धनकुटाका कृषक आँपखेती तर्फ आकर्षित, यस वर्षमात्रै ६ करोडको आँप बिक्री

धनकुटा, साउन २६। धनकुटामा यस वर्ष ६ करोड रुपैंया भन्दा बढीको आँप विक्री भएको छ । यो वर्ष १ हजार १४ मेट्रिकटन आँप विक्री भएको जिल्ला कृषि विकास कार्यालय धनकुटाले जनाएको छ ।

 

उक्त आँपको विक्री मुल्य लगभग ६ करोड ८० लाख रुपैंया रहेको छ । धनकुटामा तीन सय ७५ हेक्टर जमिनमा आँपको खेती हुदै आएको छ । जसमा उत्पादनशिल एक सय ६५ हेक्टर रहेको थियो भने उत्पादकत्व ६ सय १४ मेट्रिकटन रहेको जिल्ला कृषि विकास कार्यालय धनकुटाका बाली संरक्षण अधिकृत सुर्य सापकोटाले बताए ।

 

धनकुटामा आँपको न्यूनतम मुल्य प्रतिकिलो ६० देखि एक सय रुपैयाँँसम्म रहेको छ । धनकुटा नगरपालिका–९ छेम्सुवाका कृषक पशुपति भण्डारीले यस बर्ष ९ लाख रुपैयाँको आँप विक्री गरेको बताए । उनले ४० रोपनी जमीनमा करिब २ सय भन्दा बढी आँपको बोट लगाएका छन् ।

 

‘अघिल्लो बर्ष भन्दा कम उत्पादन भयो । तर बजार भाउँ राम्रो पाएकाले आम्दानी धेरै भयो’ भण्डारीले भने । आफुलाई खानको लागि रोपिएको रुखमा फलेको आँपले आम्दानी राम्रो दिन थालेपछि अहिले धनकुटाका किसानले व्यवसायिक रुपमा खेती गर्न थालेका छन् ।

 

अरुण नदी र तमोर नदीको गड्तिरमा रहेका समथर फाँटमा बसोबास गर्ने कृषकले सबैभन्दा बढी आँपको खेती गर्दै आएका छन् । जलबायु परिवर्तनका कारण तापक्रम बृद्धि भएर सुन्तला मासिँदै गएपछि कृषकहरु आँप खेती तर्फ आकर्षित बन्दै गएका छन् ।

 

महालक्ष्मी नगरपालिका चानुवाका कृषक इश्वर बल्लव भट्टराईले पनि आपँ बिक्रिबाट पनि यो वर्ष एक लाख भन्दा बढी आम्दानी गरेको बताए । उनले २० रोपनी जमीनमा माल्दा, काली बम्बई जातका आँप लगाएका छन्।

 

आँपबाट राम्रो आम्दानी हुन थालेपछि जिल्लाको साविक बेलहरा, छिन्ताङ, आहाले, महाभारत, खुवाफोक, कुरुलेतेनुपा, बुढिमोरङ, मौनाबुधुक, बोधे, आँखिसल्ला, चानुवा, लेगुवा, खोकु र चुङवाङ लगायतका गाविसका कृषकले व्यवसायिक रुपमा आँप खेती गर्न थालेका छन् ।

 

गत बर्ष धनकुटामा तीन सय २५ हेक्टर जमीनमा आँप खेती लगाइएको थियो । यो बर्ष तीन ७५ हेक्टर पुगेको छ । पछिल्लो समयमा आएर बेसी भेगमा आपँ खेती गर्ने कृषकहरुको लहर बढेर गएको जिल्ला कृषि विकास कार्यालय धनकुटाका बाली संरक्षण अधिकृत सापकोटाले बताए ।

 

यस वर्ष जिल्ला कृषि विकास कार्यालयले ५० प्रतिशत अनुदानमा माल्दा जातको २ हजार र अम्रपाली जातको पाँच सय विरुवा वितरण गरेको थियो ।



Your Comment

थप समाचार

 बेलायतका ग्रयाजुएट नेपाली उद्यमीहरुको वार्षिक सम्मेलन

  • 14 minutes ago
 बेलायतका ग्रयाजुएट नेपाली उद्यमीहरुको वार्षिक सम्मेलन

लण्डन । बेलायतबाट डिग्री पूरा गरी विभिन्न उद्यममा लागेका नेपालीहरुको संस्था ग्रयाजुएट इन्टरप्रेनर्स नेप्लिज सोसाइटी (जेन्स) यूकेको वार्षिक सम्मेलन सम्पन्न भएको छ ।

बे लिफ रेष्टुरेन्ट ब्रिटिश करी अवार्डको उत्कृष्ट चारमा

  • 29 minutes ago
बे लिफ रेष्टुरेन्ट ब्रिटिश करी अवार्डको उत्कृष्ट चारमा

लन्डन । बेलायतको वकिंगस्थित ग्रेसट भिलेजमा अवस्थित नेपालीद्वारा सञ्चालित इण्डियन रेष्टुरेन्ट द बे लिफ यस वर्ष ब्रिटिस करी अवार्डसको फाइनलिष्टमा पर्न सफल भएको छ ।

वतानिया एयरवेज्ले सुरु गर्यो काठमाडौंदेखि कुवेतका लागि सिधा हवाई सेवा

  • 33 minutes ago
वतानिया एयरवेज्ले सुरु गर्यो काठमाडौंदेखि कुवेतका लागि सिधा हवाई सेवा

काठमाडौं, मंसिर २७ । कुवेतको निजी स्वामित्वमा रहेको वतानिया एयरवेजले डिसेम्बर १३ देखि त्रिभूवन अन्तरराष्ट्रिय विमान स्थलमा आफ्नो सेवा सञ्चालनमा ल्याउने भएको छ । सेवा सञ्चालन संगै वतानिया एयरवेज् कुवेत


Loading...

भिडियो

hamropatro

नेपाल

अमेरिकामा एकै परिवारका ३ जना भुटानी शरणार्थीको मृत्यु

अमेरिकामा एकै परिवारका ३ जना भुटानी शरणार्थीको मृत्यु

काठमाडौँ, मंसिर २७ । अमेरिकामा नेपाली मूलका एक परिवारका तीन सदस्यको सडक दुर्घटनामा परी मृत्यु भएको छ । झापाको बेलडाँगी शरणार्थी शिविरबाट अमेरिका गएका थिए ।

जीवनशैली

अमेरिकामा रिपब्लिकनलाई ठूलो धक्का

अमेरिकामा रिपब्लिकनलाई ठूलो धक्का

बिबिसी । अमेरिकामा सत्तारुढ रिपब्लिकन पार्टीलाई निराश बनाउँदै डेमोक्र्याटिक पार्टीका एक जना नेता अलाबामा राज्यको सिनेट सदस्यमा निर्वाचित भएका छन्।