डौ गएर उपचार होला भनेर त चिताको पनि छैन, पैसा छैन, अब जे परेपनि सहुँला, के गर्ने त अब’ बेडमा बसेर आँशु पुछ्दै उजेलीले भनिन ।


आर्थिक अभावकै कारण उपचार कुरेर बसेकी बुंकोटकी चमेली परियारलाई माइतीले समेत वास्ता नगर्ने उनि बताउछिन् ‘माइती त घर नजिकै छ तर भएर के गर्नु एक पटक भेट्न समेत आएनन, कसैले वास्ता गर्दैनन, हामी गरिबको यो संसारमा को पो छ र’ उपचार गर्न क्रृणसम्म पनि कसैले नपत्याएको चमेली दुखेसो गर्छिन् ।


आगोले पोलिएर अस्पतालको बेडमा छटपटाई रहेकी आफ्नी श्रीमती उजेलीलाई आजसम्म कतैबाट पनि सहयोग नमिलेपछि सहयोगका लागि उनका श्रीमान गोरेले अनुरोध समेत गरेका छन् ।



Your Comment

थप समाचार

एनआरएन सल्लाहकार डा. शर्मा र कोषाध्यक्ष थापालाई युथ इन्स्पाइरेसन अवार्ड

  • 3 hours ago
एनआरएन सल्लाहकार डा. शर्मा र कोषाध्यक्ष थापालाई युथ इन्स्पाइरेसन अवार्ड

लण्डन । गैरआवासीय नेपाली संघका सल्लाहकार डा. हेमराज शर्मा र कोषाध्यक्ष हिक्मत थापा युथ इन्स्पाइरेसन अवार्डले सम्मानित भएका छन ।

परीक्षाफल प्रकाशित, यसरी हेर्नुस् नतिजा

  • 9 hours ago
परीक्षाफल प्रकाशित, यसरी हेर्नुस् नतिजा

 काठमाडौँ, माघ २ । त्रिभुवन विश्वविद्यालय परीक्षा नियन्त्रण कार्यालय बल्खुद्वारा २०७३ साल कात्तिक-मंसिरमा सञ्चालित मानविकी तथा सामाजिकशास्त्र संकायतर्फ स्नातकोत्तर दोस्रो वर्ष २०७३ आंशिकको संस

अब वाम गठबन्धनको नेतृत्वले संविधान परिष्कृत गर्दै लैजान्छ

  • 9 hours ago
अब वाम गठबन्धनको नेतृत्वले संविधान परिष्कृत गर्दै लैजान्छ

काठमाडौँ, माघ २ । नेकपा एमालेका वरिष्ठ नेता झलनाथ खनालले वामपन्थीको नेतृत्वमा संविधानलाई परिष्कृत गर्दै लगिने बताएका छन् ।   अनेरास्ववियूद्वारा आयोजित दुईदिने


Loading...

भिडियो

hamropatro

नेपाल

परीक्षाफल प्रकाशित, यसरी हेर्नुस् नतिजा

परीक्षाफल प्रकाशित, यसरी हेर्नुस् नतिजा

 काठमाडौँ, माघ २ । त्रिभुवन विश्वविद्यालय परीक्षा नियन्त्रण कार्यालय बल्खुद्वारा २०७३ साल कात्तिक-मंसिरमा सञ्चालित मानविकी तथा सामाजिकशास्त्र संकायतर्फ स्नातकोत्तर दोस्रो वर्ष २०७३ आंशिकको संस्कृति, पत्रकारिता तथा आमसञ्चार र इतिहास विषयको परीक्षाफल आज प्रकाशित गरिएको छ ।

जीवनशैली

हरेक रातमा ३ देखि ५ बजेको बीचमा निन्द्रा खुल्छ ? हुनसक्छ अन्जान शक्तिको यस्तो इशारा

हरेक रातमा ३ देखि ५ बजेको बीचमा निन्द्रा खुल्छ ? हुनसक्छ अन्जान शक्तिको यस्तो इशारा

एजेन्सी । के तपाई राति सुतेपछि हरेक दिन एउटै समयमा ब्युझिने गर्नुहुन्छ ? चाइनिज मान्यता अनुसार यो कुनै अदृश्य शक्तिको इशारा हुनसक्छ । वा कुनै शक्तिको प्रभाव हुनसक्छ ।

विचित्र विश्व

पढ्ने खर्च जुटाउन भर्जिनिटी लिलाममा !

पढ्ने खर्च जुटाउन भर्जिनिटी लिलाममा !

एजेन्सी–राम्रो शिक्षा लिन आजकल जोकोही चाहान्छ । तर, पैसाको अभावमा मानिसले राम्रो शिक्षा लिनबाट बञ्चित हुने गरेको छ । राम्रो शिक्षा पाउनका लागि धेरै समस्याहरुको सामना गर्न पनि केही मानिसहरु पछि पर्दैनन् ।